與毛寶慶生快閃台北之旅2017-09-28第一天(晴天)

喂喂喂!!!哈p撩姨牙!!!!大家呢個假期過得好嘛~~上星期五...係你想像唔到既多野做...隻手快到要飛天~~放左工....換左衫去左水坑尾宏達睇下出年想去旅行既旅行書....睇完無收獲但個肚極餓...就行過隔離既Pexxxr Lxxch...平時都有食開其他分店..呢間係第一次食...我叫左最貴哥個牛扒餐...但...我未食過咁難食既牛扒..唔似肉眼扒肉質..無牛味...淨得極重黑胡椒味...我係隔離雀仔園凍肉鋪買$19一塊牛扒都無你咁難食~水坑尾呢間我以後都唔會幫襯!(弱弱的問...你地係咪入錯左批殼?)....之後去左行光影節~再之後去左睇逃出魔幻紀：叢林挑機....(點解星期五咁多野講既~).....上星期六~睡飽飽去左食金坂呀!!!!!!!你又帶我食好野~~好正~~~多謝毛寶~~不過今次個師傅略嫌佢握d壽司飯有點鬆散..調味重左d....我想食番之前哥個師傅呀~下午去ctm攞埋個Airpods~因為前幾日買電話可以減$300買~可以跑步用喇~夜晚同左菓子軒去食家常便飯(間野真係叫呢個名架)....之後就去左戀愛電影館睇情迷梵高(Loving Vincent).....上星期日..超乖~晨早起身去跑步~不過成績麻麻..得3km多少少咋...又熱又曬~叫左跑左2017最後一跑啦~~中午食左starbucks~因為我想飲2017最後一杯筋勞~然後整個下午搵下年某個旅行既景點...一搵就是4個半小時...景點都搵好了...但拍擋仲未有假...機票未買...酒店未訂~夜晚本身話食完飯去睇煙花倒數..點知...飲左華生堂燉湯->去左篤魚蛋..個口好辣..要食少少甜野->三盞燈附近好多野食檔..唔知係咪因為倒數~我買左麥芽糖夾餅~好耐無食~->食完少少甜野又食d咸野~食左雞肉同埋雞軟骨串燒~->食完少少咸野又想食少少甜野~食左冰糖燉桃膠~~~~~~~食完覺得內心好平安~同左菓子軒一齊倒數!!!!happy new year~~~~~~~星期一...中午去左星際間Passion度食~跟住去左睇大娛樂家~夜晚去左新濠峰食季風~試左佢個$198二人餐...勁爆難食...一係無味..一係勁咸~真係好出色~我既元旦假期一頭一尾晚餐都中左伏~跟住梗係係屋企睇叱吒啦!!!!支持sunny bb嘛!!!星期二..超多野做...d人唔使番工咁既?放左工去左跑步~5.39km~晚飯食左checp壽司...有時覺得cheap壽司真係好有魅力~星期三....中午俾人激左一獲....下午俾人再激一獲...我堅頭痛....放工去跑步...5.22km...跑走不快!!星期四起身仲係有d頭痛....但今日少d膠人膠事.....加上晚餐吃得好好的~又開心番~



2017-09-28
Day 1(澳門 Macau->台灣,台北 Taiwan,Taipei)
好好好~~台北之旅出發喇~~~~~呢日我地都好搏命架~因為我地係番足全日工~放左工即刻搵阿Sam車我地去機場~多謝阿Sam~~~(其實本身諗住自己揸車去機場架..但依家機場取消左日泊費用...咁貴仲點泊??我都唔明你個停車場唔係方便人地去旅行用既咩?)....家陣我去既地方澳門有得飛我都唔會去香港飛架喇...好攰~咁我地去換埋錢先啦~個匯率都係麻麻地...呢排d台幣匯率都高企呀~舊年聖誕節個匯率仲係4(NT$4=1hkd)....依家得番3.78(NT$3.78=1hkd)......算啦~又唔係換一百幾十萬~又唔差好多je~我又唔算換得好多台幣呀~因為我打算狂碌卡咋~好喇~每次都提架喇...出發台灣之前..記得要上台北入出國事務組網頁搞番個入台證呀~咁哥日係9月28日嘛~我諗住未到國慶正日應該無事既~點知去到我地個航空公司既check in counter見到爆爆爆勁多人!!!個蛇餅捲左好多個圈~最後....好彩醒起自己有做online check in~佢有個counter專係俾做左網上check in既人既~一個人都無~~(真係要讚下自己)



攞左登機證之後就入禁區啦~同你影張出發合照先啦~成3個幾月無同你去過旅行喇~(毛寶：都唔知點解你咁鐘意係呢個位影相..好靚咩?!)..係呀~好靚呀~個gip出發時係8.2kg




影完指定合照~又到用盡信用卡優惠時間~唉~用到12月尾就無得任入喇~傷心~呢晚個Lounge又幾多野食喎~仲有中湯飲添~~魚蛋河仲要多左叉燒添~唔錯~




我地呢日係搭澳門航空既NX620號班機係20:40由澳門直飛台灣台北~我其實好少去台灣搭澳航...去親台灣都係搭廉航(因為通常有平機票先去~)....而今次係為左慶祝毛寶生日而去台灣梗係早d睇機票啦~點知望下傳統航空近國慶出發個價....包埋行李同廉航差唔多...咁梗係揀澳航啦~(雖則話澳航都唔係話好好~飛機餐係一個芝士火腿包...唔算好食囉...塊火腿係可以講幾難食既...........(我諗起d人成日講因航去台灣個雞卷有幾難食...唔知同呢個包比..邊個難食d?)




大約22:20到左桃園機場啦~hi~我地又黎喇~




出左禁區毛寶話使唔使買張電話卡..但我估應該都關哂門啦咁夜~所以就話算啦~就直接衝去搭的士出台北市區~(係~就算有巴士....就算依家有埋機場捷運都好~我地都係懶到搭的士既~舒服丫嘛~由桃園機場去到我地酒店NT$1,095=289.7hkd....如果日間會貴d..因為可能塞車~)....一個鐘唔使就舒舒服服咁黎到我地呢個旅程住既酒店~永安棧~~地址：台北市萬華區中華路一段150號........................就係西門捷運站6號出口一出行一分鐘就到~我地次次住西門町行過都覺得呢間酒店好靚~(因為我地次次住哥d都係係一幢商廈入面..立立雜雜咩類型既商鋪都有哥d酒店)...門面又正喎~但次次話下次住...次次都無住...原因梗係因為太貴啦~今次毛寶生日~點都要住下啦~~~





我仲特登訂左間房係有窗既~~(因為我覺得一間房有窗定無窗差好遠~~)....用左hotels.com既十晚送一晚優惠...減左一晚房錢~加埋稅之後三晚共3,049hkd...每晚1,016.3hkd....即每人每晚508.2hkd~我覺得都唔錯呀~間房都幾大丫~(係床上面既紫色小枕隻色有d醜..唔放整體感好d~)






洗手盤外置係房門至床既長走廊中~幾好丫~你痾屎時又唔怕阻住我刷牙~




廁所又同沖涼房分開喎~我又係鐘意~因為你痾屎時又唔怕阻住我沖涼~(預設你永遠係度痾緊屎~)...唉呀~影到自己隻肥手指添~沖涼水夠熱夠猛~




仲有鳳梨酥請你吃~間房係幾唔錯既~但最廢既係佢上網速度極~~~~~~~~~慢!真係好慢.......




好喇~放低野係房就出發搵野咬下喇~我揀左呢間程味珍意麵...地址：台北市萬華區西寧南路63號....揀佢原因除左因為我想揀近酒店可以行到去既地方食...網上食評正面....仲有就係...佢開得夠長時間~因為我行出黎食野哥時已經過左夜晚12點~佢開09:30-04:00...係!你無睇錯~~開到凌晨4點!!有室外位和室內位~





最吸睛既畫面就係門面呢個放滿滿的一盤盤滷味陣!(我貌似講緊粗口但其實我無架下!)





牆上面有餐牌唷~乖乖地自己看~




見佢門口有紙劃....睇睇....點知老闆話家陣唔多人呀~你直接同我講得喇~唔使劃紙仔~好唷~....滷味餐牌無寫幾錢又唔使劃的....好似澳門篤魚蛋咁執執執自己想食既交俾老闆就可以了~




出發前已經問左衰婆意麵係咩黎既...原來係好似滷肉飯咁...不過佢係換成麵黎既~乾意麵(小)...NT$40=10.6hkd.....仲叫左碗蛋花湯...NT$30=7.9hkd




乾意麵其實味道不錯的~因為其實就係我鐘意既滷肉汁嘛~但我又麻麻地呢種麵質~~~~(幾想佢係撈台灣幼幼米粉~~那應該叫乾意米了吧~~~XD)




蛋花湯真的一般...好像很味精的感覺~




滷味提供唔到價錢俾大家呀~~~因為我無問呀~~淨係掛住執執執~蘿蔔好淋無渣又入味~~~~推~~~




豬耳爽爽又入味~~正~~~~生日梗係要黎隻蛋慶祝下啦~~~




呢種豆腐既質感我一般般~~~但係海帶極度好吃!!!!!




台灣第一餐宵夜~食左NT$230=60.8hkd~都算幾抵丫~食左咁多野~~~~~~(減左意麵同蛋花湯即係滷味部份係42.3hkd)...呢間d滷味不錯吃唷~我下次試埋滷肉飯先~





行番酒店前經過Family Mart咪行下囉~(係..唔知點解去親日台旅行都要行便利店...極想睇有無期間限定...食到就威威)....之前fb有推推介過Family Mart出既土芒果青鮮果乾~咪買黎試下囉~~(但仲未食~)




仲要食少少甜品~清下頭先食完滷味既口~(食完好臭咩?)....個益力多雪條上次去釜山無食今次係台灣見到咪係度試下囉~不過我覺得麻麻~本身唔係想食辻利抹茶大福~因為我想試哥隻烏龍茶布甸無哂~




又係逼你睇我口水系列~對佢無期望~反而幾好味喎~入面既綠茶雪糕好好味~




仲買左呢支台灣制造的龍眼蜜手工啤酒~不過擺到走哥日都未試~最後依家係毛寶家雪櫃中~




fb仲有推介呢隻鱈蟹柳~不過一般啦~同澳門買黎食到既差唔多口味同質感~




行過見到來貘子既話又無理由唔買既~呢個系列出左好一排喇~但我無嘛~咪抽下囉~





我點知我咁醒一抽就抽中我最想要最靚最靚哥隻牙仔je!!!!!!呢d事無咩幾可發生係我身上架!!!(我通常抽呢d呀..扭蛋呀都係抽中d我心中認為最醜哥d)好靚好靚...然後毛寶輕輕說：好靚呀...你就好啦..........華...你生日大哂喎講到咁...唯有忍痛送俾你啦~拿~送左生日禮物俾你架喇~




沖完涼就剔下拌手禮啦~好開心呢間酒店都有呢個服務~等我唔洗走黎走去買齊佢~但如果可以有再多既選擇就好喇~(人總是貪心的~)








呢個放3日假既小周末....一共睇左3套戲....
到底呢個人有幾愛睇戲?
1.逃出魔幻紀：叢林挑機
咩話?!第一集原來已經係22年前?!?!?!
我仲記得當年去戲院睇既畫面喎!!(
你無睇過唔好話我知!!請你離開我個blog!!嗚嗚!!!!)....
呢套續集雖然無咩關連...但作為續集系列..
我認為佢已經做足哂本份....超多笑位!!幾好睇!!!!!!!!!
2.情迷梵高(Loving Vincent)
由125位畫家畫既手繪油畫動畫電影....
我估唔到我睇到差d流馬尿...
睇完突然好想飛去睇佢d畫作!!
3.大娛樂家(The Greatest Showman)
d歌勁好聽~~好好睇呀!!
好耐未試過連睇3套戲都好睇喇!!!
今年一定會好好運!!!!!!



yeah!!!
Supper攞左叱吒十大第三位"靈感床"
叱吒樂壇組合金獎..仲有我最喜歡的組合!!
3個大大大大大大獎呀!!!!
三冠王好利害呀!!!!!!!
好開心~~~佢地仲同霆鋒同台呀!!!!!
好正!!!睇完哥晚...
我發夢....Sunny bb同我慶功呀!!!
野~~~~~~~~~(花痴mode "ON")



2018/01/04的開心事：
梗係開Blog大吉啦啦啦啦啦~~~~~
希望快d睇岩機票啦~
都係未有機票進帳~