七公子聖誕百元限定哭福袋派對2014@花道葡萄牙餐廳Fado Legendary Portuguese Cuisine(哭福袋篇)

好想快d到4月30日呀~~~快d啦~~~番多兩日工就放假啦~~~5.1又要諗定要咩地方食野喇~~因為又會三工啦~~~~我依家諗諗下...如果癲d.....其實3日假....都可以去旅行喎~~~(我忽發奇想je~)



哈哈~~好喇好喇~~等左咁耐~~~終於講到公子哭福袋喇~~~每年都係咁既~首先就抽左百元福袋先既~等大家開心下嘛~~~我地今年抽籤既方法係...首先抽一個出黎....被抽中哥個就自己抽籤...睇下抽中邊個哥份~咁樣會比前幾年既抽獎方式快d~~~~唔使重覆~~~~好喇~俾大家睇今年既百元福袋先~

開估喇~貞公子抽中杯公子的~(頭cool唔係~)..有拖鞋著都唔錯~貞~~~你今年冬天有無著呀???

麥公子抽中貞公子的~~er...係就係幾實用既....但係張相可以出街嘛?

我抽中凱公子的~~~~保羅費奇的毛巾套裝都不錯呢~

然後凱又抽中我的~~~(搞咩呀~)...我覺得都幾岩冬天用呀~~~~

三公子唔知第幾年抽中朗公子的福袋了~~~~~真係有緣~~~密實盒好岩帶飯的公子呢~~~~

公子票選最有心思福袋：杯公子抽中麥公子的~~~~~係麥公子親手浸既檸檬醋同埋懶懶熊保暖杯!!!!!!!超甜心的!!!!超想抽中~~~~~~

公子票選最唔想抽到的福袋：就係朗公子抽中三公子的.......俾我都唔想抽中~~~~~~一打開......係裝鹽同埋胡椒粉既調味料樽..........................................................仲要附埋胡椒粉同埋鹽....唔係話你唔貼心....但有幾多人屋企會真係開呢個咁阻地方既調味料樽呀~~~我諗你自己都唔會用囉~~~~~~~~朗公子一開時說：呢個到底係福袋定哭袋呀??呢包幾蚊既鹽我阿媽都唔買黎煮餸啦.......然後大家笑到反肚~~

經過一輪福袋既洗禮....又係時候到地獄哭袋.....係抽之前...我地訪問過各位公子最唔想抽到邊個哭袋....(大家有活動公子睇喇~)

一致認為係你喎~~~~除左你自己之外;];];];];];];]



俾大家睇睇哭袋既盛況~

由最輕手哥d講起好似個心會舒服d....慢慢先去d比較刺激的~朗公子抽中杯公子的~都ok呀...有衫哥d防塵袋~(喂...杯..點解我舊年抽中你哥時你哥個哭袋之最架)

貞公子抽中朗公子的~有酒店拖~幾好呀~岩哂去旅行用~用完即棄~係個頸枕難搞d~

我抽中麥公子的~我真係無一樣岩用...最眼火爆抽中兩副麥鏡~~~~~一副超醜...一副我自己都有~~~~~還有個超醜的folder

三公子抽中凱公子的...睇下毛寶笑得幾開心~~就體積上黎講真係佢嬴哂~細粒到咁~~~~~但係一開..........................點解咁細個可以裝到咁多野架?!?!?!?!?!?毛寶說：點解攞極都有?真係好多野~

杯公子抽中貞公子的~你睇杯個樣就知咩事啦.....以為件數少...殺傷力就會少d嗎??係唔會架~~~睇下件衫d花紋醜到~~~~~~~杯話佢工人姐姐都唔會著....條頸鏈真係..........

仲有杯手上哥個洗面機先係精粹.........那是內地出的洗面機....刷唔爛你塊面我話你好野!!!!!!!!!!!!!笑到胃抽筋喇~~~~~~

凱公子抽中我的~~~~我哥袋係大絕全場~~~~超多禮物送俾你呀凱~~~~~~~隔油湯壺又有~插電既發聲炮杖又有~一對無公子岩著既拖鞋又有~真係立立雜雜咩都有~~我諗其他人抽中真係會好愁...係凱公子番到屋企都仲有玩我個哭袋~~~笑死我~~~

票選公子最差哭袋：麥公子抽中三公子的~~~~~(無論開之前同開之後佢都係第一位)....其實其他野都好正常架....但係睇睇麥公子前面哥一樣....

我放大俾大家睇.......華~~~~醜到~~~~~~某次同毛寶傾whatsapp...然後佢同我講：我阿媽同我家姐噚晚去食飯抽中獎呀....我：咁好呀~抽中咩呀?.....佢影相俾我睇......我開頭仲以為係紙紮架恐怖到.....邊有人送d咁既野架....望真d.....頂~~~~~係真野黎架喎~~~~~~仲要佢媽媽同家姐一人抽中一盒~~~~~~~~(我寧願抽唔中獎喇~)....有名架~叫美人魚牌~上淘寶睇過..你估下幾錢?(價錢在相下面開估)...........佢家姐仲話要送俾我喎~~~我話唔使喇多謝哂~~~~~~~~~~~d色真係夠哂後現代....現場聞過d味好似以前d懶靚既老女人化妝哥d味....好嘔........仲要有埋唇彩同粉底膏~~~勁恐怖~~~~毛寶~~你贏了~~~你開心啦~~~~~~~~~~~2014年公子哭福袋頒獎禮完滿結束~毛寶在哭福兩邊都拿左最差殊榮~~今年我會加把勁贏你地的~

淘寶價：$18人仔....你夠膽查上塊面我話你好野~





2015/04/28的開心事：
今日有人請我地食下午茶呀~多謝~~
張姐記個咸薄撐真係好好味~~~
我依家又想再食喇~~~~~



報時：距離關西哈利波特之旅2015仲有---53日~
報時：距離冰島格陵蘭自由行之旅2015仲有---152日~