今日係蛇年最後一個工作日嘛~同左毛寶去食番個麥叔叔早餐~仲要毛寶請我吃的~~年三十晚番工就係唔同d~今日番4個工做左10隻咋~爽爽~不過今日個肚痛到癲左.....要食止痛藥鎮住~超準時放工~去銀行搞d野~跟住同左公子們係永利軒飲茶團年~開心~下午去左venetian行街街買左件新衫過新年~~~
好喇~大年初一~今日我想推介一間我極級喜歡食既越南餐廳~~叫做滿記東南亞美食~地址:澳門筷子基和樂街25號地下K鋪...電話:2855 1651.....隔星期二休息.....鐘意既原因不外乎係抵食好味夾大件~~~地方不大~但食過咁多次都唔使等位~
咁我都食過大約4次左右咁多次好食先會叫推介~~咁食左咁多都食唔同野試下~~~咁就分類講下~
飲品類:
越南椰子冰沙 $22.....好正呀!!!佢d冰沙飲得出好足料~~唔係糖水味~~~~很椰子的清新~~而且勁大杯~~~飲極都飲唔哂~~
越南榴槤冰沙 $30.....超級的多果肉在裏面~~很香榴槤味呢~~~(但我平時唔係太食榴槤喎~~哈哈~~)
越式大菜糕龍眼冰 $24.......又係超愛~清甜的龍眼冰加入爽爽的大菜條~~~好口感~
越式西貢滴滴咖啡奶(凍) $18.....識我咁耐都知我唔飲咖啡架啦~不過呢個我入到口喎~可能因為係用煉奶既關係~我覺得幾好飲~
主食類:
越式生牛肉湯河 $28.....佢全部主食都面盤咁大~~~味道很正~
越南順化湯檬(雜錦) (牛筋,牛展,札肉) $38.....超級的大....連我都食唔哂!!我喎!!!超多料~~好味~
特式河內湯河(生熟牛肉,牛筋,牛丸) $38......又係大堆頭得超勁!!兩個細食既女仔應該可以share~
越式車部酸子湯檬 $38....毛寶的飛佛~酸酸地既湯~幾開胃的~
越式烤肉春卷撈檬 $38...咁重肉梗係我架啦~但我食哂喎~~呢個配搭簡直係完美~無得頂~烤豬肉醃得好入味...春卷亦正~
越式西貢豬扒碎米飯(燒豬扒,蛋餅) $38....佢d豬真係無野講~隻味實在出色~呢隻蛋餅我第一次食....裏面有d粉絲有d蝦米~幾得意~仲有紫菜湯跟~
越式炸春卷(4件) $24....正~我超鐘意食越南春卷的...因為佢外皮一絲絲咁~(係咪米紙皮?)...份外夠脆!
越式香葉牛柳 $24.....開頭睇相以為佢塊香葉係炸到脆哂的....點知原來外面咁"令"係因為有d油!!!裏面有大量的花生醬包埋牛柳....食一舊就覺得ok好食...但食多舊會以為自己即時變"三高"...因為實在太油!!呢個我唔會再叫~
越式魚露炸雞翼 $27....我幾鐘意隻味喎~但毛寶就嫌佢炸得裏面既雞肉老左d~
越南特式肉卷(2件) $20......諗都知係咩味...其實我唔係特登叫佢架....只係我以為佢係我鐘意食哥隻暖暖地包住肉碎哥隻(我又唔記得叫咩名~)
這是我一去再去三去.....以後都繼續會去的餐廳~正~
依家係子時!!!!!
即係大年初一喇~~~~~
我特登呢個時候先出blog正日祝賀大家架~~~
祝大家:
新年快樂!!
龍馬精神!!
身壯力健!!
一帆風順!!
心想事成!!
家肥屋潤!!
團團圓圓!!
旅遊運亨通!!
恭喜恭喜!!!!!!!!!!
年三十晚收爐~
初六啟市~
請大家在馬年也要多多關照我呀~
為左新年我都幫我個blog換左新衫~~
唔知有無人睇到呢~~(個背景~~)哈哈~
2014/01/30的開心事:
今晚可以同媽媽食團年飯~
已是一大樂事了~
今晚同左媽媽係李家食韓燒~
好正呀~~~~~~~
報時:距離澳洲探險自由行之旅2014仲有---50日~
報時:距離吉隆坡慶生自由行之旅2014仲有---77日~
越南食品我至like,由其喺妳介紹個幾款湯粉,我都睇到好地道好好味
回覆刪除甲午馬年
祝妳
事事順利
心想事成
青春美麗
健健康康
萬事如意
財運亨通
我都愛越南野~
刪除多謝你既祝賀~我都祝你和家人身體健康~
恭喜發財,祝你龍精虎猛身體健康財源廣進心想事成,恭喜恭喜!!
回覆刪除你好叻呀,子時都識.
多謝你既祝賀~我都祝你和家人身體健康~
刪除梗係~我喎~
小T肚痛仲可以出去HIGH TEA? 厲害!
回覆刪除祝妳今年
心情 = ╔══╗╔════╗
財源 = ║╔╗║╚═╗╔═╝
人氣 = ║╚╝║╔═╝╚═╗
智慧 = ║╔╗║╚═╗╔═╝
健康 = ║╚╝║╔═╝╚═╗
幸福 = ╚══╝╚════╝
哈哈~~肚痛都要食野架~
刪除多謝你既祝賀~我都祝你和家人身體健康~
恭喜發財小t亞飛亦祝妳旅遊遍天下,日日有食神,美貌如女神,健康加快樂,還有馬年覓得如意郎.......^_^
回覆刪除看到文章中的一句不得不回應.....hehe
*連我都食唔哂!!我喎!!!* <<<<<<<< 知妳大食啦! ^_^
多謝你既祝賀~我都祝你和家人身體健康~~~~
刪除哈哈~~我驚你地唔知嘛~
我未飲過越南榴槤冰沙、一定要試下............妳細食???唔好玩啦~~~~
回覆刪除妳怕三高、但又叫越式魚露炸雞翼、又咪係多油~~~~真係、唔識講啦.............
最後、祝妳"馬年身體健康、食極都唔肥、心想事成、財源滾滾來"恭喜、恭喜
我無話我細食呀~你睇清楚~~~~
刪除哈哈~~食少少啦~又唔係成日食~
多謝你既祝賀~我都祝你和家人身體健康~
♦・゚・今個農曆新年天天太陽出來了♦・゚・溫暖又開心
回覆刪除花開迎春接福年年順境¸.❀•*¨快樂指數勝去年¸.❀•*¨
✿2Ѽ14✿天天都過得歡樂精彩⌒✿╮齊齊迎接馬年⌒✿
✿✿ ✿✿✿✿✿✿✿。。゚ ¤º°¨ƸӜƷ
✿✿ ✿✿ ✿✿。・゚゚ʚïɞ♦・゚・。。゚
✿✿✿✿✿✿✿✿✿ ✿✿
✿✿ ✿✿ ✿✿
✿✿ ✿✿✿✿✿✿✿
✿✿ ✿✿✿✿✿✿✿
✿✿✿ ✿✿✿✿
.✿✿✿✿✿ ✿✿✿✿∧∧
.✿✿✿✿✿✿ ✿✿✿✿・ω・)
✿✿ ✿✿ ✿✿⊂ノ。・゚゚・福你。。゚♡
✿✿ ✿✿ ✿✿ ✿✿
✿✿ ✿✿ ✿✿ ✿✿
多謝你既祝賀~我都祝你和家人身體健康~
刪除祝馬步穩健、馬到功成、馬路平安、馬馬虎虎就可以賺大錢
回覆刪除多謝你既祝賀~我都祝你和家人身體健康~
刪除守歲: 一夜連雙歲,五更分二年
回覆刪除多謝你既祝賀~我都祝你和家人身體健康~
刪除我種左棵桃花係門口,囡囡11點55分(子時)起身圍住棵花轉桃花運到過左12點大年初一,佢話點辛苦都要轉,希望來年人事順利喎!
回覆刪除咁又係喎~人緣好真係咩都好~
刪除間野咁正,第日過大海都要去搵食先。
回覆刪除真係幾唔錯~我都成日去食~
刪除水太太祝你新春快樂﹗馬到功成﹗龍馬精神﹗一家平安﹗
回覆刪除多謝你既祝賀~我都祝你和家人身體健康~
刪除首先祝小T日日都開心! 身體壯如牛!
回覆刪除下次去澳門一定要試下啦~個榴槤冰沙好吸引呢~!
多謝你既祝賀~我都祝你和家人身體健康~
刪除我都幾鐘意食呢間~
哈囉!恭喜發財..祝小t 身體健康,萬事勝事,龍馬精神and祝各位公子紅鸞星動,花開富貴
回覆刪除多謝你既祝賀~我都祝你和家人身體健康~
刪除你除左關愛仲關愛埋公子~多謝你~
您地叫咗好多嘢喎!
回覆刪除祝馬年繼續叫好嘢、四圍玩、過完美人生~~~~~~
多謝你既祝賀~我都祝你和家人身體健康~
刪除分開4次食啦~
恭喜新春大吉!事事如意!
回覆刪除多謝你既祝賀~我都祝你和家人身體健康~
刪除貞也祝小t新春大橙~~也祝你和各blog友身體健康!笑口常開!:D
回覆刪除多謝你既祝賀~我都祝你和家人身體健康~
刪除貞真乖~祝福埋blog友~
小t新年快樂! 祝小t 新一年事事順利, 工作開心, 去多啲旅行, 食多啲好味既! ^o^
回覆刪除多謝你既祝賀~我都祝你和家人身體健康~
刪除Hi!小t 祝妳㳟喜發財!心想事成!龍馬精神!食極都唔肥!工作順利!去多d旅行!馬年行大運!新年去咗邊度拜年呀!是否日日食同玩喇!滿記東南亞美食d野食又幾正喎!又是在筷子基處!妳都幾鍾意去快子基食嘢呀!香港都好少咁平越南美食店喇!子時妳都知!叻叻!今年𢭃利是多嗎?bye!!!
回覆刪除多謝你既祝賀~我都祝你和家人身體健康~
刪除祝小t馬年大吉大利,身壯力健,再同Mr布生有近距離接觸
回覆刪除多謝你既祝賀~我都祝你和家人身體健康~
刪除好呀好呀~~~我好耐無見過布志綸喇~~~
Happy New Year!!
回覆刪除I went there before, the food taste super delicious!
多謝你既祝賀~我都祝你和家人身體健康~
刪除間越南嘢好似好好味咁喎,哎呀,搞到我又想食嘞~~
回覆刪除你鍾意嗰個叫做粉卷呀,朋友,記住嘞,唔好再叫錯。
yeah~我又引到你喇~~~呢間真係唔錯~~~
刪除好~多謝你提我~下次我再唔記得你再提我啦~~~~~
恭喜發財!版主你初幾啟市丫XD
回覆刪除好想快d睇你馬年第一篇blog ar~~~
貞公子恭喜發財!!貞公子你幾時下海?好想快啲睇你第一篇blog呀~~
刪除初六嘛~~~野~~~人地上面咪有寫囉~~~~~
刪除出左喇今日~~~~
旭:你好煩呀
刪除我這裡的越南湯河要成$10加仔, 澳門平多了
回覆刪除新年快樂.
回覆刪除