阿志麵家

聽日開始行3更食飯制~唔知會點呢....不過未到我地哥邊住.....我地暫時照舊~咁係咪好彩呢?好似暫時呢兩日都係自己哥邊....但新年後就唔知了.....唔理喇就快過新年喇...要開心左先呀!!!!!仲有日半要番咋!!!!加油呀!!!!!星期四年三十晚番半日~放工約左齊腳公子飲茶~~好野~~~~~



某日...突然諗起....要食呢間...大概有成5至6年無去過既阿志麵家~~~~地址：澳門酒潭巷41號...都算唔易搵的~因在橫街窄巷中~

鋪仔細細~得8個位.....當年我地都係人地介紹黎食既~主要係黎食拉麵~~~~係咪好搞野呢~~黎一間睇落咁中式既麵家黎食拉麵~~~~(不過佢都好似有粗幼麵揀~~)

日式炭燒豬頸肉拉麵 $23...我加埋日式蟹柳唔知幾錢~~~~佢既湯底並唔係日本哥d豬骨湯...但我又唔知係咩湯喎~~幾好飲~~我幾鐘意呢隻味~~都算幾多餸~~~

日式冠軍肋骨拉麵 $22.....以前就係成日食呢個~~好抵~~

小店要支持支持一下~~~其實呢間有好多人買外賣的~



哈哈~媽媽之前去日本買的牡丹蝦~~~真係又大又好吃~~~我隻手指好粗呀~~~

2014/01/28的開心事：
我噚晚down到開心直航喇~~
呢套戲係舊年我係新年時係J2度睇的~
日本戲~綾瀨遙做架~
講機場地勤~空姐~維修員~機師既故事~~~
幾好睇架~好笑好正~~睇完想買碟再睇~
搵極都無賣哂~
點知俾我係我iPad睇開戲個app度搵到~
即down~~~~~噚晚睇埋~~
睇完成個人心情超好~~睇完好似去完旅行咁~
所以今日心情都唔錯~~~~



想講件好笑野~
噚晚我咪話我媽整豬扒既...
點知我阿媽doub豬扒doub得太勁~~~
煮左之後變左一粒粒既免治豬肉呀~~~
wakkakakaak~我媽真搞野~~~



今日係年廿八...
我無洗到邋遢....
只係今朝.....創作左首好應節既歌..
我唱俾毛寶聽..佢問我知唔知個醜字點寫~~~~



報時：距離澳洲探險自由行之旅2014仲有---52日~
報時：距離吉隆坡慶生自由行之旅2014仲有---79日~