2014年1月27日 星期一

毛寶生日會2013@譽路八日本料理

今個禮拜番多3日半工就會放新年假~~加油呀~~加上今日係自己哥邊~特別醒神~~星期六:中午去左食一間叫九品既茶餐廳物體...不過唔好味~又多味精~無下次~..->行左陣街->同屋企人係舊葡京既不夜天食自助餐團年~開心~..->又行左陣街~今次買左年冷外套~百幾蚊好抵~......星期日:去左譽路八食午市套餐->毛寶幫我恤左新髮過新年~謝謝毛寶~...->去左觀光塔睇哥個日韓咩展...點知都無野食買既~淨係得衫呀護膚品哥d->同姑媽表姐佢地團年....今年食新葡京的8呢~好新穎~不過食完之後覺得並無期望中咁好食...失望........好開心呀約左表妹們年初二番婆婆家玩~~~~興奮~~



好~繼續毛寶生日篇~~食完蛋糕之後下午我地就去左UA睇回到最愛的一天~我仲喊到爸爸聲~~真係無用....夜晚就訂左我認為好好味既譽路八日本餐~~~之前都有講過的~唔記得既話就去呢度睇下->譽路八日本料理





前菜~今次係八爪魚沙律呢~~好好味~~




每人叫左一杯梅酒飲~前面哥杯$40幾...後面哥杯$60幾...$60幾一杯梅酒係幾貴架...不過想試下佢貴係邊....深色d又真係濃味d同埋感覺上酒精度高d喎~真係幾好味~




蘆薈海鮮醋 $98....超正!!!我好鐘意呢個醋物~~~酸酸地咁好開胃~~d蘆薈海帶同青瓜都好正!!!!!海鮮有墨魚北寄貝八爪魚同熟蝦~~~~~~~我之後去都有再叫~~




當時9月係秋天嘛~唔知點解我地突然愛上食秋刀魚喎~咁咪叫黎試下囉~~~~$220一條魚~魚骨仲會幫你炸埋黎食~送酒一流~秋刀魚刺身好鮮美呢~~~






冷麵~忘了幾錢~幾唔錯~




我地仲有叫壽司食...墨魚 $45...三文魚籽 $60....海膽 $85....講真佢呢度既壽司真係幾貴~~~但係又真係好好味喎~




我覺得好貴既鰻魚壽司 $75.....平時人地d日本料理$75應該可以食到鰻魚飯....但係佢呢度燒既鰻魚真係好好味!!外皮夠脆~~~d汁又正~~~我好懷念~~




淨炸蝦 $130.....自從之後毛寶帶我去食過出名食天婦羅既天政之後........其他的我覺得都唔好味~(之後介紹天政呀下~~)






2014/01/27的開心事:
今日放左工之後同左毛寶同貞行左陣街街~
雖然齋行~咩都無買~
但就好似番左去以前岩岩番工時咁~
開心~
仲好乖添~因為我行過歡樂吧咁都忍到手~
無買野食~因為今日第二樣開心既事就係..
我媽媽今晚整洋蔥豬扒~~
講起....我真係腦裏面無一味媽媽整豬扒既菜式...
終於解開個謎.....點解會無..
係因為佢真係無整過....咁多年黎..
無整過既原因係因為....
佢覺得要doub豬扒.....好煩...............................



報時:距離澳洲探險自由行之旅2014仲有---53日~
報時:距離吉隆坡慶生自由行之旅2014仲有---80日~

29 則留言:

  1. 開估,最重要嗰餐係去譽路八日本料理,就憑呢點一定要去試吓啦.

    回覆刪除
    回覆
    1. 我幾鐘意食呢間日本餐架~午市套餐都好正~~

      刪除
  2. baby~~~我返到香港啦~~~
    玩得好開心呢 ^-^

    回覆刪除
    回覆
    1. 太好了~~~你玩得開心~
      唔知你會唔會寫遊記呢~

      刪除
  3. 小t真係估唔到,大家係差唔多時間去吉隆坡玩,你係幾多號去呀?可以會係外地相遇!仲有不如分享下你plan既行程,大ka同mia仲係一片空白呀!

    回覆刪除
    回覆
    1. 我地18號去呀~唔知會唔會係雙子塔撞到你呢~
      我都未plan好呀~~~不過主要就係食食食囉~你地兩個一齊去呀??

      刪除
    2. 大ka同mia都係18號出發?你係香港飛定澳門飛??

      刪除
    3. 我同媽媽係澳門飛呀~

      刪除
  4. 乜妳咁容易喊架???
    下次買豬扒時可以叫豬肉佬doub埋嗎?

    回覆刪除
    回覆
    1. 我好易喊架~又易笑~傻的~
      我又唔知喎~我都唔識~

      刪除
  5. MY █▄♡vE 好姊妹。゚係呢我去食天婦羅多...其他的我覺得都唔好味

    回覆刪除
    回覆
    1. 我依家除左天政之外其他都唔再嚐試去食~~

      刪除
  6. 澳洲探險自由行之旅又吉隆坡慶生自由行之旅
    小t...✿2Ѽ14✿...好正呀

    回覆刪除
  7. 你用個blog用得好好,想問下點樣整到目錄,文章唔會水蛇春甘長等,請問有無教學網推介,請幫忙!!

    回覆刪除
    回覆
    1. 首先目錄就係你先係寫文時寫左篇文既標籤先...之後再係版面配置->新增小工具->揀標籤...之後再係裏面自己整番要咩標籤顯示就ok喇~
      至於水蛇春文章變短...就係你寫好文章後....你寫文上面有一行工具列架嘛(即係揀字型哥行)...有一個圖案好似張紙裂開左咁既....叫"插入繼續閱讀標示"...你揀好你版面想顯示到邊行跟住按佢就得架喇~好易架咋~試下~
      唔明再問我~

      刪除
  8. 毛寶幫你恤左新髮過新年 毛寶真係好叻 多才多藝 我哋幾時睇到個靚靚髮型呢~~~

    回覆刪除
    回覆
    1. 佢真係好叻架~~~~無呀~~其實係修短少少個頭咋~~

      刪除
  9. 今次介紹不大喜歡, 可能海鮮和壽司 不是本人所好掛.
    有新故事登場啦, 希望唔好悶親大家啦.

    回覆刪除
    回覆
    1. 咁你鐘意食咩架?鐘意清淡d?
      去的~我去睇下先~

      刪除
  10. 如果我生日歌陣好似我寶咁有咁多餐食就好啦~不過我生日歌日要測中史=_=

    回覆刪除
  11. 我都嗰啲睇戲好眼淺既fd嚟架,仲有睇書都係~~仲要越老喊點越低~~
    譽路八都幾貴,不過你地咁like魚生,要質素好既就要俾咁既價錢啦,最重要係你地食得開心,咩都抵晒

    回覆刪除
    回覆
    1. 咁笑點係咪一樣咁低先~~
      其實係幾貴架佢d野~不過真係一分錢一分貨囉~

      刪除
  12. Hi,小t譽路八日本料理d野好正喎!浄炸蝦$130o.k.唔貴喎,有時間會來澳門去食下先!原來妳都好易喊喎?豬扒可以叫人幫妳doub埋架!bye!!!

    回覆刪除
  13. 味精和妖精一樣可怕!
    毛寶幫您恤左新髮?真架?萬能寶喎!
    秋刀魚刺身,未食過喎。

    回覆刪除