2014年1月29日 星期三

味樂亭

woho~~~~~~~~今日唔算太多野做~~~真係可喜可賀呀!!!!好開心呀~~~~番埋今日工~~~~~~~聽日得番半日~~放一點~~~~~~~跟住就正式收爐喇~~~~~~連放5日半既感覺真爽!!!!!!!!聽日哥半日我唔當佢係一回事架喇~~~哈哈~~~



今次想講一間我係唔會再去既餐廳...記得唔好睇錯!!係唔會再去!!!!呢間餐廳叫味樂亭..係食韓國野的...好似係由韓國人開的...佢就係氹仔間我的意大利廚房行過少少....電話:2883 0907.....門面望落係唔錯的....我都幾鐘意呢種可以打開落地玻璃既餐廳...俾我感覺幾輕鬆.....幾似韓國d cafe






呢間野都幾多人去......食完又即刻有另一批人食..利害....而且見到有好多韓國人食~覺得好似好信得過~






前菜..幾唔錯~我地都有添食~




米水 $20...我去食韓國野通常都飲呢個~我鐘意飲~




雪花牛肉 $200.....普通的烤牛肉都要$180..咁我地5個人食諗多$20食好少少啦....黎到....下......得兩片咋...唔係下...不過或者真係好好味呢...好試下烤下先.....食落...好失望....普通一塊肉.....唔覺特別好味....咁就$200!!難以接受




泡菜煱湯 $250...你無睇錯呀...個湯超細個$250呀!!其實係個韓籍男店員幫我地落錯左呀..我地係想叫個$80既泡菜湯咋....我地就係話$80又幾抵喎咁多料...點知係$250!!!就算多料一個泡菜湯要$250我係一定唔會叫!!!!

睇見都火!!



豆醬湯 $80...幾好飲...但我都係覺得唔使咁貴囉...




蛋捲 $80....同佢圖中超靚的相差超遠.....攞到出黎我地話:差很大!!不特別好吃




泡菜煎餅 $100.....呢個算係正常..但我覺得阿里郎整得比較好味~




烤黃花魚 $90.....呢個又幾抵喎...超大條..不過我出街食飯麻麻食呢d魚~係烤得幾香口既~




石鍋拌飯 $100....呢個唔會唔好食啦~呢個都難食好大獲~




辣汁石鍋五花腩 $200...同行的神秘團友讚不絕口...我就一般...因為我唔係太好肥肉~




涼拌螺肉 $230....呢個個味唔錯...而且螺肉超多...算係我認為最好既一個餸!

呢餐食左$1606....5個人每人$321....由於我媽媽一齊去食咁梗係我請埋佢啦....即係呢餐我俾左$642!!!請媽媽食飯當然呢個數我唔覺得貴同肉痛啦....但問心...呢餐係一d都唔好味嘛!!食烤肉我去番李家同阿里郎哥d啦.....唔使咁貴仲好味好多!!!!佢d韓式料理我又唔覺得特別好食...最嬲係佢個湯....$250!!!我寧願係中式老火湯.......完全唔掂!!!又貴!!!我唔會再去!!





哈哈~~
大家噚日都話想聽我首創作歌~~
但大家唔係幾清楚我平時作既曲風~~
唔係有好多人好頂得順架~~~
所以唔好期望我首創作歌喇~~~~
wakakakakakaka~~~~



聽晚子時會再出多篇blog同大家拜拜年~~
大家記得來看呀~



2014/01/29的開心事:
真係人越大~
又越喜歡過新年~
今日下午一放工就番屋企叫囂~~~~
大聲講就黎過新年~
成間屋既氣氛好熱烈~
(其實應該淨係我~我媽應該流緊汗~)
如果爸爸你還在~新年一定會更加熱鬧和完滿~
唔知你今年新年點過呢~~~



報時:距離澳洲探險自由行之旅2014仲有---51日~
報時:距離吉隆坡慶生自由行之旅2014仲有---78日~
新年時記得係屋企搞澳洲簽證呀!!!!!!!!!!

25 則留言:

  1. 同BABY拜個早年先~~~~
    BABY黎緊一年要身體健康同埋工作順利呀^-^
    新年假要過得開開心心 hehehe

    回覆刪除
    回覆
    1. 恭喜恭喜~~~~年初一喇~~
      祝你樣樣順利~

      刪除
  2. 一句講哂,黑店!
    同你拜過早年啦,祝你馬年萬事如意,身體健康,步步高陞!!!最重要係揾到你嘅Mr. Right。

    回覆刪除
    回覆
    1. 我都祝你身體健康~馬到功成~

      刪除
  3. Hi小t妳,返埋明天早上就放五日假期真爽!妳食咗團天飯未呀!香港新年前後都好熱閙架,又有維園大型年宵行,唯一就市區唔可以放炮仗!可惜,澳門過年一定特別熱鬧,因為有炮仗放囖!味樂亭是否在地堡街附近呀!上星期日我經過見冇咩人,所以冇入去食囖!原來價錢都幾貴喎!我諗大家都好失望喇!冇得聴妳首創作歌!馬來西亞我都去過二次,吉隆坡同賓城都大把好野食、今次妳一定大把口福喇!再補祝妳新年快樂同步步高升喎!新年會否入賭場癹下新年財呀???bye!!!

    回覆刪除
  4. 碟雪花牛肉幾好笑,兩舊水......呢餐真係貴咯......
    5日半你安排好節目未呀?

    回覆刪除
    回覆
    1. 堅貴...唔欣賞佢d野食
      安排左3日半啦~

      刪除
  5. 我諗他一直在妳左右、所以妳快樂他一樣快樂~~知嗎

    回覆刪除
  6. 250蚊一個湯....................唔係掛,又唔係山珍海味,泡菜湯,使唔使呀,O晒咀!!!!!!!!!!
    200蚊兩條肉,呢間真係好貴,始於都係响韓國食返韓國嘢最抵最好味,香港d韓國嘢都係麻麻.........
    同你拜個年先,祝你身體健康,事事如意,周遊列國,日日有食神,同埋祝伯母龍馬精神,心想事成!!!!!!!!

    回覆刪除
    回覆
    1. 真係堅貴我唔會再幫襯~
      我係度祝你:新年快樂~身體健康~事事順利~心想事成~一家團圓~恭喜恭喜~

      刪除
  7. 蛋卷都$80,好貴喎~價錢偏貴唔親民

    回覆刪除
  8. 冇錯,你自high,所以覺得熱鬧情況就好似我未到聖誕,心入面就已經哼緊聖誕歌一樣咁興奮。

    回覆刪除
  9. 我見最近好多人去味樂亭, 但價錢都唔平, 我未去過呀!
    祝你和媽媽新年快樂,身體健康, 日日happy

    回覆刪除
    回覆
    1. 唔去好過去~我覺得好貴~
      我係度祝你:新年快樂~身體健康~事事順利~心想事成~一家團圓~恭喜恭喜~

      刪除
  10. 嗰個真係離譜咗喎,$250 叫到嗰大鍋啦~~
    你lee間堅唔得,blacklist 得啱呀,朋友~~
    又老土吓先,祝你同你身邊所有人都身體健康,開開心心!!!

    回覆刪除
    回覆
    1. 無錯~我諗我唔會再去喇~
      多謝你~我去你度先祝你呀~

      刪除
  11. 呢間真係貴得好緊要, 碟牛肉真係好少..........呢間真係掠水呀! 希望唔好咁多人受害。

    新年喇~~
    係度拜個早年~~
    工作順利、出入平安、笑口常開、早日環遊世界~~~

    回覆刪除
    回覆
    1. 所以要寫出黎~~~~等人知佢有幾貴~~
      多謝你呀~~我去你度先再祝福你呀下~~

      刪除
  12. 奈唔奈就會俾人搵吓笨,以後唔再幫趁.

    回覆刪除
  13. 唔係喎...佢似乎係計錯你...好大盤o既「泡菜鍋湯」先係MOP$250...係下圖「海鮮鍋湯」(MOP$350)咁o既size...一人份o既「泡菜湯」係MOP$80...(不過如果叫「鍋湯」...海鮮一定抵好多)

    https://fbcdn-sphotos-e-a.akamaihd.net/hphotos-ak-frc3/t31/1425242_674559872564858_1555905350_o.jpg

    另外...燜牛肋骨...炒八爪魚...軟泡湯...冷麵...呢D會出色好多...

    回覆刪除