Maquette

今日係2014第一個工作日~工作本身係幾順利的~不過今日又俾哥個麻煩部門話我前幾日無夾張加快單落去搞到佢地唔知隻野做唔做好喎...咁我咪左搵右搵前搵後搵囉...最後我老闆同佢老闆諗左個解決方法話番俾個同事知...點知個同事先施施然咁同我老闆講：我地搵番喇............我一早預感張野唔係我無夾落去...而係佢地整唔見的...因為我上去佢地個部門親手摸份野時我同佢地講：乜你地會拆開份野做架(因為同我地平時既釘法唔同)....佢地話係要拆開做....不過我又唔可以係d同事面前兜口兜面咁講架嘛...因為我平時一份申請睇到份野就黎爛無錯我先會放手......不過懷疑佢地之前我都係懷疑我自己先既......但好明顯佢地一唔見就開始懷疑左我先囉.....平時內部成日都係咁屈左我地前線先架..但佢搵番佢唔會打落黎同番我地講架!!!(可能怕瘀)...但唔見左張單可大可小架嘛.....等我諗左成個下晝!!!!!!我就係一個咁既環境工作~~~



之前diana介紹我去一間法式的cafe~咁橫掂我地要約會~咁你帶我去食好野啦~~~叫做Maquette....地址：氹仔盧廉若馬路7-E樺城新莊華達閣地下D座...電話：6682 7200

簡潔的外觀與裝修~不過得好少位~最好訂位~

餐牌得簡單兩頁~不過都有幾多野食喎~但由於我地已食午餐~所以就點d輕食試下~

我叫了金舶有機野莓茶 $32.....味道唔錯~不過$32呢個價錢我覺得有d貴!!收咁貴咁茶具又無咩特色喎....個茶壺直頭有茶餐廳feel~

毛寶叫了金舶有機檸檬子薑茶 $32...我本身想叫..一睇就知呢d味係我飛佛~毛寶搶了我只好叫別的~呢個味好味過野莓哥個呀~~我鐘意~

蛋糕叫左一個試試看~~戚風蛋糕配香蕉和巧克力醬 $45....hey!!呢個唔食尤自可...一食......好想再食多啖呀!!!口感好輕軟!!!!!!食左好似無食咁!!!!軟綿綿的!!!質感與味道俱佳呀!!!!!!令人感到好幸福既一個蛋糕~~(尤其覺得食多左都唔會內疚哥隻!!).....配香蕉和巧克力醬可謂襯絕!!

法式焦糖燉蛋 $55.....唔.......呢個認真唔得....呢間係法式既餐廳喎.....個creme brulee唔得真係令人好失望....質感有點怪怪的!!

再黎一個牛角包配山羊奶酪，核桃，蘋果和檸檬蜂蜜油醋汁 $42......唔~~~~~呢個大愛呀~~~臭臭的山羊芝士~~加上蘋果一齊食超清新呢~~~食左牛角包都唔覺得漏~~(如果唔係食左飯而夜晚又約左人食大餐..我好可能係呢度失守食超多d野~)

hello~diana~謝謝你常帶我去吃好吃的~

一直好想去再食一食呢個戚風蛋糕同牛角包的~不過我覺得實在有點難泊車~~所以只去了一次~~~我好想去試下佢其他的主菜呢~~~~

華~好神奇呀~
聽日就係星期五喇~~~~
好開心呀~~~~~~~~
聽晚仲有節目添~~~~~~
happy~



噚晚無上網睇叱吒..
但我睇無線重做的叱吒~
睇到頒完至尊金曲..陳奕迅既任我行已經訓著~~
睇唔哂~~(好彩無睇哂~~睇哂唔知幾點~)
今年Mr.無獎攞呀~
好公正呀~佢地上年都無咩做過~
年頭1月時出左一隻碟咁大把~
開過一個演唱會....
就過左台灣錄音.........
hehe~每年睇叱吒變成習慣..
仲好似有d情意結咁~
總想知道男女歌手金銀銅誰屬~
可惜噚晚何韻詩淨係攞到現場觀眾投票既..
我最喜愛女歌手~~就無攞其他獎喇~
不過我好開心許廷鏗既青春頌有獎攞~
因為真係好好聽呢~~
"記住要共最美的人分享每個夜晚
別忘掉原是靠堅持醫好每個傷患"
邊個個身無一兩處傷丫(唔係只一定係情傷呀下)~
睇下你點處理傷口既je~
不停咁係自己傷口一味曬鹽唔去醫...
真係.........自己攞黎喎~
明明有得醫嘛~



hehe~
如果你覺得自己生活有d苦悶~
不妨搵一樣野係你今日覺得開心架啦~
日日如是~
咁你就會諗到：其實日日都有一樣開心事丫~人生都唔係咁慘je~
我今日既開心事係~~~
我媽媽整左太陽蛋午餐肉飯我食呀~~~~
我諗左成日架喇~~~
當香香的蛋黃汁流過我d白米飯時~~~
我真心的笑了出來~~~~
其實我對開心既要求都唔算好高呀~~~
wakakakakakaka~~
好~我由今日開始每日講一樣我開心的事先~



報時：距離澳洲探險自由行之旅2014仲有---78日~
今日我痴左線~講咁多野~