滿堂彩Beijing Kitchen

1月1日~happy new year呀各位~~~~~~~除夕日：雖然噚日都係遲左半個鐘先收工~~~不過都叫做順利完成既~~~~一放工即刻衝去sky 21會合其他公子黎一個午餐小聚會~好正呀sky 21既lunch set~~~~~我地仲癲到...6個人叫左7個餐食....真係癲~~~~我會再去試其他的~~跟住就去左接天然呆既小公子放托兒所...睇見佢呆呆的等媽媽接放學個樣太可愛了~~好愛小公子呢~~~~~~~~跟住夜晚同媽媽同寶寶一齊食..試左間新既pancake...不過我覺得麻麻~~倒數就簡單的在氹仔向觀光塔既海邊企係度....然後煙花一爆~就跟你說聲：happy撩牙!......簡單...但開心~元旦日：今日新一年新希望~第一餐就同左屋企人去左觀光塔飲茶~開心~其實開心真係可以好簡單~同到屋企人一齊食餐已經係啦~之後去左卡夫卡食佢d蛋糕....佢個綠茶蛋糕真係一級棒~雖然價錢$38有點貴亦很細~不過佢其他野就不敢恭維!!叫左壺茶飲....$42得一壺仲要無得翻沖....仲要唔好飲~唔係食蛋糕都唔會再去~(其實今日去都係因為係附近泊左車先去~順便的~加上今日唔使等位~)...食飽去左行新開的grand mart....d野好貴~果然係grand d~之後再去行800伴~~一天的活動~



新一年就用一餐中餐黎作為我今年既blog既新開始啦~今次去試了想試好耐的滿堂彩Beijing Kitchen~位於新濠天地COD入面...應該係Grand Hyatt哥邊既~電話：8868 1930

其實係正水舞間隔離~




雖然食中菜~但裏面裝修得都幾靚~

有一個開放式既廚房~

叫得做Beijing Kitchen都大約知食咩~但佢又有d四川菜食喎~

叫了老式果木烤鴨 半隻$268....有師傅即場片~其實好似要預訂架...不過果日我地想叫半隻...咁岩另外有人訂左半隻~咁我地就可以執死雞~

有3個醬汁配...一個甜醬..一個砂糖..一個好似係蒜蓉醬~而鴨都分3種食法的~最上哥碟係齋皮...佢個皮好似炸出黎咁既口感....其實第一野入口我係覺得幾好味的....不過再食既時候覺得漏到不能了!中間哥碟就係齋肉....第三碟就皮加肉....我諗皮加肉是最好吃的~因為齋食肉又好似好寡~但我唔太特別喜歡呢度既片皮鴨呢~

滿堂彩前菜盤(兩位用)任選四款前菜 $198....其實叫呢個係幾抵的...因為佢叫一個都成7..80蚊一個...咁當然你叫呢個盤每樣份量就少d啦~不過對我地第一次食黎講可以試多d嘛~

由左上開始講起...老麥醋海蜇頭 $108(單點).....呢個無得輸~好味!!!嫌少~~

右上是煙燻桂花魚柳 $75(單點)....呢個我點的....完全唔知點解自己會叫呢個!!!!我諗全因桂花控見到桂花二字!!!食落腥腥地...唔岩我口味~(呃左桂花控..我食唔到桂花味喎!!)

左下是糖醋烹小排骨 $80(單點)...隻醋味好好味~係類似黑醋哥隻味~可惜肉是非常的鞋....不建議食(可能正宗係要鞋..我唔知...不過我唔鐘意食鞋肉)

右下的是京味蟹肉皮凍 $78(單點).....睇個名好雷~不過食落無咩味~

食完呢4個前菜...我認為只有海蜇頭可以一吃~



四川酸菜魚 $165.....完全唔知點解我地會挑戰呢個餸!?!?!可能我地見有湯既物體可以飲埋....所以先叫....d魚片係幾滑的講真.....但四川style真係唔係幾岩我....而飲左d湯既物體仲令我個胃有d唔舒服~~

成晚唯一喜愛的!!京式豬肉鍋貼 $98.....樣又夠哂靚~而且咬下去有少許汁流出~~~幾好味~~~不過個價錢有點兒那個~味係幾好味~但我覺得唔係好值呢個價喎!!

北京炸醬拉麵 $90....無特別....仲覺得巧貴~

麻辣鴨絲涼麵 $90....辣辣地既花生醬....加上鴨絲....食完之後.....4個個胃一齊唔舒服............d麻醬超級"浪"胃

總結：野食真係......幾貴.......同埋可能我唔係好食慣川菜...唔係好頂得順.....我個人不嬲咩菜都鐘意食....睇黎繼墨西哥菜後又搵到一樣我唔係好鐘意既菜系.....就係川菜~不過叫做喲嘻呀~一齊試新野~

呢張真係幾好笑~~好似搶野食咁~

睇fb日日都有張相...
寫道：
聽說
今年陪你
倒數的人很重要
因為他
是和你一起
跨越1314的人
是真的嗎~~~~~~~~~
不得不佩服...
係數字上....d人可以諗到咁多好意頭既野!!!
簡直可以從商~~~~~
又可以話~正能量滿滿的呢~~



今日1月1日第一件好事~
就係又一件我認為好阻"定"既野成功交收了~~~
n年前買的osim按腳機~~~~
成功換回650mop~~~~~
夜晚又約左人交收~~~
換一支人地送俾我但個味唔岩我既hand cream~~
換回100mop~~~~
單日就換回750mop~~~
yeah~~~~
雖然話換物換番錢係好開心...
但罪魁禍首....係我自己!!
如果我唔買咁多無謂野其實係唔會有咁多野換~
我會在新一年好好反省!!
(因為約人交收約得成都係一件幾攰既事~)



希望我今年都會整年充滿滿滿既正能量~~
凡事都正面思維~~~~~
開心健康地做人~
那我爸媽就最開心了~
(今年就快踏入30歲大關...唔正面思維唔得~~~)



報時：距離澳洲探險自由行之旅2014仲有---79日~
hey~好恐怖呀~~~
踏入7字頭了~~~~~~~~
好緊張呀~~~~