2014年1月13日 星期一

百樂潮州酒樓-飲茶篇

今日又再過番隔學野...雖然都有出醜過~不過總算叫做無驚無險~~~謝謝老天爺爺~~星期六:約左公子們去左試譽路八既午市套餐~正絕!!->係毛寶家搞埋澳洲租車哥d野~應該都七七八八喇卦~..->夜晚去左開朗公子既生日趴~今次揀左一個食泰國餐既有得包房唱埋k~~好興奮~~~~~....星期日:氹仔沛記(其實想食興記的..但超多人...跟住諗住去食文哥..點知佢無開...)->行venetian...買左兩對leggings~...之後行超市諗住買我食開既桂格麥皮...點知搵左成3間超市都無!!->夜晚食海榮上海菜...食飽諗住再去覓食(星期五晚出去行街...行行下無意間係涵船街美心行入去哥條街發現左一間燒烤...佢d燒雞肉串一級棒!!!!蜜糖超夠!!加少少辣惹味非常!!)....點知哥間野無開..失望~~



大家都應該知我有幾鐘意飲茶啦~~多d人一齊食又可以食多d野喎~~~唔知大家記唔記得上次我媽媽生日有去試過呢間銀河galaxy入面既百樂潮州酒樓呢??上次夜晚食飯叫餸...覺得好鬼難食...今次專程黎再試下飲茶睇下得唔得~





今次我地訂位編到坐卡位呢~幾好~





潮州酒樓必有的功夫茶~




佢剔點心本野好似功課簿咁樣~~都幾多點心揀喎~不過我不滿點解係澳門飲茶但點心紙係簡體字呢??




今次飲茶既茶腳有~~~~小青蛙~~~~好久不見~~~





肉碎欖菜炒米 $88.....簡直係我杯茶!!味道幾好味可惜乾左少少~價格可以~仲幾大碟下~




金箔泡菜餃 $36....個名夠哂勁~不過我覺得唔夠泡菜味喎~




百樂蝦餃皇 $38~好味~通常我食蝦餃我好鐘意點辣醬~




雲南野菌素餃 $38...正~好香野菌味~~




瑤柱燒賣皇 $38...無記憶~太耐之前食~




潮陽牛肉球 $33~普通牛肉球~




欖仁馬拉糕 $28...呢個唔錯~食落幾鬆軟~唔怕太甜~




4大一細~算唔算多?

但係未完喎~~~~~~~~



骨香鹵水鵝肉 $78...一d都唔香~鹵水又唔入味~




普寧炸豆腐 $48...無味的~唔好味~唔抵~




香煎蘿蔔糕 $28....得糕..無蘿蔔...煎得唔夠乾...唔好食




龍鬚花枝丸 $38...呢個好正!!!外層一枝枝咁好脆口~裏面係墨魚丸~墨魚太又包住d芝士~~正~~




蠔仔肉碎泡粥 $48...一般般~無特別~




雪山叉燒包 $33....菠蘿包面~叉燒包既餡~幾得意~唔錯~




春風得意腸 $38...裏面係春卷黎架!!!!好好味呀仲好有新意~~




紫米香芒卷 $33....小青蛙的飛佛~




鴛鴦水晶包 $33(奶皇/豆沙)....奶皇的好好吃!!




4大1小.....16個點心...1個炒米.....唔計小朋友....即係我地每人要食4個點心...1/4米粉....係咪痴線架~~~~不過我記得食淨好少野~~~有打包的~哈哈~~

今次去食點心就好過上次叫餸食飯既~不過點心有d好好味~有d就好唔掂~都係永利軒最好~





2014/01/13的開心事:

今日能夠無驚無險咁收工~已是一樂事~
加上有同事請食春卷~好好味~



報時:距離澳洲探險自由行之旅2014仲有---67日~

6字頭喇~~即係兩個幾月咋~~
加油呀~~~

30 則留言:

  1. 工個幾月後既澳洲應該冇咁熱啦,諗住遊邊忽呀?

    回覆刪除
    回覆
    1. 依家有d地方又好凍喎~搞到我唔知點~

      刪除
  2. 賣潮州嘢鹵水鵝唔得應該可以88
    以為你哋終於食番正常人份量,點知整句未完......你好嘢

    回覆刪除
    回覆
    1. 真係唔好幾好味..我上次過黎食過香港d打冷鋪正好多~
      哈哈~~~~我都覺得我地好唔正常~

      刪除
  3. er..我會問佢有冇繁體menu,因為唔識睇簡體,如果冇,撇!嘩,潮洲酒家,滷水鵝都唔得,執得啦。下次去澳門,我都會試下永利軒。唉,不過要去澳門2日1夜,試哂米芝蓮餐廳,酒店buffet,中式食肆,葡國餐館同特色bistro,其實冇乜可能。又冇理由去澳門玩3、4日㗎,為有分幾次去啦。

    回覆刪除
    回覆
    1. 哈哈~~因為同左小朋友一齊黎~所以好無奈要照食~~~個個都係咁話~~我上次過黎食過香港d打冷鋪正好多~~~
      澳門野食都幾多~不過玩既地方就...................

      刪除
  4. 我都好鍾意食奶黃~~~~>3<

    回覆刪除
  5. 點心好似唔錯、不過都係永利軒或六棉好食d

    回覆刪除
  6. 好有食力呀你地!!仲好擦得添~~

    回覆刪除
  7. 飲茶我都好喜! 幾個人仔食到咁多碟, 勁勁勁!

    回覆刪除
    回覆
    1. 哈哈~~梗係我地好有食力架~
      英國飲茶好味嗎?

      刪除
    2. 英國飲茶唔好味架, 啲點心一定冇咁好味, 啲蝦餃皮又厚啲, cheung fan又唔滑...

      刪除
    3. o........咁番香一定要飲茶喇~~
      真係好開心的~~~又多野食又可以同朋友傾講~

      刪除
  8. MY █▄ϑVҼ 好姊妹⊹✾*・開始寒冷的天・゚。゚甜夢安睡。♡
    快快活活容容易易・゚。゚。♡ Ha Ρpy 話咁快又到週二呢
    ╭══════╮
    ║★☆ ★ \ ║    ☆♦。*ღ*。☾¤晚安☁*¨☼
    ║★★☆★★★╰╡ ☆ / ☆
    ║★送開心來 ★★☆★★/ /
    ║★☆★★☆★╭╡ ★☆★  ★
    ║★★☆★  /║  ★☆★ /
    ╰══════╯    ★☆★/
    ~★.°☆∵。*∵~★.°☆。*∵~★.。・゚゚★

    回覆刪除
  9. 潮州人...就是我...潮州酒樓最好味便定是蝦餃
    蠔仔肉碎泡粥...鹵水鵝...炸豆腐...唔好味就C火呢

    回覆刪除
    回覆
    1. 華~~你係潮州人呀~~咁你千其唔好去呢間~~
      潮州野佢地整得唔好味的!!

      刪除
  10. 妳問我就覺得16個點心都好多...平時我同同事去飲茶4個人都係叫8-9個點心, 1個炒野, 不過最後都會加1人1個糖水, 佩服呀

    回覆刪除
  11. 與香港百樂同一集團,
    香港個間貴夾唔好食:-P
    澳門哩間好似ok啲
    菠蘿义燒包、馬拉糕我至like:-)

    回覆刪除
    回覆
    1. 咦~係呀~不過我都覺得呢間麻麻地咁~~~

      刪除
  12. Hi 小t、銀河百樂潮州酒家我今個星期日19-1-2014 來飮下茶先,walk in可以嗎?妳地4大一細可以食咁多野都得、好犀利喎,雪山菠蘿包一定食下先!蝦鉸o.k嗎?bye!!!

    回覆刪除
    回覆
    1. 呢間都幾多人去飲架喎..一係你打過黎訂位先

      刪除
  13. 嘩,你都好勇喎,試過晚市難食,都仲夠膽試午巿,勁。
    哈哈,我都想試下永利軒,成日聽你講話正。我剩係試過新葡京間"8"咋,我覺得都幾好食。

    回覆刪除
    回覆
    1. 哈哈~~因為晚市係人地請的~同埋唔係食點心嘛~
      永利軒正呀~~遲d又同公子去飲茶~
      8梗係正添啦~~~貴d添~~~米芝蓮架~~~~~我都飲過一次~~正~~

      刪除
  14. 為甚麼毛寶會這個樣的?食蝦餃加點辣醬,又真係好好味~~~~~~
    叫好多野喎!

    回覆刪除
    回覆
    1. 唔知呢~你問下佢~~
      我都好鐘意加辣醬食野的~~~

      刪除