今個禮拜番多3日半工就會放新年假~~加油呀~~加上今日係自己哥邊~特別醒神~~星期六:中午去左食一間叫九品既茶餐廳物體...不過唔好味~又多味精~無下次~..->行左陣街->同屋企人係舊葡京既不夜天食自助餐團年~開心~..->又行左陣街~今次買左年冷外套~百幾蚊好抵~......星期日:去左譽路八食午市套餐->毛寶幫我恤左新髮過新年~謝謝毛寶~...->去左觀光塔睇哥個日韓咩展...點知都無野食買既~淨係得衫呀護膚品哥d->同姑媽表姐佢地團年....今年食新葡京的8呢~好新穎~不過食完之後覺得並無期望中咁好食...失望........好開心呀約左表妹們年初二番婆婆家玩~~~~興奮~~
好~繼續毛寶生日篇~~食完蛋糕之後下午我地就去左UA睇回到最愛的一天~我仲喊到爸爸聲~~真係無用....夜晚就訂左我認為好好味既譽路八日本餐~~~之前都有講過的~唔記得既話就去呢度睇下->譽路八日本料理
前菜~今次係八爪魚沙律呢~~好好味~~
每人叫左一杯梅酒飲~前面哥杯$40幾...後面哥杯$60幾...$60幾一杯梅酒係幾貴架...不過想試下佢貴係邊....深色d又真係濃味d同埋感覺上酒精度高d喎~真係幾好味~
蘆薈海鮮醋 $98....超正!!!我好鐘意呢個醋物~~~酸酸地咁好開胃~~d蘆薈海帶同青瓜都好正!!!!!海鮮有墨魚北寄貝八爪魚同熟蝦~~~~~~~我之後去都有再叫~~
當時9月係秋天嘛~唔知點解我地突然愛上食秋刀魚喎~咁咪叫黎試下囉~~~~$220一條魚~魚骨仲會幫你炸埋黎食~送酒一流~秋刀魚刺身好鮮美呢~~~
冷麵~忘了幾錢~幾唔錯~
我地仲有叫壽司食...墨魚 $45...三文魚籽 $60....海膽 $85....講真佢呢度既壽司真係幾貴~~~但係又真係好好味喎~
我覺得好貴既鰻魚壽司 $75.....平時人地d日本料理$75應該可以食到鰻魚飯....但係佢呢度燒既鰻魚真係好好味!!外皮夠脆~~~d汁又正~~~我好懷念~~
淨炸蝦 $130.....自從之後毛寶帶我去食過出名食天婦羅既天政之後........其他的我覺得都唔好味~(之後介紹天政呀下~~)
2014/01/27的開心事:
今日放左工之後同左毛寶同貞行左陣街街~
雖然齋行~咩都無買~
但就好似番左去以前岩岩番工時咁~
開心~
仲好乖添~因為我行過歡樂吧咁都忍到手~
無買野食~因為今日第二樣開心既事就係..
我媽媽今晚整洋蔥豬扒~~
講起....我真係腦裏面無一味媽媽整豬扒既菜式...
終於解開個謎.....點解會無..
係因為佢真係無整過....咁多年黎..
無整過既原因係因為....
佢覺得要doub豬扒.....好煩...............................
報時:距離澳洲探險自由行之旅2014仲有---53日~
報時:距離吉隆坡慶生自由行之旅2014仲有---80日~
開估,最重要嗰餐係去譽路八日本料理,就憑呢點一定要去試吓啦.
回覆刪除我幾鐘意食呢間日本餐架~午市套餐都好正~~
刪除baby~~~我返到香港啦~~~
回覆刪除玩得好開心呢 ^-^
太好了~~~你玩得開心~
刪除唔知你會唔會寫遊記呢~
小t真係估唔到,大家係差唔多時間去吉隆坡玩,你係幾多號去呀?可以會係外地相遇!仲有不如分享下你plan既行程,大ka同mia仲係一片空白呀!
回覆刪除我地18號去呀~唔知會唔會係雙子塔撞到你呢~
刪除我都未plan好呀~~~不過主要就係食食食囉~你地兩個一齊去呀??
大ka同mia都係18號出發?你係香港飛定澳門飛??
刪除我同媽媽係澳門飛呀~
刪除乜妳咁容易喊架???
回覆刪除下次買豬扒時可以叫豬肉佬doub埋嗎?
我好易喊架~又易笑~傻的~
刪除我又唔知喎~我都唔識~
MY █▄♡vE 好姊妹。゚係呢我去食天婦羅多...其他的我覺得都唔好味
回覆刪除我依家除左天政之外其他都唔再嚐試去食~~
刪除澳洲探險自由行之旅又吉隆坡慶生自由行之旅
回覆刪除小t...✿2Ѽ14✿...好正呀
我都好期待呀~~
刪除你用個blog用得好好,想問下點樣整到目錄,文章唔會水蛇春甘長等,請問有無教學網推介,請幫忙!!
回覆刪除首先目錄就係你先係寫文時寫左篇文既標籤先...之後再係版面配置->新增小工具->揀標籤...之後再係裏面自己整番要咩標籤顯示就ok喇~
刪除至於水蛇春文章變短...就係你寫好文章後....你寫文上面有一行工具列架嘛(即係揀字型哥行)...有一個圖案好似張紙裂開左咁既....叫"插入繼續閱讀標示"...你揀好你版面想顯示到邊行跟住按佢就得架喇~好易架咋~試下~
唔明再問我~
毛寶幫你恤左新髮過新年 毛寶真係好叻 多才多藝 我哋幾時睇到個靚靚髮型呢~~~
回覆刪除佢真係好叻架~~~~無呀~~其實係修短少少個頭咋~~
刪除媽媽呢個理由有啲hea!
回覆刪除wakakakakak~~你幫我話下佢~
刪除今次介紹不大喜歡, 可能海鮮和壽司 不是本人所好掛.
回覆刪除有新故事登場啦, 希望唔好悶親大家啦.
咁你鐘意食咩架?鐘意清淡d?
刪除去的~我去睇下先~
如果我生日歌陣好似我寶咁有咁多餐食就好啦~不過我生日歌日要測中史=_=
回覆刪除哈哈~~你幾時生日呀~
刪除我都嗰啲睇戲好眼淺既fd嚟架,仲有睇書都係~~仲要越老喊點越低~~
回覆刪除譽路八都幾貴,不過你地咁like魚生,要質素好既就要俾咁既價錢啦,最重要係你地食得開心,咩都抵晒
咁笑點係咪一樣咁低先~~
刪除其實係幾貴架佢d野~不過真係一分錢一分貨囉~
Hi,小t譽路八日本料理d野好正喎!浄炸蝦$130o.k.唔貴喎,有時間會來澳門去食下先!原來妳都好易喊喎?豬扒可以叫人幫妳doub埋架!bye!!!
回覆刪除不過唔夠另一間天婦羅好味..
刪除味精和妖精一樣可怕!
回覆刪除毛寶幫您恤左新髮?真架?萬能寶喎!
秋刀魚刺身,未食過喎。