2014年1月10日 星期五

2013年8月香港遊

哈哈~~果然人係唔可以一下子太舒服~今日下晝多番少少野做....即刻鬆散哂~~~不過知道左下個禮拜又要過隔離學野呀嗚嗚嗚~~~~喊喊呀我~~~又無坐成個月....我真係好驚我已經完全忘記哂佢地d野.....教我哥個又肯定話我係低b~雖然都係好擔心~但都係玩埋周末先啦~



上年8月既時候去香港走左轉~唔係睇番相我自己都唔記得左~~~~哥次係同屋企人仲有毛寶一齊去的~~~當時時代廣場仲係高達~~但其實我未睇過呢套卡通~~~不過經過開就影下~








第一站去食野先~~~哥時好似銅鑼灣的muji cafe好似係新開的~~~趕緊去試新野~~~由於哥時好早~仲未有人潮~~~好喜歡無印既木檯木櫈呢~~~~大愛~~好簡潔既感覺~~





佢有好多個餸揀架~~(我諗起以前細個食哥d $10三個餸~)...揀三個就$88...四個就$98...咁我梗係揀四個啦~






我的~華~~我覺得唔錯幾好味喎~~~~除左啡色的味噌豬肉有點鞋外(其實味道唔錯~)...其他我都好鐘意呢~~清清新新的~




這個是毛寶選的~咖哩雞肉飯 $80~




還點了一d甜品share黎食~北海道牛奶抹茶軟雪糕 $32(麻麻~無咩茶味~)....北海道牛奶軟雪糕 $30(都係麻麻~牛奶味又唔夠香呢~)....烘焙茶布甸 $38(呢個一級棒!!!好香茶味~~大愛~)




總括黎講~我都幾鐘意muji cafe~因為感覺就係好優悠閒舒服~而且佢哥度食既野全部都有得係佢哥度買材料整~~~(我好懶~我得閒過黎食好了~)




食完野就不停的行街啦~係海港城行經龍貓專門店~大隻龍貓很可愛~




超早的5點幾6點就食飯~揀左海港城入面間牛角日本燒肉~~講真佢都幾多人!!!!!!!






講真我都知牛角有其他的分店~但點解我地要黎呢間~就係為左呢個海景~真係幾得!!!我地早食所以有得坐對住海景既位~~~~好正!!





望住海景都開胃d架~~叫左好多野食~不過我無記低名同價錢~~叫左好多牛既拼盤啦~好好味呀~~





d蠔都好正呀!!!!!!!!




d蝦簡直不得了!!!店員推介話當日新鮮的...我記得係$60一隻...我覺得幾貴的!!但黎到後大家都華一聲!!!!超級大隻!!!隻隻都有個爐咁長!!!!!!!!!!食落超新鮮!!有點點鹽花~超鮮味~$60一隻是值得的~





這個牛油烤蕃薯配雪糕...麻麻~因為我地掛住傾計將蕃薯烤焦了~





呢個鯛魚燒好好吃呢~~~外脆~~~內裏是軟軟的吉士醬~~~我喜歡~~~~~~

雖然今次無做d咩~只係隨意咁行行街~食下野~但屋企人一齊hehehaha咁都幾開心~





2014/01/10的開心事:
今日係星期五喇~~~仲有唔夠開心呀~~~
聽日仲有好豐富既節目呢~~~~
明晚為朗公子慶生辰~~
一年第一個生日既公子~



報時:距離澳洲探險自由行之旅2014仲有---70日~

32 則留言:

  1. 我好鍾意食牛角架都~~~好掛住呀~~~~
    我仲有兩科渣好快可以打BLOG~~~ ^^

    回覆刪除
    回覆
    1. 係咪因為你上次生日同男友仔食過所以覺得好味呢~同男友食咩都正架啦~~~~~
      我等緊你d blog架~好耐無睇~~

      刪除
  2. __❀❀❀❀❀
    _❀❀❀.....❀❀❀
    ❀❀❀........❀❀❀❀❀❀
    ❀❀❀.........❀❀❀...❀❀❀
    _❀❀❀.........❀❀.....❀❀❀
    __❀❀❀.................❀❀❀
    ____❀❀❀.............❀❀❀
    ______❀❀❀.....❀❀❀
    _______❀❀❀❀
    _______❀❀__
    `*•嘩哈哈•♪”。香港遊咁就好呢⊹♫•看到大隻龍貓
    .✬¤`•♦•´好野呢 。.¤ *.✬¤`•♦•´明天週末呢 。.¤ *休息啊

    回覆刪除
    回覆
    1. 哈哈~~~香港真係幾多野食~幾多野買~~所以我唔敢成日過黎~

      刪除
  3. 嚟到香港、點都要入鄉隨俗影下啦
    牛角睇落d食嘢唔錯~~~~呢餐幾多錢??

    回覆刪除
    回覆
    1. 係呀係我舅父想影呀~~所以我跟影~~
      我唔知幾錢呀~媽媽做老細的~

      刪除
  4. 有冇發現香港街喥越嚟越多人講普通話呢??

    回覆刪除
  5. 今次去澳洲妳會玩水上活動嗎

    回覆刪除
    回覆
    1. 應該唔會~我唔識游水~有兩個團友都講明唔落水~

      刪除
  6. 其實如果高達拍真人版,可能好震撼。
    四個餸的份量都好少~~~~~~
    朗公子生日快樂~~~~~~

    回覆刪除
    回覆
    1. wakakaka~我一集都未睇過呢~~~~
      都ok呀~~我夠飽喎~~
      代佢謝謝你~~

      刪除
  7. 高達喺以前好受歡迎:-)
    哈哈!
    其實妳到過香港景點、食肆!!
    仲多過喺香港住嘅我

    回覆刪除
    回覆
    1. 我一集都無睇過~~
      點會~我都唔係成日過黎的~

      刪除
  8. 小T咁耐冇覆大家, 去了邊到威先?

    回覆刪除
  9. 牛角我在呢邊都食過,但食物種類當然無你地咁多選擇啦。D蝦真係好大隻呀,睇見都想食呀。

    回覆刪除
  10. Hi小T,上年八月來咗香港行呀,高達我影個時超多人仲要排隊呀!muji cafe平日都好多人架!妳個日一定好早去食啦!嘩海港城牛角對住海景禁正呀!要訂位嗎?等我下次來食下先!但九龍灣分店晩上21:30後散叫牛同其他嘢有半價呀!大蝦仲叫二隻送一隻架!仲有兩個左有妳就去澳洲喇!真開心!bye!!!

    回覆刪除
    回覆
    1. 我唔知有無得訂呀...因為我地哥日好早去食

      刪除
  11. 午餐同晚餐之間行邊?尖咀冇嘢好行嗰噃......

    回覆刪除
    回覆
    1. 話實在真係無咩行過~行下海港城之類囉~
      食完午餐行銅鑼灣嘛~淨係行下uniqlo..muji同埋city super之類我媽已經好開心的~

      刪除