2013年10月8日 星期二

御泰廚Royal Thai Kitchen

唉~我噚晚已經乖到不得了.....8點鐘入房....9點幾就訓.....臨訓前仲覺得自己好左少少...仲諗定今朝去買咩早餐食好.....諗住一大堆野食入睡......點知今朝訓到六點幾七點....又胃痛痛醒.......個身要攣弓蝦米咁先得....係張床度爛下爛下咁....嘔住咁噴起身.......嘔左兩次....頂唔順.....去左睇醫生.....點解一黎到我生日月個身體就咁弱..................................都唔知係咪上個禮拜肚痾根本未好番........



4月份既時候...我地約左個人~~食餐飯~~去左御泰廚試試~地址:澳門黑沙環中街1043號君悅灣地下....電話:2876 0078






環境都算係唔錯既~乾淨好坐~




我地就係約左mina一齊食飯喇~~記唔記得呢個女人仔舊年結左婚呢~~呢個時候佢岩岩有左bb呢~~mina媽媽~~~~好可愛呀~~~~而且bb依家就黎出世喇~~~~~~~~~~



食泰國菜梗係要叫凍野飲啦~~~上至下.....椰林樹影 $26...紫羅蘭梳打 $20......黃金夢 $28......全部都一般般....淡淡的~
 




食物來了~~柚子蝦沙律 $68....都幾好味~不過蝦真係唔多~



泰式酸辣鳳爪 $58.....ok好味~份量多~



泰式醃海生蝦 $68....價錢中等~蝦都算幾大隻~~~



皇室春卷 $50.....幾好味~不過同普通我去飲茶哥d差唔多~又唔係有咩特別泰式既味~所以建議可以唔叫~(800伴美食廣場有一梗一樣的好味....4條好似$20蚊都唔使~~)



泰式炒雜菌 $68.....係炒得幾好味~但吃不出泰式味~



生菜豬肉碎包 $60....雖然我地走辣...但都炒得幾香口~



原隻菠蘿炒飯 $98....依家睇番先知咁貴!!!不過真係幾多料~



香辣炒泰國通菜 $60......我個人認為麻麻~因為我覺得濕左少少~~



炸蝦餅 $68.....個蝦餅係我認為最唔得既餸!!裏面唔足料到個蝦餅lip既!!!!偷工減料!!



椰汁粟米布甸 $28......其實除左個面粒粟米之外....同粟米可以話係無其他關係.......



我地痴線架....4個女仔....叫左10個餸~~~~隔離4個大男人都係叫左3個餸加個飯咋...我地真係好變態~~~呢間野既定價大多係60蚊以上.....雖然唔算太平....不過以呢度係豪宅樓下又有裝修既其實又唔算太貴....不過如果佢同出面d樣樣衰衰既泰國餐廳一樣價.....我都係寧願食出面哥d....因為人地哥d好味d~呢間可以話無咩驚喜...我上網睇哥時仲話係有泰國星級大廚坐陣架嘛~算啦~叫做試下就算~其實想見下mina媽媽je~






依家睇廣告呢.....
見到冰島飲哥隻好好味既士多啤梨乳酪飲品~~
(原來係出自瑞士的...B字頭的...)
有得係香港買呀~~~~
我好想飲呀~~
仲話對心臟有益喎~~~~~



報時:距離南非觀獸美食之旅2013仲有---12日~

33 則留言:

  1. D皇室春卷, 我還以為係蘆筍來, 好難炸到咁長, 又唔斷又唔乾水.

    港澳的泰式菜, 係加左中國人口味入去, 可能跟正宗泰國人果D有唔同啦,

    回覆刪除
    回覆
    1. 哈哈~~~唔係露筍呀~~係生既西芹黎架~~
      咁又係~~不過有時改到又真係幾岩我地胃口既~~

      刪除
  2. 還有, 你最近肚疴過, 腸胃虛弱, 要小心調理番好佢, 少D飲凍水, 少D食生冷難消化的東西,

    回覆刪除
    回覆
    1. 無呀~我無飲凍野呀~等我呢個幾禮拜養好身子去旅行先食過~~

      刪除
  3. HAHA你同事有咗呀?~咁咪又有BB玩囉~~~><
    不過我覺得玩人地歌個就好玩,到自己有時就好麻煩...=_=

    回覆刪除
    回覆
    1. 係呀~就黎又有bb玩喇~~
      梗係啦~~~我先唔想臭bb呀~~一定超煩~~

      刪除
  4. 咁你一定要黎香港果陣試下我講果間泰國野啦,真係好抵食,茶記格局,你就當佢係有冷氣既大排檔啦。落左船,搭的士去到屈地街口,由電車路果邊行入去,好易搵既,記住星期三休息喎。

    回覆刪除
    回覆
    1. 如果有機會去哥頭既話我會試下的~~~~

      刪除
  5. 等我試下o個隻士多啤梨乳酪飲品先~~~
    Babybaby成日要人擔心>_<

    回覆刪除
    回覆
    1. 你知唔知邊隻呀??依家成日賣廣告架~~有草莓有藍莓味的~~草莓雪凍佢簡直係極品~~~~
      我無事喇~~~精神番~~我會練大隻d~~

      刪除
    2. 睇返冰島文係咪會搵得返呀baby?

      刪除
  6. Hi 小t.胃痛仲未好番呀!可能要少飲凍水,同生泠野和辣既食物喎!御泰廚香港都有一間價錢比澳門貴d d 啦!泰式醃海蝦$68 好平喎 香港賣$90 貴好多囉!四位女仔食咁多嘢!勁!係現在澳門金沙城中心康萊德酒店做緊二款下午茶喎,有英式同西班牙式兩款!每款$138 咋,有興趣去仄下喇!多d 休息喇、就好快好番呀!bye!!!

    回覆刪除
    回覆
    1. 今日好番好多喇謝謝
      我時間會去試試..謝謝

      刪除
  7. 泰式醃海生蝦 我最愛呀!

    回覆刪除
  8. 妳咁似有咗~~~~哈哈哈..........快D去body check下或打支針會快D好呀.......乘乘哋休息下唔好四圍走啦

    回覆刪除
    回覆
    1. 胃痛點會係有左呀~今次佢無幫我打針呀....不過依家好番d喇~

      刪除
  9. 泰式醃海生蝦, 正呀^^仲咁抵食!!
    小t, 你真係要忍忍口喇,少食生凍同油利嘢,清清腸胃先,如果去旅行果陣都係咁就無mood啦,小食多滋味呀:)

    回覆刪除
    回覆
    1. 都算唔貴既~~
      我知道了~~~我依家都好驚去旅行唔舒服.....我會乖架喇~

      刪除
  10. 噢 胃痛 又嘔。。。
    聽到令人有啲擔心呢 睇完醫生而家有無好啲呀

    回覆刪除
    回覆
    1. 依家好番好多喇~~~多謝大家對我既關愛~

      刪除
  11. 病到而家,知到咩叫禍從口出啦衰女......
    十味餸......你哋邊係4個女仔,係3個女仔加一個四眼短髮地盤佬就真.
    合照幅相乜解究影到貞公子咁肥?佢似有咗多啲......

    回覆刪除
    回覆
    1. 你就禍從口出..你笑我所以你都xx爛
      我今次唔反駁~我認我係地盤佬的~
      角度問題je~邊個坐哥個位影都係會咁肥~

      刪除
  12. 陰公!好辛苦喎,睇嚟上次病仲未好番哂,乖!食藥……!要好好休息,早啲好番,要出發!

    回覆刪除
    回覆
    1. 應該係呀.....上個禮腸胃炎未清呀可能~
      我會乖架喇~謝謝大家~

      刪除
  13. 好D未呀~~好似.......次次去旅行之前就嚟料架,快D好返啦..........

    回覆刪除
    回覆
    1. 你講得岩...次次旅行前都係咁...我要小心d先得~

      刪除
  14. 噢,我都好like 泰菜架喎,不過咁慘慘,lee間唔係咁好食,嘥咗你啲 quota呀。不過唔試又唔知好唔好味既。
    快啲好返啦,腸胃不適真係好慘...

    回覆刪除
    回覆
    1. 其實哥日諗住食第二間的不過佢無開先逼於無奈食呢間~~~~
      今日好番好多喇~~謝謝大家關愛~~~

      刪除
  15. 又一排冇黎LA,話貢快你就去南非!! GOOD GOOD..希望你快D好番晒啦!
    醃生蝦真係好正AR,去食泰菜必叫!!!
    原來我同你同病相憐...我上星期向日本急性腸胃炎,搞到要入醫院先得..到而家入面都仲搞搞下貢,
    都唔知佢想點...好彩係臨尾先出事, 最多係損失左冇得SHOPPING, BUT起碼去左靚靚既京都/奈良玩...
    都THANKS GOD LA! AI...

    回覆刪除
    回覆
    1. 今日好番好多了~~~謝謝~~~
      係呀~~~次次都叫的~~~
      下?!?!?!?咁大獲?!?!?!?!?!好慘呀...一定嚇親你啦!!!慘慘...依家仲係搞搞下呀.....咁你都要同我一樣乖乖一排先喇~~~~~~~~~~好彩都有玩過je~~~~~

      刪除
  16. 泰式野好惹味好吸引呢~~
    真係要好好休息呀... 就黎去旅行喇,養好身體先有力氣

    回覆刪除