2013年10月7日 星期一

師傅仔美食

我想問下今日係咪仲係黃金周??好似都好多野做咁既~~~~~星期六:第一次去食滿記~~食越南野架~~~好好味~~好想再食~~~...->夜晚試左間新既韓餐...貴到死....把鬼!!->去左睇引力邊緣....唔係話唔好睇既...可能我將太大既期望放係呢套戲度.............不過都好過逃出xx既~~.......星期日:去左好耐無食既兄弟行~~正~~...->去左拜爸爸~~因為佢就黎生忌....->去左venetian同埋sands行街~~買左好多生日禮物俾好多人~~...->去左生記食飯~~為慶祝小公子的一歲生日~~~~粒野真係大得好快...仲記得舊年既呢日...我係盧九附近食近炸雞皮.....報喜的電話就來到了~~~依家....已經....一歲~~~~



我地有平時去開一間大排檔叫師傅仔架...某日聽大比佢地講原來師傅仔開左間係食麵舖頭~於是去會一會佢~地址:澳門俾利喇街珍興樓121號地下B....電話:2855 0163.....我唔知有無記錯~佢好似係星期日唔開的~哥日去到....睇見餐牌....d粉都幾特別....有:薑汁豬腰米...牛尾瀨粉...黑椒牛肋骨撈河之類之類~我要左...水煮肥牛米 $23.....又幾過癮喎~~~第一次食水煮野~但估唔到係配米粉食~幾新奇~~




另外叫了雞湯雲耳雞腎米 $22....毛寶話幾好味.....呢度又唔算話真係好好好味....不過幾多新穎既粉食~又唔貴~



有一日....因為屋企人有免費食飛....所以帶埋我同我媽去財神酒店既富之神日本料理威威....(呢間野如果唔係用食飛堅貴!!!)如果用食飛就會按現金價收多50%....但買食飛係有折的.....有人計過都係用食飛抵d......但呢碟刺身既拼盤要成$1500?!?!?!有無誇左d呀?????唔算特別多靚野jei!!!!!!



唔知咩焗蠔~好味~



最好最好味都係佢呢個拉麵~~~~~~~~又係成百蚊碗...如果唔係有人請我食....我諗我唔會自動波黎食~~



不過呢個和牛多士都好正~~~





唉~~~
肚痾完呢幾日我個胃都係胃痛...
那住那住痛....
忍唔住今日去左買胃藥食....
食完下午坐係公司覺得好凍..
關哂冷氣都覺得好凍...
成身俾針吉咁......
番屋企即刻沖個好熱既熱水涼...
依家著左超多衫...
我諗我今晚要早d訓.................



報時:距離南非觀獸美食之旅2013仲有---13日~
下~~唔夠兩個禮拜就出發喇?????
我諗我真係要好好養好身體先得~

26 則留言:

  1. 系呀. 好好養好身體 . . .去到南非同佢c 過. .加油!! ^0^

    回覆刪除
  2. baby真係要好好養好身體呀~~~
    好想快d再睇小公子成長日記

    回覆刪除
    回覆
    1. 我知喇~~~努力中~~我唔會亂食野架喇~~
      好快~~~後日出小公子~~

      刪除
    2. yeah !! 有得睇小公子 !!XDD

      刪除
    3. 大家都好愛小公子~~~~*3*

      刪除
  3. Hi 小t,星期六、曰都好多節目喎!引力邊緣我都會睇架!逃出xx我上網睇咗喇真係麻麻地!師父仔我都去過喎、在新馬路個間嗎?富之神日本料理$1500 刺身拼盤起貴呀!鋦蠔唔錯喎貴嗎?胃痛點解唔睇瞖生呀!妳可能泠親喎!小t,小心身體呀!要有個好身體去南非濕平同食佢d美食呀!take care !!!bye!!!

    回覆刪除
    回覆
    1. 唔係呀....雅廉訪前少少.....
      我唔記得蠔貴唔貴喇....因為唔使我俾錢

      刪除
  4. 喂喂,你要快啲好返呀,又要睇concert,又要去南非。乖乖的休息多啲啦。
    Btw, 睇到你話食越南嘢好食,我又想食呀。仲好掛住巴黎嗰間越南嘢呀(我地嗰陣靠你blog張相喺google map搵出嚟架,幾叻叻。)

    回覆刪除
    回覆
    1. 我真係超級驚囉...今朝起身又嘔......
      唔係呀下??????????點搵呀?????食埋同我同一間???咁都搵到????真係要讚你!!!!!!哥間真係好好味...牛肉粉同埋好似腸粉既物體真係整得好正!!!!不過係逼左D囉....

      刪除
    2. 係呀,好彩你有影間舖既樣,我地咪憑啲蛛絲馬跡搵囉。個牛肉粉湯底真係正到無嘢講,係啲牛肉嚡咗啲囉。我地唔識叫粉卷 (臨走先見到),叫咗春卷,都好味既,不過真係好想試個粉卷囉。

      刪除
    3. 你地真係好勁呀~~咁都搵到~~~~~
      有機會要再去食食~

      刪除
  5. 果間麵店, 你當係去食車仔麵咁既心情去食佢, 就會好好FEEL架啦.

    回覆刪除
    回覆
    1. wakakakakak~其實佢又唔算好差既~超碼有d野食既配法都幾得意~

      刪除
  6. 妳碗拉麵好似幾好味好食咁喎~~~但好唔好食唔緊要,最緊要係有人請嗎...........
    take care

    回覆刪除
    回覆
    1. 佢哥度既拉麵係出左名既幾唔錯架~~你講得岩~~有人請我先去架咋~~

      刪除
  7. 刺身係手工錢, 只是1500一盤咁野, 我就一定唔會咁洗錢法.

    你肚奇後胃痛, 係因為腸胃氣虛, 我上次肚疴後, 飯後飲些淡潽里茶, 飲得一兩日, 就無再胃痛了. 你不妨試下.

    回覆刪除
    回覆
    1. 哈哈~~算啦~~我地都係用食飛~~d飛都係唔使錢的~~~~
      但係飲茶唔怕削胃嗎??

      刪除
    2. 飯後才飲淡潽里, 應該唔削胃的, 而且係淡, 唔係工夫茶咁濃

      刪除
    3. 唔知普通超市買哥啲茶包得唔得呢?

      刪除
  8. 好好保重呀!呢排轉天氣,要格外小心!

    回覆刪除
    回覆
    1. 我知道喇...我噚晚沖完涼已經將自己包到成隻糉咁架喇~~~~

      刪除
  9. 上次都冇笑你肚痾吖,點解咁快輪到我,尋日我痾咗17次,痾完發燒成身骨痛......

    回覆刪除
    回覆
    1. 你無打出黎...點知你內心有無笑我
      你係咪係哥邊食錯野呀

      刪除
    2. 關心都嚟唔切啦,邊會笑你吖
      阿媽話唔關佢事,根據我呢個病壞經驗,係食咗佢整嘅嘢先出事

      刪除
    3. 下話.....
      華下.....食左咩呀.....佢煮左咩你嘆先

      刪除