2013年10月29日 星期二

文哥咖啡奶茶

好耐無試過係上班日放既假係真係休息唔係去旅行的~好舒服呀~~~~今日做左d平時番工唔夠時間做既野....例如去郵君攞野寄野咁呀....陪毛寶曬相呀~~去銀行呀諸如此類~仲去左食文哥~~~(咁岩線今日就介紹喇~)...終於食到!!!去過幾次...一係唔開...一係賣哂野~~~好好味~~



之前有某人向我大力推介呢間茶餐廳~~搞到我點都要去試一試~~~文哥咖啡奶茶~~~地址:氹仔施督憲正街老虎巷歡樂花園第6座J.....電話:2882 7078.....講真....唔算易搵~佢應該好左好耐....而附近我都行過無數次.....但我真係感覺唔到佢既存在~~係官也街最尾....有間好大間葡餐既....隔離有個停車場.....佢就係對住停車場的......去之前最好打個電話去睇下佢有無開!!!去4次試過有兩次都唔開的.....




而且一d都唔大間!!!大約20個位左右...差唔多次次去都要等位的!!(但你都知我幾憎等位架啦...都肯翻等咁多次就知咩事~)



睇睇餐牌~佢好正架~~~d粉麵既湯底係配牛尾湯或者雜菜湯的~~~價錢唔貴~



除湯底外...第二樣招牌就係無骨雞翼!!!呢個係去骨雞翼雜菜湯米 $23.......講真...去骨雞翼我就覺得麻麻....正因為佢去骨....成隻雞翼打開煎...d肉無皮包住咁煎令到d肉幾老幾鞋~呢隻雞翼我試左一次之後都無叫過~~~~想講下雜菜湯~~真係超正~~~好多雜菜好多料~~~個湯清清地~~幾正~~



我就叫左去骨雞翼雞扒牛尾湯米 $38(重肉~似我~)....原來加多塊扒要$15!!!!!!!!!不過咁....佢d雞扒真係醃得好好味~~~~~~值得叫~~~~~加上牛尾湯真係非常多料非常濃香~~~唔~~~~~~我往後時間去都係雞扒牛尾湯米呢個組合~認真食過翻尋味~~~~~佢個米成日都好似就倒瀉咁~超多~



毛寶依家喜歡叫辣魚牛尾湯米 $22
文哥真係好正~~~~如果想淡味就雜菜湯~~~如果想濃香d就好似我咁叫雞扒牛尾湯米~~包你lam lam脷~~~~最搞笑係佢夜晚會化身做甜品店....不過聽人講就麻麻喇~~



食飽飽我地去左sands間玩貝鋪睇玩具~又亂搞人地d野~~~~~毛寶~~你冷靜d~~~除番個面具先講啦~~~



跟住見到呢個吹到漲卜卜既小海棉又忍唔住做戲~~~邊個d戲好d呀????




笑笑笑~毋忘露"稍"牙~咁都唔笑~好cool je~哈哈~~好得意呀~~~隻龍貓使唔使笑得咁開心呀???????






今日去郵局攞野~~~
係因為kapo baby從香港寄左野俾我呀~~~~
好多謝baby呀~~~~~~
我好開心呀~~~~~
估唔到可以由blog友仔成為朋友~~
多謝你對我的愛呢~
多謝你kapo~
心都甜埋~



今晚去左食打邊爐~~~
好飽飽~好耐無食過肥牛~~
聽日老細帶我買生日禮物~~
緊張ing~

17 則留言:

  1. 又有禮物收,真係開心啦!

    回覆刪除
  2. 碗麵真係滿喥瀉喎........

    回覆刪除
  3. Hi 小t 其實放大假去完旅行又有幾日休息時間休息真係幾舒服架,平日放假街上又冇咁多日呀!文哥咖啡奶茶我上年平日都去過喎,原來咁出名!好好彩我去個次有開呀!我食牛扒公仔麪$25好平呀,香港要$28-$30 先食到!玩具店兩個都好戲喎!但妳表情好似呀!blog 友可以成為朋友!一d 都唔出奇!kapo,blog 友我都有睇去個blog 架!又是叻女一名!又有生日禮物收!真開心!bye!!!

    回覆刪除
    回覆
    1. 你咁犀利知道呢間野?我都係今年先知咋

      刪除
  4. 好似幾好味喎........下次過嚟去試下先.........生日有禮物收,妳就有好啦..........

    回覆刪除
    回覆
    1. 係呀~我好鐘意食的~~~
      hehe~多謝我的老細們~

      刪除
  5. 大庭廣眾就檢點啲啦,掰大口成個智障咁,毛寶化身鐵甲奇俠型得多.
    呢間嘢喺"乙米"仔啱哂我,又有新嘢試.另,上次試你介紹嘅教主同江記,教主啲牛肉非常好味,江記唔落辣汁好難食,一落連升幾呢,大腸我覺得好好味,雞扒香港榮式好味啲,但江記我識去唔識走,蕩失路好耐先走得甩.
    kapo寄咩俾你咁開心?如果我寄親筆簽名相俾你仲得了嘅?咪開心到幾晚瞓唔著?

    回覆刪除
    回覆
    1. 我鐘意呀~吹咩~
      我依家好驚令你失望~教主係食咩牛肉呀???我未食過佢d牛肉喎~~~~江記d撈米好淡架不過佢d辣都ok~但我都係鐘意肥仔記多d~一行番條直路就出番去永樂戲院架喇..不過你識去都算叻...好啦...俾你做十分之一澳門人啦~~~~~
      你千祈唔好寄俾我...我唔想特登去郵局攞

      刪除
    2. 唔駛驚令我失望喎,呢兩間都係好嘢.我喺呢兩間食嘅嘢咪同你叫嘅一樣,教主係叫過橋米線同埋,你叫嗰隻唔知咩牛肉,貌略似肥牛但味似和牛......江記去易呀,走嘅見架架巴士都唔啱方向......十份一咋,食埋文記再加.
      你想激我寄俾你之嘛,就偏偏唔寄,捉蟲啦你.

      刪除
    3. 係喎~~我唔記得教主哥間我有食過牛添~~淨係記得雞~~...係呀~~佢d牛味好濃的~~又唔怕鞋~~識貨呀下~~睇你食到幾多間鋪先再加分做澳門人啦~~哈哈~~~
      你真係長期癲癲地~

      刪除
  6. 我大愛牛尾湯呢,好似好好味呀,流晒口水~~
    打邊爐又係我最愛之一,我星期五都有得去食啦,yeah~~
    btw,你地啲相真係好搞鬼呀,我真係唔敢影lee啲相呀 (年紀大呀)

    回覆刪除
    回覆
    1. 對對對~~~我都好鐘意牛尾湯架~~~~~
      係呀~~~~打邊爐真係百吃不厭~~~可能我太鐘意食肥牛+辣椒豉油呢個配合~~~
      wakakaka~~其實我地影哥時有個職員喪望我地~~~係我地唔知醜咋~~

      刪除
  7. Aiya,估唔到個南非之旅係有D失望既..不過唔緊要啦,見到D動物都好開心la!
    呢間個牛尾湯底巧吸引ar!!真係睇到人地流口水..
    wakakakka..你地2個真係好鬼搞笑..個a貨iron man.....
    So happy la,有禮物收,由blog友成為現實朋友真係難得呢...

    回覆刪除
    回覆
    1. 都ok既~~~還好啦~~~又唔係完全唔好玩既~不過d野食無我想像中咁好味就真係有d失望既~~
      我次次去都係食牛尾湯架~~正~~~
      哈哈~~~好老土呀a貨iron man~~~~
      係呀~~我都好感恩的~~

      刪除
  8. 哈哈,佢哋點解要用咁細個碗?就瀉喇!XDXDXD

    回覆刪除