2013年9月16日 星期一

冰島英國自由行之旅2013-06-20第十三天Part 2(陰天少雨)

星期一真係做到我死死下!!!!!!!!!!!!!好攰呀!!!!!!!星期六:試左diana推介既puffin cafe~~好正~...->睇被偷走的那5年....白百何和張孝全做.....我後悔無一開始攞紙巾!!!(因為我覺得無啦啦俾人聽到攞紙巾聲係好唔型!!)...所以我一路忍...忍左成4..5次...個頭不停向後希望眼淚唔好跌...最後都係失手....早知一早攞唔使忍得咁辛苦!!毛寶因為隔離個阿叔個口超臭所以佢一早攞左出來吸實個鼻....毛寶平時都算係潮童....都喊到眼腫鼻腫咁出黎...兩位都做得好好!!推介睇!!!->新記車仔麵醫肚~......星期日:中午去左琥珀食套餐~好味~..->去左反斗城買bd禮物俾小青蛙->下午茶軒仔記..非常唔好食!!->晚飯去pizza hut



2013-06-20
Day 13—-Part 2(英國,倫敦 United Kingdom,London)

我地繼續係波若市集(Borough Market)行緊…..行到第二間見到話呢隻攞過獎既芝士即刻忍唔住試食….咦~~又真係幾好味喎~~~~我買左舊細細舊的~
£4.95=58.4hkd~





哥d鋪頭真係令我大開眼界的~~~又多試食喎~~~成間鋪都係d芝士呀~水欖呀~望下研究下都開心~~



行行下見口渴….買左sangria飲…不過個老細超臭串!!仲唔好飲!!仲一d都唔平…£3.5=41.3hkd架嘛!!!!



呢位阿生話買舊西瓜食仲解渴喎….£1=11.8hkd…都幾抵既~因為食過又真係幾甜幾多水的~



之後亂行亂撞地行到黎呢度…有間Paul Smith….咦~幾靚喎~



然後係Stoney Street終於搵到關同學講既中國人開蠔!!!!就係呢間Richard Haward’s Oyster……門口個雪櫃太吸睛了~~



分大中細3個size的…大的£2=23.6hkd一隻….中的£1.5=17.7hkd一隻….細的£1=11.8hkd一隻…如果唔使佢開會更平~你可以睇睇個黑板~



排住隊既時候….見佢開到唔靚哥d即刻唔要!!!我佩服!!!同好有信心!!!!!



佢有special offer的~~即係買多幾隻又平少少咁樣~~~我就唔執輸3種都要試試的!!!於是咁我地就買左大既一隻(£2=23.6hkd….唔錯喎~唔怕漏哥隻味~~)….中既4隻(£5.5=64.9hkd….中既最正!!!!推介!!!)……細既6隻(£5=59hkd)…..雖然同一品種….但我真係覺得味道各異呢!!!!!!好好好好好好好好味呀!!!!!!!!!!!!!!!!!!!!!!!!!!!!!呢度買左之後有檯俾你食~有檸檬辣醬任攞~~~不過無位坐的~



大既又真係好大隻喎~~~



我地4個食完第一round…..忍唔住再排過!!!!!!!!買左中既12隻(6隻£8=94.4hkd)….細既又再買左6隻!!!!真係真係好新鮮好好味!!!!!!



跟住食完蠔買番杯橙汁再飲飲~~呢個market一切都係咁就手同隨意~





我想同大家宣佈!!!
我.....搬家成功!!!!!
我唔再係copy and paste~~
有科學根據地搬!!!
有將之前d blog轉成依家既xml檔!!!
而且唔使浪費好多時間...重點係唔難..
我電腦咁白痴都整到~~~
首先yahoo blog->tumblr->wordpress->blogger
係yb轉去tumblr輕鬆搬家都係2日多少少!!!!
1000篇喎!!!
再由tunblr轉去wordpress就4小時!!
1000篇喎!!!
wordpress轉去blogger就斬件轉緊~
但都快~~因為我要執下d標籤~
不過呢個方法就搬唔到留言~~
但好處係就算輕鬆搬家去tumblr都唔會令yb進入唯讀模式~
所以冰島我再重新整過~~~
大家係blogger留俾我d冰島篇留言會無啦~~
但係無所謂啦~大家再多d黎留言咪得囉~~
想睇詳細方法請去(有埋圖教你):
http://koosan.blogspot.hk/
我係用9月5日哥篇既方法~~~
多得有網友小肥提我...我先唔會無哂呢6年既野!!!!
感激不盡!!!!!
我同kapo baby都成功搬家了~~~~
大家都一齊搬啦~~~~



一路轉blog....一路睇番之前既blog...
有好多的回憶呢~
以前既我...有一期都幾負面架喎....
好彩現已雨過天清~~



毛寶同我講佢前晚發夢見到我爸爸...
佢話爸爸同佢講:
就算佢唔個人唔係度..但佢都會得閒同我地去旅行!!
我將呢件事話俾媽媽知...
講完我就自己哭了兩滴眼淚;]



報時:距離南非觀獸美食之旅2013仲有---34日~
好緊張呀~~~~

27 則留言:

  1. 咁大舊都係4.95磅....真係勁平!!試食仲要大大粒....羨慕呀~~~
    我仲未成功搬家,睇左幾個blog友既方法......都未敢下手,因為我都係電腦白痴+低B

    回覆刪除
    回覆
    1. 小肥搭句咀, 殷師奶與大爺: 關於搬BLOG 的方法, 請也看這個 [木木媽] 的說明, 很清楚
      http://bubibububu.blogspot.hk/2013/09/yahooblogger-1-blogtrans.html?showComment=1379288936759#c1846858904935388092
      我自己 搬好啦. 你要加油 !!

      刪除
    2. 佢地真係好好多好多芝士可以試食~~~真係好正~~~~我仲試左好多~~~~
      都ok呀!!!我仲白痴啦~~~不過我跟既哥個方法真係唔難~信我~
      我咁白痴都ok~~唔使驚~~放膽去搬~~

      刪除
    3. to:小肥
      真係有好多方法呀你~~~~

      刪除
  2. 阿叔都會睇被偷走的那五年?
    睇到而家我幾鍾意英國......

    回覆刪除
    回覆
    1. 真係有睇..唔到你唔信...所以你都要去睇~
      唔係呀下.....我覺得英國幾悶喎~

      刪除
  3. 哈哈, 做咩咁比面. 真系客氣 ^0^ 被偷走的那5年 我都睇咗. 好激, 但又覺得對女主角太殘忍 . . .(殘念)

    回覆刪除
    回覆
    1. 咁真係多謝你嘛~~唔係你通知我有個咁簡單既方法~~我依家仲傻下傻下~~
      真係好慘呀!!!!睇到人個心好唔舒服呢~~

      刪除
  4. d生蠔好大隻,又新鮮又抵食。多謝你分享,我都學你咁,將yb嘅舊entries搬緊去tumbir。但我想請問,搬哂之後,喺blogspot出現嘅photos,仍然link落tumbir,有冇得執㗎?謝謝!

    回覆刪除
    回覆
    1. 無錯呀~都係link落tumblr呀...不過我無理喇~~總之唔變死圖就算~~哈哈~~
      我真係好鐘意食生蠔~~

      刪除
  5. 毛寶因為隔離個阿叔個口超臭所以佢一早攞左出來吸實個鼻....<---我爆笑咗出嚟

    回覆刪除
    回覆
    1. 呢個係事實黎架~~~佢好彩~有個口臭阿叔幫左佢~

      刪除
  6. 妳唔好哭啦~~~被妳爸爸知道佢會擔心呀.....知嗎.

    回覆刪除
  7. 哈哈! 我來也.
    小T 估到我係邊個未?

    回覆刪除
  8. 嘩,啲蠔好大隻呀,不過我唔食蠔既,hehe。
    Borough Market 係我 London trip 最愛既地方,食咗唔少好嘢之餘,仲買咗支balsamic vinegar,配baguette 真係好好好味。好似你咁講,一切都好隨意,試啱先買。
    叻呀,你咁多篇都咁快搬完。
    你爸爸見到你地活得開心,一定都會好開心既。

    回覆刪除
    回覆
    1. 我係超級喜歡生蠔的~~~~~~
      我都係咁話~~~最開心我就係去左borough market同埋去影左哈利個九又四份三月台咋...其他真係可有可無~~~~~~
      邊有就快~~依家先搬到2010年~~~不過我慢慢搬~~順便睇埋~~
      我都有咁既感覺~

      刪除
  9. 開蠔果位哥哥仔好努力,d蠔好肥美。

    同埋恭喜你搬家成功。

    回覆刪除
    回覆
    1. 哈哈~~係見到都鄧佢辛苦~~~~
      多謝多謝~~

      刪除
  10. Hi小t,㳟喜哂、搬家成功,被偷走的那5年,睇到妳同毛寶喊晒出來、是否好好睇喇,細細舊芝士都要成$58.4hkd 都幾貴喎,嘩食蠔食咗兩round 夠哂滿足喇,d 蠔真係幾大隻呀!又新鮮!小t,又唔使哭呀!妳爸爸知道會唔開心架?仲有34 日就去南非喇!好緊張嗎?bye!!!

    回覆刪除
    回覆
    1. 好好睇呀可以一睇
      無喊喇
      緊張呀

      刪除
  11. 我都係多得baby你先搬家成功渣~~~~
    hehe~~~
    我唔食蠔都感受到你地食蠔既喜悅 haha

    回覆刪除
    回覆
    1. 我聽日都想去睇被偷走的那五年~~想去喊下~~係咪好痴線

      刪除
  12. 你好幸福,有個陪你成長啲好朋友
    加油喔!!

    回覆刪除
  13. 小t, 我睇緊你果個北歐午夜太陽,但現在揾唔返出嚟:(

    回覆刪除