2013年9月12日 星期四

冰島英國自由行之旅2013-06-19第十二天Part 4(晴天酷熱)

頂~~~~個wifi又用唔到喇~~~~~真係好煩~~~~我唔應該慳錢....一早買過個新既!!!!!!!!!今日唔係多野做....係多煩野!!!!!!煩到你忟哥隻~~~~~~好彩仲上到網咋~~~~



2013-06-19
Day 12---Part 4(英國,倫敦 United Kingdom,London)

食飽飽就行過去格林威治碼頭與卡提沙克號(Greenwich Pier & Cutty Sark)~~





跟住唔知點解又行番去個格林威治市集(Greenwich Market)度買野食~~又買天婦羅蝦食~~~食完就係一個外型係車....實際上係賣乳酪既攤位買番個食先~~~話係Organic Frozen Yogurt喎~~~~



有兩隻味~一隻原味一隻士多啤梨....佢叫我地試食喎~~結果原味好食d~~~但係試食都俾咁多我既~~~~~~



我地好似係叫中杯裝的~好似係£3.x一個~



你俾左個乳酪既錢.....咁就可以任加toppings架喇~~~~加咩都得~~~加幾多都得~~~~咁都ok喎~~~~~~~



hehe~~我唔貪心~~我加左兩樣咋~~~



好囉~~~~飲飽食醉之後就坐番DLR再轉Underground去到Oxford Circus站....呢個站有Central...Bankerloo同Victoria Line都會經過~



呢條街都勁多大型連鎖服裝店行~



但最吸睛的~相信係咁大間的top shop~~(之前香港未開的~)...好似有成5層咁多~~



連野食都有得賣!!!!我係裏面試左頂草帽~仲以為自己好少女..點知毛寶話:你好似海賊王裏面哥個野.........................................我還是生得很滑稽~~~~

各人都有豐富收獲~



跟住撞下撞下就黎左毛寶好想行既Carnaby Street~可惜當時已經成7點幾8點~好多鋪收左~~所以安排聽日再行~~~



Underground成日都有賣呢個哈利阿波studio既廣告~~~我真係好想去呢~~



由於呢晚行完街無安排特別餐膳唔知食咩好~於是我地又去番我地民宿哥頭既自助cheap壽司Wasabi度食~~本身諗住係哥度食但太多人~~所以買左外賣~



壽司哥類已經無乜........我地買左d飯番去....我哥個係咖哩豬扒飯...仲同個鬼婆爭先爭得嬴架~~~~不過無用....佢壽司以外既野都係唔好食!!!!!!
我地諗....如果我地係英國開番間10蚊4件哥類型既壽司店...應該會發達~~~~因為呢間野麻麻地好味d人都搶住買.....我地開咪嬴囉~~~



戰利品時間~~係Greenwich Market買架~~~靚唔靚呀???
£8=94.4hkd~~成條Links咁呀~~



hehe~又買左postcard~~因為我見佢張郵票係英女皇~~即買~~



我仲寄左呢張俾布志綸添~(好似同佢好熟~)



磁石類~我好鐘意郵筒哥個呀~~~



我在top shop的收獲~~~~3對襪£8=94.4hkd~~~耳環半價......£3=35.4有3對~~抵~~~





今晚出街同七公子去威~
試間新野~~(新野=我未食過)~~
心情靚靚~~~
番黎再覆大家留言呀~~~



呢幾日塊面生左好多小暗瘡呀....快d好番呀!!!!!
報時:距離南非觀獸美食之旅2013仲有---38日~

5 則留言:

  1. 哇,磁石貼超正呀,引屎我 @.@ 貼滿雪櫃未啫,我要看我要看^_^

    回覆刪除
  2. ✿•*¨*。開心的心情延續Happy星期日✿•*¨*。

    回覆刪除