♥t's kitchen♥---Part 1

hello~~~hello~~~hello~~有成兩日無寫野有無掛我呀~~~(有人噚日同我講話有架~~唔理~~).....今日係星期五喇~~~好開心~~~~因為呢兩日都要上堂~~~所以下午大部份時間都唔使做野~~~~噚日其實已經整番好個wifi同寬頻架喇~~不過我噚晚又係要去上公司d堂搞到我無時間打blog~~~~我當我自己連放5日假架喇~~~因為星期六日啦....跟住星期二三就係國慶....中間既一日星期一....我攞番ot d鐘~~~番兩個鐘就走得~~11點放工~~~~最開心係朗公子同我一齊攞左~~我地可以去玩~~~~~~~



某日....我學人玩煮野食喎~~~(大家睇左我個blog咁耐有幾何我會話煮野食呀~~)一直以黎....我覺得除左要煮出黎既野要好味之外(或者食唔屎人啦~~~)第二件事就係要有包裝~~(好似好有心得咁樣~~~)....除左整出黎既野presentation要好之外.....仲要餐具一樣要得人心~~~



襯媽媽唔係屋企....就等我反轉個廚房先~~~~heheh~~媽媽哥排去左旅行我自己煮左3次野食~~~~第一餐....我就整左個english breakfast~~~~因為我成日覺得出面我60幾70蚊一個...貴到癲~~~但d野食又唔係特別過人喎~~~激發起我自己要整番個~~~點先~~~d餐具我自己有去買過架~~~同埋我整得靚唔靚先~~一定靚過我係英國食哥個!!!!麵包我都有烘過架~~~其中一塊仲有加芝士烘~~~好正架~~~磨菇同火腿我都有煎香過~~~仲有隻蛋~~~睇下煎得幾靚仔~~~我唔鐘意食咁熟既蛋架~~~蛋漿又可以用麵包點黎食~~~正~~

我仲特登走去買左心型既餐具~~~~死未~~~

第二餐....去左凍肉鋪....見鵝肝幾平....買黎試下~~我記得好似70幾蚊兩舊

仲學人買牛扒煎~~~不過係平野~~因為驚唔識煎所以唔買貴野~~~

好喇~~上網睇左人地點樣煎鵝肝....就係先將鵝肝沾生粉.....沾好後就熱一熱隻獲~~~~~

然後油都唔使就放落去煎~~~因為鵝肝本身多油~~~自己夠油去煎~~~

煎好~一個得一個唔得~~~~~其中有一舊咪幾靚~~~~~

加埋我煎既牛扒~~~~wow~咪幾得~~~係咪~~~~

拿拿拿~~~加少許伴碟~~~咪得囉~~~~~係咪都唔錯呀~~~(d汁整得好醜~)

仲有我之前一晚整定既北海道3.6牛乳滑滑布丁做甜品~~

到第三餐~~~我煲左個雜菜湯~~~煲哥下唔難~~~~切哥下難~~~~~

hehe~~~再整個雞翼~~

仲有呀~~~第一次學人煎蛋卷呀~~~~加左d蔥~~~

重點係~~~~我將所有材料入哂落去個飯盒度等你來吃~~~一直都好想整個飯盒請你吃的~~~我覺得自己整得幾好呀~~~大家覺得點呀~~~~~

仲有沖到桂花茶解解滯~~其實我幾鐘意桂花味的~~好清新~~~

如果我收到呢個飯盒我一定超開心~~~(怕醜~)

呢次就係我今年煮過最多既野食喇~~暫時~~~~合唔合格???係咪賢妻良母呀?????(hehe~)

媽媽今日就去旅行呀~~~

又得人地一個係屋企~~~

悶悶~~~~

不過佢去旅行我都開心既~~

因為佢識自己搵節目嘛~~~係咪~~

今晚無飯食~~

等我因間好乖咁洗好衫出街行下~~

睇下有咩好食先~~~~

我想問下點解我篇野整黎整去..

d字都係灰灰地色既??

我想要黑色喎..

睇到好似有眼疾咁.....

報時：距離南非觀獸美食之旅2013仲有---23日~