鬼丸拉麵道場

今日下午去左覆診~一覆就覆左兩個半鐘.....哈哈~~~不過去睇醫生時3個任務只完成兩個.....無用豬@@



澳門d拉麵店依家都開到超多超多的…….但講真….除左開係財神酒店入面哥間日本裏面哥碗價值差不多$100哥碗好食d之外……其餘我都唔覺得特別的好吃….食過一次絕無翻食的衝動~可能同本身我唔係拉麵狂熱者的關係啦~之前試過一間人地話好好味既拉麵時…我都唔敢抱太大期望~呢間拉麵叫鬼丸拉麵道場…..位於一條小橫街內….地址：澳門高士德羅神父里偉昌大廈地下8/A…..電話：6386 8480

店鋪超小~我諗只有大約20個座位….而且幾逼~我地哥日都等左成20~25分鐘先有得入座~

餐牌就這樣~自己一碗拉麵用一張紙劃….同日本差唔多呢~

先要了一隻自家製溏心蛋$8…..還可以~但不算頂級好食~

毛寶的是安格斯鮮牛肉手打稻庭烏冬$65~不錯吃~

我就叫左個安格斯鮮牛肉拉麵$55…我要了地獄血池湯底(中辣)…辣的湯要再加$5…..哈哈~~我覺得幾好味喎~不過中辣都唔算好辣……呢度最吸引我的…唔係湯…唔係麵(其實好濃既豬骨湯我唔係咁鐘意的~~)….因為我唔係拉麵狂熱者…呢d對我黎講唔算太重要~因為我都唔識食好定唔好…..呢度好就好在….食拉麵唔使食哥d叉燒嘛~~我最唔鐘意食哥d鞋到屎既叉燒!!!唔知有咩好食~~呢度配d安格斯鮮牛肉好好味呢~~~攞出黎仲未熟的~生熟度隨自己控制~~~如果我口痕想食拉麵…我會揀呢間鬼丸~因為價錢又唔算太貴又岩我口味~~

食完拉麵我地又去我地最愛既艾菲兒Eiffey食個甜品先~~叫左個唔知咩咩生果茶~~我喜歡的味道~~可以翻沖都只係$1x咋~~~大愛~

叫左個藍莓奶酪~好鐘意佢係用木匙呢~~~我幾鐘意食~毛寶話麻麻~

哥日仲叫左佢個士多啤梨waffle食呢~~好味又靚靚~仲好大份~

今日放工諗住去定巢佬度買定潤膚膏去旅行...
點知齋買野都一樣要等成20分鐘...
佢真係唔憂做....
好彩我已改睇力力....
唔使再等呢個要我閒閒地約左都等一個鐘既人~~



咦.....
我竟然又可以偷偷上到少少網喎...
真係唔知ctm搞咩..........



報時：距離南非觀獸美食之旅2013仲有---26日~