冰島英國自由行之旅2013-06-20第十三天Part 3(陰天少雨)

今日本身個景都唔錯架......一過左5點半先黎料~~~全部煩野一次過係呢個時間出現~~~好正~~~



2013-06-20
Day 13—-Part 3(英國,倫敦 United Kingdom,London)
跟住又經過另一檔….又係有生蠔…但佢擺得樣樣衰衰咁…得哥幾隻…..仲開左等你買……..而個老闆又串串貢咁樣…..但我都死死地氣好想試埋~呢邊呢d £1.5=17.7一隻….好啦~~試埋啦~~~

咦~~~唔係喎~~~雖然係樣衰衰咁~~但係都好正喎~~同頭先哥間隻蠔完全唔同味的~~~~於是忍唔住~~再買黎食~~~~(原來我地一共4個人食左37隻蠔呢~~好正呀~~)

行過隔離有炒帶子~~£5=59hkd…..華…乜咁貴架…..得哥3粒帶子….佢炒哥時聞落好香….不過食落又唔覺得咁好味~早知買埋生蠔算啦~~

超級的推介波若市集(Borough Market)~~~好多野食~~如果你鐘意食生蠔既話就咁一定要黎呢~~可以食到飽~~~

我覺得英國都好多公共廁所要俾錢的….我唔記得係£1定£0.5………入去銀你先可以入去…出黎係入面按個制就可以….咁貴去一次….我地3個女仔係入一次錢然後係同一個閘口三個人一齊入的~~~~好迫…但好叻~~~~~但最後發現…..係入口係可以制到出口哥個制….即係可以唔使錢的….哈哈~~

跟住去左Notting Hill Gate站….Circle…District同埋Central Line都可以去到~

痴線架…行唔夠一陣又話要食下午茶!!!!唔知點解入左黎呢度…間野有d樣衰~

其實又唔係好肚餓既…不過想坐下飲杯野咁解~睇下餐牌…咁平既….一件件咁叫pizza…最平哥隻£5.15=60.8hkd就有~~咁我地叫左兩份4個人share下啦~

點知…..原來唔係一件價黎架……..原來係一個呀!!!!!!!!!!!!!!!!!!!!!痴線架……..使唔使咁平呀!!!!!!!!!!!!!!!!!!!!!!!!!!!!!我地叫左tropical….£6.95=82hkd…..真係抵到無朋友…

最抵死係…我地以為係一件件咁叫….所以叫左一樣味的……我地有兩個一模一樣味既pizza呀~~~暈喇~~~我未試過下午茶咁重口味架~~

呢餐食左£23.34=275.4hkd….你地不能不佩服我地~我地真係食得哂~~同埋我覺得幾好味喎~

其實呢頭係住宅區多..無咩野行….不過就覺得幾舒服啦…

黎呢度既主要原因係..為左呢個The Notting Hill Book Shop….因為呢間就係摘星奇緣(Notting Hill)哥間書店~阿sam同毛寶都話超級的好睇~不過我就無睇過~好…我之後會睇番~地址：13-15, Blenheim Crescent, London, Greater London W11 2EE…..不過都要行幾遠下架~

叫做朝聖左啦~

又番民宿放低野先~呢日買左呢d~d袋好靚呢~~~差唔多全部都係減價野~~抵買~

哈哈~~~

呢幾日不停搬blog...

睇番以前舊blog.....

一路搬...一路笑~

我同毛寶講：華....你睇你哥時個樣娘到...

毛寶：你又覺得自己好型~

講真....我個樣真係老土到不得了....

真係好好笑~~~~~~

毛寶同我講：你呢個遊記搞咩呀?

                      我覺得你係dum住黎寫囉....

我：下...我無喎..dum住黎寫即係話...

        我好似睇巢佬哥時俾佢dum症咁呀??

毛寶：係呀...你唔可以咁樣呃你d讀者架喎!

           講黎講去都未大結局......

你地話我有無dum症喇~

係前排yahoo blog搞件咁既野出黎搞到我咁之嘛~

報時：距離南非觀獸美食之旅2013仲有---33日~

本身咪19號出發既~依家後左兩日先出發~

其實我幾開心架~~一黎唔使生日搭長途機~

二黎....................何韻詩係哥時開演唱會嘛~~

星期六醒起...即刻上網買~~

咁好彩買到兩張連位!!!!!係我生日哥日去睇~~

作為毛寶寶的生日禮物~~~~
我第一次上網買演唱會飛咋~~我好叻仔~~
好開心~~~~~~