12月31日……上晏番工….無驚無險(都唔係完全無既…全線d機曾經全部死哂廿分鐘度….之後d籌追到傻左)到一點鐘就收左工lu~……一放工我地就去左大會堂排隊買飛睇哥套”魔法童話夜”……睇睇下sasa仲訓著左呀….但套戲唔係悶架….幾搞笑架!!跟住睇完我地就上左大陸買野…….估唔到d野咁平…不過我唔係度認叻喇……熟我既朋友我都已經唱哂通街喇…哈哈….之後番到落黎已經成十點幾喇….我地買野買到連飯都未食……跟住仲行埋去新葡京睇kary….好好聽呀佢唱歌…..之後諗住入去同毛寶佢地一齊食意大利野同埋睇煙花….點知觀光塔封哂路入唔到去lu……無可奈何之下我就同左小貞貞..sasa三人去左金玉滿堂…一路睇住譚詠麟….一路倒數….
2009年既1月1日……出去食左飯之後..就番左屋企睇叱吒….之後仲煲雜菜湯俾自己做夜晚飯tim…
1月2日….難以置信地番工……09年既第一個工作日呢….雖然有好多內地同胞….但我唔理喇……行黎行去….又係happy friday呢!!!!心諗下個禮拜先算啦…..不過有一個壞消息….就係自助餐哥個打賭…..徹底輸哂……不過夜晚好正….去左睇twilight……..噢…好好睇呢….愛德華古倫…好靚仔呀…..好白好型….少女見到佢係會叫的……..嘻嘻
1月3日….去左陪毛寶睇車…之後去左買海鮮…夜晚係屋企食左一次真係好海鮮的邊爐宴…好飽..有蠔..蝦..蟹..鮑魚仔..象拔蚌..但價錢是十分的大眾化呢…..
今日就試左麥當當最新出既麻辣豬柳包….完全地唔好食..嘔
講完呢幾日做過d咩之後….就要同大家分享番之前d相喇….哈哈….耐就耐左d…不過都好過無啦…..等大家感受番08年聖誕既歡樂氣氛呀……..
首先就有08年12月14日….朝早晨咁早既百萬行……..發現自己原來從來都無係觀音像前留倩影..咁順理成章咁就影下啦………………………
仲有隆重介紹第一次見面既……成日聽”那個不能說出名字的人”講佢隻狗….由於哥日行完百萬行…就順便去佢屋企借saw碟睇既…..我又唔記得佢叫咩名tim…算啦..佢好乖呀
夜晚就係08年度既公司聖誕聯歡喇…我講多次…我係第5年抽唔到獎喇….我唔明…點解有d人(大口x哥d)….明明舊年已經聽到佢個名抽到獎喇…..今年又再度抽到大獎喇佢..真係唔公平呀………….是夜雀會…我記得係我輸呢
噢….有兩個很美很美的少女呀…….一個清純一個可愛….嘻嘻
仲有我地既小小小朋友…..如果佢大個左…我會同佢講…我由你細細個睇到你大呀…….佢依家四歲幾….我就入左去做野四年幾….希望佢大個左唔好叫我做阿e啦……你睇我抱佢抱到牙肉都飛埋出黎….就知佢有幾輕啦
仲有同其他同事仔影相….平時都好少會搵佢地影相
最後我仲逼d男同事同我一齊合照….看到他們的表情有多勉強呀?最靚仔係邊個呢???我就覺得係………….
仲有同到新黎的同事仔影相…….又係我主動逼佢既
好啦….另外附加最好玩的狂歡三寶合照啦
好難相信聽日就係星期一…今個禮拜仲要番足成個禮拜工呢
沒有留言:
張貼留言