未能忘記.....Eason's Moving On Stage 10

噢…..噚日去睇於神既Eason’s Moving On Stage 10….我地全部分得好開咁坐…因為係不同既人買飛….我同小貞坐…朗仔佢地就坐後一格….mo仔同杯就坐到超遠….不過係0係正我對面…..咁0岩線因為某d原因….令到gilbert同佢女友坐左係我隔離…本來佢坐隔兩個位…..點知我隔離哥兩個主動同佢地調位…所以我就有一個非常鐘意於神演唱會既人做我既響導喇……..好x正呀!!!!!!!!!!!!!!!!!!!!!!!!!!!!!!!唔知要用幾多個感嘆號先可以表達我既想法…….如果佢再開演唱會我一定會再睇呀….雖然一開始既時候好悶…..因為哥d歌我唔係咁識(新歌)……我個人黎講都唔算太過鐘意於神…..但係一到後尾….由於於神始終係歌王….所以平時就算唔太留意佢d歌….都梗會識既…就係今日…與我常在….富士山下….淘汰….最佳損友….葡萄成熟時…..天下無雙…..單車之類你都梗會識……..好正呀真係….佢唱歌好聽就係人都知…….仲有d同香港既演唱會唔同….但我就比較喜歡澳門的…..到左最後encore部份係醉正醉正架!!!!佢帶動到d氣氛好好!!有好多好多既人都企哂起身拍手(包括我)…..到左今日….我仲要不停聽於神既歌黎回想當時咁正既情形…….我之前認為Aaron係我睇過既演唱會之中係最正….但於神….已經可以同佢分庭抗禮…….但我覺得佢最勁係……aaron係靠dancing……於神係靠把口已經可以咁好睇……..非常享受



去睇於神既途中…..黑夜已經悄悄來臨…因為坐緊車…所以好震

Eason’s Moving On Stage 10….288MOP買到MOP1300既位…真係好好抵睇

人頭湧湧..我相信d飛要平賣並唔係佢無叫座力…應該係小貞口中的宣傳不足

臨開場的時候….跟小貞及小於神的合照…由gil幫我地揸機

個場都好大….個台既擺法同上次黑眼豆豆一樣….如果佢開四面台就好喇

我跟小貞坐…..同mo仔..阿杯仲有小蘭隔左一個海….但係坐正對面

很落力為我們演出的於神…只可以影到咁咋…呢個係最近架喇

要影個大電視先至可以影清楚於神個樣咋…超級情深款款相

我最鐘意就係呢一part喇…..佢唱快歌既時候釣左個超級大既disco波波落黎…開頭唔知佢做乜鬼…..好似好老土咁….原來下一首慢歌…..佢熄哂全部燈….用幾個大射燈射住個波波…..好靚好靚呀……成個場好似好多星星咁…..一路唱crying in the party………..個情境真係好正好正呀….我影左哥d相全部都好鐘意呀….所以我全部都放上黎……..仲有影短pin….遲d放埋上黎….因為睇相無咁震撼…我隔離個響導同我講….呢part係香港無架……stage 10係唔同d架

超陶醉在他自己的”浮誇”中…..好得意既蝙蝠裝

只能遠距離咁同於神黎一個合照

有好多人都唱歌好好聽…..但係未能帶動觀眾氣氛

我終於明白………….有d人真係天生屬於舞台