蠢勃勃的人

今日十一點起身…..唔係即刻衝去刷牙…..係睇下個電話有無同學仔腥咩四住俾我….因為我有份功課今日要交….好彩見到有咩四住咋….跟住就牙都唔刷….走左去上網先….跟住開左份功課…..點知原來都寫得幾簡短下….真係好簡短….睇完都仲要慢慢參透個玄機….跟住本身腥e貓俾我既同學仔話佢係香港….問我可唔可以佢係哥邊做完幫佢交番去學校….咁我覆番俾佢問佢幾時腥俾我…..點知佢同我講因為佢係香港好多野做(番工d野)…同埋隻眼唔舒服….問我可唔可以幫佢做埋….唔知點解唔好意思拒絕佢…因為d答案都係佢問人腥俾佢再腥俾我…..所以就答應左…..但其實我之前一日都應承左人如果有答案就幫佢做埋….因為佢今日要上大陸有d野做….但係………………..份功課其實好難做(以我既程度)…..仲要做三份……………要用三個唔同既腦袋黎做……諗起都驚….飯都無食….我由十一點半開始做…做到下晏差唔多三點半到四點到…..終於做完…..期間好彩有朗仔黎我屋同我一齊做….如果唔係我諗我五點都出唔到門口….做完之後個頭痛有少少番發….加上未食野….有d暈暈地…..本來諗住番完學校交左功課再食野….但我同朗仔都已經頂唔順……唯有求其係雀仔園的茶餐廳食左個豬排包……之後交完行左陣達成英語中心….就各自散….但頭先講電話時我奚落左我幫佢做功課既人一陣…..最後點知俾佢發番我脾氣…….佢話明我慘….又點會明???只可以話我自己個人犯賤…….所以我應承自己……我以後都唔會幫人做功課………簡直吃力不討好



夜晚同左媽媽去食飯啦……去左音樂會豆食飯…..叫左好多野食…媽媽話補番今既不足呀…..



每次都叫既飲品”香橙蜜”…..隻味好似以前係法國飲既一種橙汁汽水..懷念

好鐘意食呢度既凱撒沙律…但又唔算係最最最好食喎…但就係鐘意囉

我同媽媽既主菜…我既係火雞肉醬意粉…媽媽既係印式咖喱雜菜蛋包飯

甜點是法式焗蛋周埋好愛的脆焦糖蛋糕…..其實蛋糕無乜咁好食…係d焦糖好食

如果今日唔係要做功課既話…..我就可以同媽媽一齊去探威哥哥同晶姐姐既bb喇……..佢個樣好似威哥哥….個樣好得意…都係見過佢一次…好想同佢玩

星期日咁就過左lu