虧英 現 墜 趴地

今日中午時知道左一個消息….就係好e佢聽日會番黎….噢….賣吉……..即係話我將會唔夠訓喇又….好彩星期五阿婆生日…..出去食飯唔使見到佢咋!!!!………唉……今日公司唔太多野做原來只係想補償俾我咋……..最慘就係…近呢一個禮拜我已經不停聽到有人話我：做乜個樣好似咁殘?…….好傷心…我番晏….番10點….明明已經訓多一個鐘….訓成8個幾鐘一日…又無因為遲左起身而晏訓到…..唔通我訓得太多都係罪???點先至變番唔殘呀(個樣已經唔係特別好…只係正常…仲要俾人話我殘….)咁我唯有訓番少d啦



萬眾期待噚日終於去食左屋企對面既東北人喇…..咁好彩唔使等位就有位喇…..不過….連茶錢都要成五蚊位呀………..但佢d茶仲要特別難飲tim呀(可能係東北口味卦)……..但係佢d野就唔難食既…..不過又唔係話特別好食囉…..即係話如果有人叫我陪佢去試下既話…….我係唔會拒絕….但我唔會主動提出去食囉………..三個人每人四十五蚊度…..不過佢d餃子真係細粒到我要食兩粒先夠一啖…..佢仲要十六蚊一碟得八粒…唉…..



睇下d餃幾細粒…佢個拌三絲幾好食…不過食完下晏個口好臭(重蒜粒)

叫左兩個面…前面哥個叫咩魯面幾好食…炸醬面就麻麻

佢d裝修都幾得意既…仲會失驚無神唱下歌咁…連走都有歌唱…驚

係呀…既然學識放video上黎….咁就放番之前於神既虧英 現 墜 趴地(crying in the party)個大波波短片俾大家睇睇…睇下靚唔靚呀…不過錄到我同小貞把聲….同埋好短…下次先再upload埋其他於神短片啦(因為upload要好耐…係呀我仲用緊電話線做上網寬頻架…..係咪豈有此理呢)……..
[youtube http://www.youtube.com/watch?v=i9n5PyQfa2w&hl=en&fs=1]
再加放我最愛既十面埋伏…..不過可能細聲左d
[youtube http://www.youtube.com/watch?v=WjEGjXzWqG0&hl=en&fs=1]