2015年11月11日 星期三

冰島格陵蘭自由行之旅2015-09-27第一天Part 2(陰天及後晴天)

唔....今日無咩特別事發生喎~~我今日整日都覺得肚餓算唔算係特別事呀????哈哈~~~其實我真係好想戒零食....但係點解零食.....總係咁吸引我???????????????????如果我下個禮拜成個禮拜唔食零食咁就好喇~



2015-09-27
Day 1---Part 2(澳門 Macau->香港 Hong Kong->芬蘭,赫爾辛基 Finland,Helsinki->冰島,雷克雅未克 Iceland,Reykjavik)

搵到我地個登機閘口~華......個閘口使唔使咁姑寒呀....細到得10張櫈坐~~~~~我地要走去隔離閘口坐~~~




呀~~~~~~~~~Icelandair呀~~~~~hello~~~~~~




我地係搭冰島航空Icelandair既AY6817號15:35班機...由芬蘭赫爾辛基直飛冰島雷克雅未克(Iceland,Reykjavik)既Keflavik International Airport~~~~~~拜拜喇~~~好多樹~但悶悶的芬蘭~(我認為)





起飛...所有團友訓哂~得我一個靠窗坐而且清醒~就係飛機剛剛穿越雲層時.....大家睇到呢張相發生左一年神奇事嗎???睇得用心d!!有力d!!!俾3秒你.........3..2..1.....開估~~~~~有無係雲中見到我地架機既倒影?????有條圓形既彩虹包圍住我地架飛機倒影架!!!!!!!!聽就聽得多!!!!!但坐咁耐飛機都係第一次見咋!!!!!!!!!!!!!!!!!!!!!!!!!冰島真多神奇事~~~~~~~~~~~好開心~~~(之後毛寶醒左我話俾佢聽同俾相佢睇...佢問我:你做咩唔叫我睇??....我:你訓左嘛....毛寶靜一靜:咁你打醒我呀嘛!!!!!......wakakakakaka)4個團友得我一個睇到仲要影埋相~~~~v*-*v~~真係好靚好靚好靚!(因為很興奮~所以要重覆說3次~)

圓形彩虹好得意呀~



仲有我最愛既天空雲雲照~~~~~~~~~~Things are looking up~~~~








Icelandair又唔係廉航...坐成3個幾鐘都真係無飛機餐食架喎~所以我就睇d唔使識聽英文都可以明既戲睇~哥套叫Titanic~~~~~~~~~里安納豆真係好靚仔~~~睇睇下...就見到飛機下的冰島美人喇~~~~~~~~~~~






飛機開始慢慢下降~過左雲層之後...........我有無睇錯?!?!冰島美人用陽光迎接我?!?!




需知道雷克雅未克(Reykjavik)落雨機率超高呢~你唔落雨既時候真係好可愛~~~~~





降落啦~~~~~有陽光都唔夠~~~仲要有藍天呀~~我地16:00準時到冰島~~~~(我地15:35飛~飛3個多小時...16:00到....一整天在不停的追時間~我地搭27號00:25班機....飛10個多小時到芬蘭...係芬蘭留左8小時....再飛3個多小時~...黎到冰島仲係同日下午~~~~時差呢樣野真係得意~)

我的第一最愛旅遊國家!到了~~~~~好興奮呀~~~(雖然我已經有24小時無得沖涼洗頭~~)



一入境哥時佢係同departure d人個禁區係一樣的..唔似香港咁樣分開~~所以睇指示牌行喇~~~




跟住d人行下行下......行下行下...咦....攞行李喇喎!!!!我個入境印呢?!?!?!?!?!?!?!?上次係英國黎有印......今次係北歐既芬蘭黎直情無吸過入境印又唔使過海關!!!(雖然只係普通哥隻歐盟入境印...但係...我都想要呀!!!!!)




行李輸送帶對面有間duty free~如果想買酒係市區飲最好係呢度買喇~~~因為市區唔係度度有得買...要係專門有牌賣酒既舖頭先有......而且係呢度買會平好多...出面收重稅~




攞左行李過埋稅關(但根本無人企係度理你).....今次我地都係租番同上一次同一間既租車公司Blue Car Rental.....佢呢次終於無遲到~~~不過因為要等埋同機有份租佢公司車既人一齊去佢公司度攞車所以要等一陣~咁我地就去換錢先啦~呢度有間銀行Landsbankinn...寫明唔收手續費~匯率係ISK15.48=1hkd....我地無換好多呀....夾公數4人換左€200咋~




超快咁等埋其他人出禁區~就一車車哂我地去公司攞車~其實好近架咋~2-3分鐘車程~今次都係租Blue Car Rental...本身上次我地覺得佢好衰...因為買左最貴哥隻保險我地撞壞塊鏡都唔包.....都唔知佢個保險包咩?...而且還車態度超衰~諗住搵第間....點知大比上網睇...原來其他租車公司比佢還要劣評.................咁無計啦~~又要租番佢~~~今次攞車等好耐...可能因為上次係夜晚11點機無咩人...今次下午黎到超多人~




我地今次租左18日車.....連埋保險呀...GPS哥d就ISK254,400=15,900hkd.....每人每日只需220hkd!!!!!抵玩!!!4個人就係有呢個好處~~~~將d數除到最盡~~~~~set好GPS~出發~~第一程都係由阿sam擔大旗~辛苦哂~~~~




想點~~上次雖然夜晚11點無日落~但大霧....今次d太陽勁到!!!!可以睇清楚周圍d景喇~~~~~


大約50分鐘就出到市區架喇~~~



上次住完哥間新既民宿佢就風生水起~~~今年睇佢房價超貴~~~所以揀左另一間住~~~~位於哈爾格林姆教堂(Hallgrimskirkja)的屁屁~~~~




民宿係地下~成間屋我地玩哂~但你知啦~根據上次經驗..我地要首先搵到keybox先~~~搵左好耐都搵唔到~




你又點會估到佢收係個圍欄哥度呀~~~~~~人地通常放係門口架嘛!!!!!!!!!佢個keybox仲要同圍欄一樣顏色!!

頂你~學人有保護色~




一入去~咦~~~~~又幾大幾好喎~~~~~~~~~我地會係呢度住兩晚~係HomeAway度預訂的~GBP266=3,110.5hkd.....即係每人每晚388.8hkd~正呀~






裝修簡約有自然光透入~我覺得唔錯~幾大幾舒服~~而且地點也不錯呢~d屋仔好靚呀~~~(係手信店睇過每個都要差唔多100hkd一個....即係佢呢度已經擺左1,200hkd係度~~~~)




廁所好大~但係沖涼位去水唔掂~~有洗衣機~但係又再次俾呢部洗衣機玩殘~~洗衫d聲大到就黎爆炸~




房間直頭讚好~訓得好舒服~乾淨~





放低行李就衝出去~~~用腳行3分鐘已在哈爾格林姆教堂(Hallgrimskirkja)的屁屁~~~~加上晚霞的天空~好靚呀~~~~




其實呢個冰島地標~~我真係好鐘意~設計得好有現代感~好似支火箭~(毛寶d靚相已悄悄流出)...我唔俾近鏡相你地睇喇~你知啦~坐左咁多個鐘頭機~個人真係好樣衰~



就係呢度....我部手提電話.....第一次俾強風.....吹到熄左機......而且影完呢張相...下一秒......已經落大雨~~~~你真係估呢個靚女唔到架~~~前一秒有晚霞~下一秒下大雨~



本身無諗住揸車架~點知落雨又凍又大風咪揸番車去Reykjavik Old Harbour哥頭搵食囉~~~~





第一站就去左上次覺得好好食既Saegreifinn度食~~~地址:Geirsgata 8,101 Reykjavik......電話:+354-553-1500....營業時間上佢網站留意下...因為某d日子會唔同~




上次佢岩岩開門黎無咩人~今次超級的多人!!!!!!!!夜晚8點幾...坐無虛席!(原來佢個舖超大..我成日以為佢得圖中哥幾個位...有內庭...仲要有2樓)....要點左餐佢安排你先入座...唔係霸左位先去買野食~

大家有無留意到?成個一樓都係亞洲人呢....................



排隊時你可以睇下你想食咩~呢度主要係食燒海鮮既~佢一串串咁排好.....有哂價錢...但你唔使自己執既...係收銀度同佢講你想要咩佢會幫你執~




佢安排我地坐上二樓...但哥度燈光好暗~要打燈先影到相~而且野食等了超久....好似有成25分鐘......我地叫左一串燒蝦(ISK1,350=84.4hkd)...一串燒帶子(ISK1,950=121.9hkd)...同埋一間燒蔬菜(ISK490=30.6hkd)...上次講過佢d燒烤串麻麻...因為燒得太燶~但今次反而有進步喎!!!!!!!3樣都燒得好味~蔬菜哥個尤其出色~




但主角其實係佢~~~龍蝦湯~~~ISK1,350=84.4hkd.......上次驚為天人...今次....好令我地失望.....因為舊龍蝦d肉質係梅的................................但麵包同冰島牛油依舊出色.....等我地仲一人一個龍蝦湯...好失望.........食完呢次...我唔會再去~亦唔會推介俾人去~




食完出黎見到佢~~~~係喎~~~~呢日係中秋節呢~補送大家中秋節的冰島超級月亮!!




番到民宿門口睇~~仲大仲光亮!!




超級慢長的一天~~~~~呢日淨係買左呢兩個芬蘭磁石~(上次去北歐未開始儲~)...gd nite~







2015/11/11的開心事:
今日光棍節~
又一年既光棍節~
未結婚又點~31歲又點~
其實我挺享受現在的時刻~
有食有住有旅行....有一點點積蓄~
自己想點就點~想做就做~唔想做就留係屋企宅~
想食既如果唔係do姐哥種貴價野其實我都食得起~
可以孝順娘親~
有愛的人~又有愛我的人~
31歲的光棍節~蠻爽嘛~~~~~~~~~
(係個肚腩同埋屁股同埋手臀肥左少少~~~~如果瘦埋基本上我係一個完美的人~~~但人不能太完美~會受人攻擊~那我還是保留我的肚腩好了~)



報時:距離台北跨年倒數之旅2015仲有---54日~
報時:距離南美洲4國新奇探險之旅2016仲有---98日~

38 則留言:

  1. 妳咁喂食點會唔吃零食丫~~~~
    妳今日受左咩刺激呀、係咪有人問妳幾時嫁呀~~
    光棍節~~~唔係講男仔多D咩。

    回覆刪除
    回覆
    1. 我會!!我會!!我一定會!!!(因為有決心~所以要連說3次~)
      無呀~有感而發je~
      應該唔係噃~

      刪除
    2. 妳係咪講~~我會食!!我會食!!我一定會食!!!(因為有決心~所以要連說3次~)~~~~哈哈哈

      刪除
  2. 個圓形rainbow好得意呀,d 雲海好靚呀^^
    咁即係呢間blue car rental 係最好呀??? 但对比其他公司係咪比較平呢??
    間屋好正喎,睇落好新呀,佢個用餐區,有落玻璃,我鐘意!!!!
    一個人都幾好架,想点就点,你仲有咁多好朋友同你玩,仲有我地呢班粉絲,每晚入嚟探吓你寫低幾隻字,都係一件開心事^^

    回覆刪除
    回覆
    1. 係呀~~~真係好得意~我真係第一次見~~好可愛~~~雲海是我的興趣~
      上次麻麻...但原來睇網上評語呢間已經係衰之中最好~頂硬上~
      係呀~~唔錯~~~哥兩晚我都住得訓得好舒服~~~~
      無錯無錯~我都幾開心~所以唔介懷~

      刪除
  3. 小t, 中秋節我o係Longyearbyen, 好想搵個月亮望下, 但好多雲...一d都睇唔到 >.<

    回覆刪除
    回覆
    1. 唔緊要唔緊要~~~睇住我哥個先~下年再去第度睇過~~
      我發現我個fd係波蘭睇哥個仲大~

      刪除
  4. 點解會有圓彩虹圍住架機倒影嘅奇景嘅~??我未聽過丫!~~覺得好神奇!
    冰島遊好好睇@v@睇得出你好好好用心寫!
    如果你瘦小小,angelababy都要企埋一邊啦
    如果你瘦小小,咁完美,ozil bb點招架得住丫~~留返小小肉仔先可愛麻~~

    回覆刪除
    回覆
    1. 係咪好得意呢~同你一樣咁得意~
      係呀~我好努力架~~~
      你講得岩呀~~~~所以我唔想angelababy無野做呀~~咁我都係肥少少啦~
      hehe~佢招架唔到咪岩囉~~~~~~又一擁我入懷~~~~~

      刪除
    2. Ozil bb真幸福!可以一擁你入懷

      刪除
  5. 見到果個圓圈彩虹係lucky㗎,你有運行了^^
    冰島天氣果然係變幻莫測,好彩唔係搵key果陣下大雨,否則仲慘
    真係喎,點解咁多亞洲人幫襯喱間,旅行團?
    人係唔駛咁完美嘅,才有進步空間丫嘛<====我成日都係咁安慰自己XXXD

    回覆刪除
    回覆
    1. 真架~~~~~係就好了~~~咁俾我見到ozil bb同埋同佢影張頭貼頭合貼啦~~~~~~~~
      都係既~~~如果唔係實濕哂~~~~~~
      又唔係喎~可能依家多人左去啦~
      無錯~~我依家好有進步空間~~~~

      刪除
  6. 哈爾格林姆教堂真係一座設計好特色嘅建築物,好宏偉!
    兩個芬蘭磁石好精緻,好靚呀!
    我奶奶成日同啲孫女講:"你地千其唔好賤賣自己呀!遇到岩心水嘅先好嫁!"

    回覆刪除
    回覆
    1. 係呀~~~~好似好簡單..但又覺得佢好宏偉~我覺得好正~
      千揀萬揀~~~~~
      哈哈~~好驚我賤賣都無人想要~~~~~~

      刪除
  7. 舊地重遊真開心,又喺歐盟?所以入境唔使再搞。
    哈爾格林姆教堂真喺好型,似火箭,
    上層多亞洲人都好正常,出外多咗,
    食物又唔太貴喎,雖然質素唔穩定
    31咁後生,妳睇落廿歲女之麻,再玩下先算。

    回覆刪除
    回覆
    1. 應該係~但我好失望無印吸~
      係呀~好靚~~~
      無錯~多左好多亞洲人去~
      還好~但呢種質素唔推介人去~會失望~
      野~~~~好衰架~~~

      刪除
  8. 見到圓形彩虹圍住飛機倒影......如果你唔係之前聽講過應該會好驚先啱,鬼片咁......
    你影啲雲影得好靚,不遜於毛大師.
    話自己完美都夠膽死,如果你瘦一點,就係一個完美嘅女人版陸永(而家冇咁憎陸永呱).

    回覆刪除
    回覆
    1. 就算無聽過都唔似鬼片啦下....傻架
      真架~~~~~~~~~~好衰架~~~~
      陸永其實幾好笑~~
      你睇下我唔完美你已經咁妒忌我...完美仲得了~

      刪除
  9. 空拍相中, 好像加國咁, 十分冷清.

    回覆刪除
    回覆
    1. 係呀~望落去係咩都無~屋都無~

      刪除
  10. 圓形彩虹真是好得意,D雲海也很美。
    間民宿好正~~~~
    光棍節?是「佬」的節日,您們幸福滿滿的七公子另外過一過節日吧,哈哈哈

    回覆刪除
    回覆
    1. 係呀好得意~~~
      唔錯呀真係~大比租得好~
      係咩~唔係呀~話無結婚既人嘛~

      刪除
  11. 間民宿真係唔錯,大又舒服

    回覆刪除
    回覆
    1. 係呀~而且晚晚都訓得好好~可能太攰~

      刪除
  12. 鐵達尼號時期嘅里安納度認真係冇得輸!

    回覆刪除
  13. 成層一樓係亞洲人,係喎依家冰島好hit呢,你都去左兩次
    中秋我今年係非洲博茨瓦納渡過

    回覆刪除
    回覆
    1. 係呀!!!對比兩年前去真係多左超多人~
      有無超級月亮呀~~~

      刪除
  14. 你地咁樣搭機去眼唔眼訓架?? 好似好辛苦咁!!
    你地去18日好勁呀, 呢篇遊記我可以慢慢追喇!!

    回覆刪除
    回覆
    1. 查實都幾眼訓架~不過今次好好彩係機上面都訓到可能真係太攰~
      其實我地係去25日~~~wakakakaakkakakak~

      刪除
  15. 原來我同你差唔多時間去冰島玩, 不過就去唔到咁多日, 只係去到8日!! 下次我都想再加埋greenland一起去呢. 我都覺得龍蝦湯超一般, 而且呢餐好貴呀!! 我都睇緊你寫既南美之旅, 南美超吸引呀.....!

    回覆刪除
    回覆
    1. 去8日都好啦~快有快玩慢有慢玩嘛~~~~~~~greenland真係唔錯~好似呢個時間去都幾正~有雪睇得黎又唔怕太凍~~~~
      唉~我第一次黎食覺得好正架!但今次黎變成咁~失望~

      刪除
  16. HIHI....你個BLOG寫得好正呀, 我有追開的, 但因為小弟會去ICELAND睇北極光, 所以想問下你BOOK機票係O係FINNAIR BOOK埋去ICELAND定分開BOOK?

    回覆刪除
    回覆
    1. 謝謝你來看唷~~
      我係finnair官網訂架,你可以直接揾hkg至kef(冰島機場)機票,要係芬蘭轉機,hel至kef是由冰島航空執飛,但我依家好似睇芬蘭航空官網都有佢自己既機飛去冰島,你可以比較下搭邊班

      刪除