2015年12月28日 星期一

8 1/2 Otto e Mezzo BOMBANA

今日隨左要面對休假後復出...仲要面對超多野做既一日....唯有同自己講仲有兩日半啦~~~~~星期三極多野做~去左毛寶家痴餐後就去機場臭我娘親番黎~~~~星期四平安夜~去左小青蛙屋企探下佢~同埋佢剛出世既妹妹~~夜晚食左文哥火鍋...er...好一般...可以時光倒流既話我唔會揀佢......星期五係25號聖誕節嘛~哥日公子既TFTxGarment Park綜合症又發作..今次仲加埋我阿媽~~咩係TFT?即係Time After Time(但唔知點解明明係TAT我地就叫佢做TFT....)...中午飲完焦糖咖啡~就直落去Garment Park度買衫~~~~(今次個TFTxGarment Park綜合症仲加入埋我阿媽...........好瘋..).....夜晚去左棽莜食日本餐~~~星期六中午去左氹仔食文哥...之後行左去龍環葡韻影下相..行左陣又食左個世記厚蛋咖哩魚片多(好正)...之後好乖咁番屋企執野~~~執左好多舊衫出去救世軍回收站度捐~咁乖係因為可能遲d有大project搞~夜晚食左舉杯任食烤肉~星期日....假期最後一日~毛寶好好呢~~買阿蘇上黎俾我食~~~然後我就係屋企執野~我真係好乖~執到咁上下又出去食飯~食左發達~番到屋企又執下野~咁又過左最後一日假期...真係好失落~



聽到Blog友既呼喚~(誰輕輕叫喚禾~)...因為佢知我前兩個禮拜去左試銀河哥間8 1/2 Otto e Mezzo Bombana....由於香港哥間係長期訂唔到位~(香港哥間係意大利境外首間及唯一一間既獲得米芝蓮3星既意大利餐廳..講真堅威威).......佢岩岩落戶係銀河一樓1031......所以佢想知澳門哥間點樣~巧啦~你咁想知~我就話你知啦~澳門哥間係一星既~咁梗係要訂位啦~可以網上訂位~(請按餐廳名即可進入銀河訂位頁面..同埋可以睇埋佢個餐牌).....佢星期日唔開架~(真有態度~我like~).......有銀河優越會有折扣~無都即刻申請左先入去~真係好有用~個門面查實唔算好有氣勢~




我地哥日係閒日~目測訂位既都有好多枱~而且好幾枱都係香港來的~點解我地會知?因為我地泊車後上一樓既方向咁岩線係佢既後門~哥時後門一個服務人員都沒有....成張預約紙就咁放係對客既高枱..............................任人睇.......話哂都有電話有名.....仲要由香港預約的都寫埋出黎...我諗呢點佢地真係需要注意下....話哂依家都係人人講私隱既年代嘛(仲要你係米芝蓮一星喎)



門面無氣勢唔緊要~一入去就俾個好吸晴既吧枱吸引我眼球~




wow~~~~好吸引呀~~~~~





我食飯時見到有貌似侍酒師(外藉)在場....我覺得咋下~~





餐廳枱與枱之間空間感都幾足夠~而且佢俾我地坐梳化位~舒服~如果係打去訂既話講話想坐梳化位啦~我覺得唔錯~....(聽說另一3星米芝蓮天巢d枱近到連隔離枱講咩都一清二楚)




影餐具都係我其中一個嗜好:]




好喇睇餐牌喇~~~~$380 for 2 Courses(Coffee or Tea Included).......即有前菜和主菜......甜品同酒可因應自己需要外加.....每樣各$80...都好既~要既先加~我上網睇呢佢午餐set好似做到去2016年3月31日咋~要試趁快手~




點餐後麵包藍要上來咯~~整藍麵包全部都好!好!吃!....有個講廣東話既侍應姐姐會我地細心解說咩包打咩包~其實佢每一道菜佢都有解釋(但你地都估到我唔記得係咩架啦~)....而且見到食哂藍包還不姑寒地即刻添一藍全新的~




平時食西餐...麵包通常配上牛油嘛~呢度意大利餐用橄欖油和黑醋呢~~而且黑醋係我好喜歡既哥種杰杰的質地~極好吃~而且一見我地差唔多用完又黎添加新的~還加了好幾次~




hehe~難得黎到~梗係加$80叫埋杯Sparkling Wine飲飲~(我無諗自己食咩配飲咩酒呢d高深學問架~我只係叫我想飲的~)....真係想叫佢斟多d~~~~~




我地4個人去梗係叫左4個餐啦~有我啦~我媽媽啦~毛寶啦~朗公子啦~前菜我媽媽叫左呢個Confit Taiyouran Egg




一切開~流心的蛋漿湧出...配埋佢個個汁一齊食~~好好味呢~~我媽話塊48個月Iberico Ham好好味(這個你怎麼沒邀我嚐嚐)




我同另外兩位既主菜都係揀左Warm Sicilian Red Prawn.....一上桌....wow~很有視覺的享受!!!!擺盤極靚!!!!!!!!!!!紅蝦一入口......要閉起雙眼我最掛念.......唔係~係閉起雙眼專心傾.......呀~唔係~(一講閉起雙眼就忍唔住接落去...我今日d gag係咪好爛?)......係好食到合埋眼咬完吞落喉嚨!!!!食得出味道超新鮮!!!!!!!!!!!!!!!超鮮味~~~我第一次食~~紅蝦真係好好味~~~~呢個視覺味覺都攞滿分!!!!仲有一個前菜我地無人揀~那是8 1/2 Seafood Soup(原來單點要$230..下次有機會試吧~)




主菜部份我同朗公子揀左Artisanal Trenette....我同朗公子一見到有Lobster字樣諗都無諗就揀....點知無留意到Trenette係一種扁扁窄窄既麵條..............咁咪即係龍蝦意粉...........................我恨我細個不好好唸書........全英文餐牌又鐘意淨係睇到某個字就衝埋去叫~~~~~~~其實龍蝦真係好好味~~彈牙~~~~汁也好味~但呢種意粉真係唔係好岩我食~~~因為比較偏硬身(唔係Al Dente哥種喎)......我很後悔揀左呢個~~(有另一個主菜係Atlantic Black COD..我地無人揀...我又後悔無揀~)




毛寶和媽媽揀左Wagyu Shoulder Cut......和牛肩.....入口又係要合埋眼.......那種粉紅色是少男或少女都會心動的顏色~生熟度很好呢~~~牛味也很好味~~我個人認為如果前菜揀左Red Prawn主菜揀左Wagyu Shoulder Cut....成個餐$380簡直無得輸~~~~~~不過提提大家....如果齋食前菜同埋主菜可能會唔夠飽....因為其實佢每一碟都比較細~所以我好有可能係食包食飽左~~(好彩包是無限加~)...但我哥日係幾飽的~




個餐就無包甜品既~咁我地又一場黎到梗係每人加多$80試試啦~~~~~(其實加$80叫甜品好抵架~我睇佢餐牌佢d甜品每個要大約$150-$160)....佢有3種的~我地3種都有試哂~.....其一係Fine Cheeses Selection from Our Ageing Cellar....配芝士的多士(?).....超好吃!!!有點甜甜的脆脆的!!




呢個芝士我地叫左兩份~~~d芝士真係好好味!!!我唔明點解連d提子乾都特別好味!!!!很久之前覺得芝士配提子怪怪的...但原來真的很配合~沒想到~還配上自家制糖煮水果....黑色的那個我地食落感到有d似XO醬的咸味.....wakakakaka~~~~~




呢個係Montebianco....齋睇名應該唔係英文所以真係唔知係乜...好彩下面有英文的~~係有栗子雪糕~~~有d栗子蓉...側面哥塊係栗子糖..脆的....我平時唔食栗子..但係幾好味!




"Latte" & Strawberry....呢個甜品樣靚加上夠清新~~唔錯喎~~~~我最鐘意佢d甜品唔怕太甜!!!真係好味!!食完甜品我就真的飽了~




送的Petit Fours...我平時唔鐘意食朱古力的...但係佢哥個充滿果仁的...確實係好好味!!!左邊的是柚子棉花糖~口感很可愛~(如果同did did姐一齊食飯佢一定會鬧我咩叫口感很可愛?~~~wakakakakaka~~~~~)




最後最後就係個餐包埋的咖啡或茶~毛寶選的茶~好可愛呢~~~




朗公子的Cappuccino~佢話一般~




我的Mocha~不過無朱古力味也無咖啡味~也是一般~~呢part係唯一的一般~不過叫做有拉下花靚靚咁囉~




米芝蓮四人組~~(咁都要改隊名~~~)......今次每人食左$540....$380 Lunch但我地每人再加左杯酒同埋甜品~加一服務費後用銀河優越會卡又有9折~~(即係免服務費)......呢次係一次好好既體驗~~~環境食物服務都一流~~我之前係澳門都試過3間米芝蓮餐廳(一星到三星都有)...通病都係麵包前菜甜品掂!!但主菜一般既情況下......呢次第一次食到係由麵包到甜品都好吃的米芝蓮一星餐廳~實在係好開心~~~~~~而且佢呢個餐牌真係好抵...真心抵...當你睇到佢前菜主菜餐牌真係幾貴下既時候....(前菜$240-$380...主菜$400以上)....呢個套餐俾你試到兩款真係要偷笑.....服務人員都很有禮貌~(良好的感覺係由上菜時都掛上開心的笑容產生~)..而且又不停的為我地加熱水~~~~~我會再來的~~

唉呀我好帥呀~






2015/12/28的開心事:
諗起過幾日後去台灣食野就好開心~~~~
*******************************************************************
今日睇一睇....呢度開blog以黎既總瀏覽量過左80萬喇~
可喜可賀~多謝大家成日黎探我~~



報時:距離台北跨年倒數之旅2015仲有---2日~
報時:距離南美洲4國新奇探險之旅2016仲有---51日~
報時:距離"七公子"帥帥出使東京之旅2016仲有---277日~
就快出發~~~~緊張~
要mark大個口食野喇~

35 則留言:

  1. 下次米豬蓮四人組幾時出動丫~可否預埋窩丫~~~
    蝦~你個人都幾有自知之明架喎~知道自己又乖又叻又帥氣!~你真係近符完美丫~t~~~~~

    回覆刪除
    回覆
    1. 巧呀~我下次想試天巢呀~你有無興趣?
      唉呀唔好咁講唔好咁講...其實我個人好怕醜架.....

      刪除
    2. 天巢。。係米姐係葡京路巴喪?

      刪除
    3. 天巢。。係米姐係葡京路巴喪?

      刪除
  2. 非常多謝小t可以暫停冰島之旅一次,完成呢篇8 1/2食評,很感謝!
    其實lunch set價錢好抵,始終係一星嘛,不過我哋比較貪心,可能會試佢嘅tasting menu,好似千幾蚊一位,但就可以試哂大部份菜式。
    如果真係比香港易訂枱,一定要過嚟試試,想請問你哋要幾耐之前訂位㗎?

    回覆刪除
    回覆
    1. 不客氣~最緊要大家想睇嘛~
      我都覺得其實好抵...因為睇單點都幾貴下~~~正呀~~~如果你試完個tasting menu寫個blog出黎報告下~~~~~~~我之前睇有個聖誕menu都幾抵...$980一個人都好多野食下~不過我無時間再去食了~~(其實另一個原因係我無錢~)
      我上網見仲有好多日可以訂呀~我地應該早一個禮拜度啦~

      刪除
  3. 睇啲份量你應該一人食4份都唔夠飽喎?不過美食不只飽肚功能嘅
    你新look幾......好笑,見一次笑一次(冇眨意,絕對唔肉酸)

    回覆刪除
    回覆
    1. wakakaka~你真係睇得起我~我其實好細食~..不過認同美食不只飽肚功能~
      .....................我都唔知點應你好

      刪除
  4. 妳咁努力執屋、要搬定要換新衫呀~~~~
    祝妳新年快樂、旅遊愉快、食得開心~~~
    呢幾日小心身體啦、唔係又病住去旅行就唔老黎啦,,,,,,,,take care

    回覆刪除
    回覆
    1. 唔話你知~~~~住~~~~~
      咁快祝我咁多野呀~~我聽日都出blog喎~聽日再祝啦~~~~~~
      係~收到~

      刪除
  5. 係呀,好鐘諗黎探你呀,嘻

    回覆刪除
  6. 紅蝦賣相勁靚,顏色搭配得好好,可能似花花,特別靚

    回覆刪除
    回覆
    1. 係呀!!!!我都覺得佢擺得勁靚~

      刪除
  7. 又靚又抵食!
    我對o個個Wagyu Shoulder Cut都有興趣

    回覆刪除
    回覆
    1. 真係好好味~我岩岩有朋友食完都話呢個好味~

      刪除
  8. 好友♦✬。゚★*¨☆乖乖瞓覺豬嚟☁¨☾
     ∧_∧・゚。Zzz*¨
    (。・ω・。)つ━★・*。
    ⊂   ノ  ・゜+.♪`。✾
     しーJ °❉。*♫´¨)
        ¨♬∵ ೋ¸.·ø
      ¸♩.·¤´◇¸.**∴⊹
    ❥*¨❣快樂ღ❤星期二喇喂♡。゚♥

    回覆刪除
    回覆
    1. 呢幾晚都訓得麻麻~希望你唔好似我咁啦~

      刪除
  9. 距離台北跨年倒數之旅2015仲有---2日
    2Ѽ16*¨齊齊帶著笑。。゚繼續╠ ╣aΡpy吃喝玩樂

    回覆刪除
  10. 米芝蓮餐廳...好豐富啊...真係超正的美食

    回覆刪除
  11. 呢間果然值得試喎,好介紹呀嗄!

    回覆刪除
  12. 仲有兩日就出發 好野 遊記源源不絕
    餐廳很氣派 米芝蓮餐廳加高質素食物的話 其實真係唔係幾貴啵 大飽口福了 hehe

    回覆刪除
    回覆
    1. 哈哈~~希望繼續有遊記寫啦~~~
      我都覺得用$380試到其實真係唔貴~~

      刪除
  13. 係呀,係呀,我又嚟探你喇,你個假期都好精彩喎^^
    間restaurant 真係好grand 喎,以正價嚟講都好合理,話晒都米芝蓮喇
    嘩,仲有一個禮拜又出發去台湾,咁個冰島blog 咪又停囉:(
    睇返之前果日冰島blog d 極光超正呀,好震撼,有d 人去到都未必一定睇到,幸運之神真係好愛你地呀!!
    嚟緊新一年祝幸運之神継續痴住你,all the best

    回覆刪除
    回覆
    1. 哈哈~全部都係與食有緣~~~~多d黎探我啦~~~
      我都覺得幾唔錯呀~唔算貴~~因為單點仲貴~~
      係後日就出發喇~~~唔係下禮拜~~~唔使驚~停星期四ja~星期一又準時出現~~~
      我都覺得上天眷顧我地4個..所以好感恩呢!!!
      多謝你呀~~~~我都祝你事事順利身體健康~

      刪除
  14. 我都執左好多舊衫去回收站度捐,不過無大project搞,哈哈哈
    8 1/2 Otto e Mezzo Bombana 好有氣派,個餐都吸引......
    宇文公子真係好帥好帥~~~~~~ 呵呵呵

    回覆刪除
    回覆
    1. 咁你先係真乖!我係假乖~
      好好味呀~~好想再食~
      野~~~~~~~~~~~~~~~

      刪除
  15. 食物賣相超靚,好味就更掂,價錢合理,咖啡唔得就有少少敗筆呀!

    回覆刪除
    回覆
    1. 我都覺~~~咁有氣派既一間餐廳...咖啡竟然麻麻真係有d失望~

      刪除
  16. 執完嘢係咪即刻多返好多地方買新嘢XXXD
    唔錯喎間米之蓮,齋睇賣相都幾正!!!價錢也OK
    80萬@@好犀利~~~!!!

    回覆刪除
    回覆
    1. 哈哈~~~唔好咁啦~~~唔好引人啦~~~
      我都覺得ok~~~因為單點好貴所以$380真係好抵~
      如果80萬係現金那有多好~~~~~~~~~~~~~~wakakakakakaka~~~~

      刪除
  17. 這些麵包配黑醋和橄欖油, 味道真係一絕, 我想這間是法式和意大利菜.

    隻蛋應該係係橄欖油裡用低溫火煮, 可能煮左好耐.

    隻蝦可能都係一樣.

    西人煮意大麵, 唔會好似我地中國人煮到淋, 佢地煮到有點咬口, 再上點油炒幾炒, 才再加醬汁.

    西人有 CHEESE & WINE 開胃菜, WINE是葡萄酒, 十分好味道, 西人也會用CHEESE伴葡萄一起食, 也是很好味, 不過, 你那些提子不是新鮮, 而是乾了後, 用酒再浸開佢, 所以配CHEESE時, 特別好味.

    MONTE BIANCO是法國一個地方名, 不知道為何用地方名來命名一道菜, 可能原理跟我地中國人的揚州炒飯咁上下.

    回覆刪除