2015年11月5日 星期四

麗思咖啡廳The Ritz-Carlton Cafe

噚晚有野做...懶左一日無寫blog.......今日工作尚算順利..不幸中既大幸!我好努力排相架喇......希望.....希望下星期一出到啦(懶)



銀河二期剛開幕時....好多雜誌鋪天蓋地咁介紹入面既新酒店有咩野食有幾好食之類之類.....其中一間新開既酒店就係The Ritz-Carlton.....我見有兩本雜誌都寫到其中入面既呢間The Ritz-Carlton Cafe d野好正....所以約埋另外3位朋友同行一齊去試試~位於地面樓層..唔難搵....電話:8886 6868...網址....根據佢網站所寫話有訂位...但我5月哥時打去又話無...如果有心食就最好訂位...因為我地哥時walk in位無哂4人枱無哂...佢用兩張好細既圓形雲石枱合埋俾我地坐...坐得都幾唔舒服(不過又係我地自己要食既)





餐廳裝修好靚~法式小館~





有位後周圍行下....有好多芝士呢~又有個櫃放麵包~芝士很吸睛~





仲有生蠔~~~不過我地無試~




就係咁樣既一張雲石枱......淨係餐具都佔左一半....兩個人都唔會夠位食野....呢張好可能係一人枱




個wine list成本哈利波特既魔法書咁~~好靚~




佢中午都有Set Lunch既...2 courses $238...3 courses $268....價錢都好合理..而且有4款主菜選擇




但我地係晚餐時段黎既~所以睇番晚餐餐牌~...咁佢夜晚就無得揀要幾多個courses既...就4 courses $488咁樣...有前菜4選1...肉類3選1....魚類2選1....甜品4選1....因為我地有4個人...於是我地打算叫兩個set.....另外再叫一個沙律一個湯一個主菜share黎食......咁我就落單時同侍應講要咩...我淨係有留意前菜同甜品(因要4選1)....我就同佢講魚我唔揀喇有兩個橫掂我叫兩set就兩樣都要....肉類3選1係兩牛一羊既選擇....咁我梗係揀哂兩個牛啦~所以魚同埋肉我都無咩點睇個整法.....點知....呢餐我真係覺得唔留心都係一種罪........當我發現問題時........我已經安坐家中...好彩我有影餐牌...如果唔係俾佢呃左都唔知.........




點餐後....先送上麵包...麵包係我鐘意食既類型~外脆內軟軟~牛油也很香~侍應仲好有禮貌地問我地需唔需要再添麵包~不過怕太飽享受唔到之後的就無要了~




我叫左杯葡國白酒飲...$68...唔錯~




經典法式洋蔥湯(單點) $88....味道香濃..我覺得都唔錯..但好貴~(大姐..你係酒店飲洋蔥湯係咁既價架啦............0我~)




田園蔬菜沙律配法國康提芝士(單點) $108...d菜新鮮!芝士也咸香好吃(好中式既形容)...不過得丁屎咁大碟~




鴨胸,糖醋汁和腿肉(單點) $358....唔....一般咋...個鴨腿我覺得我哥次係香港某法式小餐廳整得好食過佢




Side Dish要左炸薯條 $68...夠熱辣辣炸得夠乾~




依家講講我地哥兩個Dinner Set先~頭盤4選1....咁我地就揀左煙三文魚配烤麵包和辣根醬...唔...唔會唔好食既~都係煙三文魚je~不過就係無咩特別~我見餐牌呢個單點要$138




另一頭盤揀左湯...龍蝦濃湯配龍蝦片....都幾咸下...我覺得新葡京crystal lounge個蝦濃湯好味過佢...重點係新葡京$40有找...呢度單點要$108




其一魚類:炸三文魚配新鮮蔬菜,牛油柑橘醬....都ok架~炸得幾好食!!塊魚皮超香脆~不過極細舊~




另一個係煎爐魚配海鮮燉飯,蛤蜊香菜和紅花汁.....爐魚都ok既~但係我番屋企先發現....我個海鮮燉飯呢???墊底得d爛薯蓉咋喎!!!!!!!!!!!!!!!!!!!!!!!!!!!!!!!!!!!!!!!!!!!!!!!!(我有朋友中午去食...都有呢個主菜..我睇番佢d相...佢真係墊底係海鮮燉飯...)....呢度我輕微嬲




肉類其一係傳統燉牛肉配紅酒,糖漬洋蔥.....極咸!!!!!!!!!!!!咸到盲既都開眼.........d肉又極鞋...你唔好蝦我話法國菜係咁濃味喎..........我有係里昂食過同一味菜式架喎...當時我同我阿媽讚到哥間餐廳天上有地下無架喎!!哥間仲要係平民餐廳喎....呢個咸到盲既都開眼既主菜如果單點要$288....真係你俾$288叫我食我都唔會再食




另一肉類.....烤肉眼扒配炸薯條,香蔥配蛋黃醬或綠胡椒醬...........唔好食....鞋霎霎......番到屋企再睇真d個餐牌張相....where is my肉眼扒????????????????where is my炸薯條????擺明呢幾塊係牛仔肉喎!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!我坐係屋企嘗試叫自己唔好咁嬲住.....佢係咪攞錯左隔離左右d餸黎呀???於是我睇勻佢成個餐牌...完全無呢味餸囉!!!!!!!!!!擺明就係佢賣哂肉眼扒就求其搵野頂替..........你餐牌無講過話如果無呢樣主菜會換成其他菜式喎.....肉眼都係急凍je..又唔係新鮮材料....咁大間酒店完全無預備??????就算你真係迫於無奈無喇......你係咪要同我講聲???問我可唔可以接受"牛仔肉"...或者轉番做肉既另一選擇"羊架"呢??而唔係鬼鬼祟祟咁樣一聲不響地換左樣野擺低就算!!!!!!!!!




好喇...最後食左兩個幾鐘上甜品喇....甜品4選1我就揀左焦糖布甸配奶油杏仁糖...同埋蘋果酥皮餡餅配雲呢拿雪糕......聽聞呢度既Creme Brulee都幾出名同埋好食....所以dinner set入面有得揀呢個真係不二之選....好喇....成兩個鐘臨上甜品先同我講:今日Creme Brulee賣哂................................你落單哥刻唔知既咩????????????????????????你有幾多個Creme Brulee整左係度你係一早知架啦!!就算無你係我落單時你就可以數到叫set既枱既先後而計到你仲有無呢個甜品!!!!!!!重點係落單已揀埋甜品唔係食哥刻先揀喎!!!!跟住連4選1既另外兩款都無哂.....要我係兩款蛋糕中揀一款....最後apple tart照舊....蛋糕揀左Opera...........





雖然有銀河會員卡有9折....折後都要$1,829...每人要$457.3..........$457.3.....我換黎成肚氣........感覺似俾一間國際知名既大酒店呃左一樣.....肉眼變牛仔肉....我記住你...你算好彩...平時食飯.......我睇餐牌係睇到本餐牌就黎爛....今次唔使點揀既情況下我無留意到煮法...所以現場淨係得"無creme brulee"呢件事...唔會促使我發火..........但係換轉係你...你番到屋企發現....你又會做d咩?4舊水食牛仔肉...大酒店都未必係信心保證....今次真係極失望

我仲狂撥扇叫另外3位陪我試.....話雜誌寫到幾好味幾好味...最後搞成咁真係唔好意思;[






2015/11/05的開心事:
今日見到你~就係我最開心既事~(甜甜)



報時:距離台北跨年倒數之旅2015仲有---60日~
報時:距離南美洲4國新奇探險之旅2016仲有---104日~

34 則留言:

  1. 中伏嘅嘢,經常有,唔好嬲,你快d上open rice 唱衰佢,酒店知名餐廳做到咁,真係羞家!!!!!!!!!!!!!
    係,d大細字又出现,好彩係無上次咁離譜.........

    回覆刪除
    回覆
    1. 唔上喇...我已經彈左封投訴信俾佢地....佢地鐘意點就點啦.....
      我整番好喇~~~不過依家唔知點解會咁!

      刪除
  2. 哎呀﹗我都試得多啦,名牌酒店的餐廳未必真係好掂﹗

    回覆刪除
  3. 有時酒店都會中伏,仲要中得好應下添
    支持小店仲開心

    回覆刪除
    回覆
    1. 絕對係...好碼好味同足料好多

      刪除
  4. 哈哈,耐唔耐都要俾人昆吓!

    回覆刪除
  5. 你好,我是香港一家公司的網上宣傳人員,我們有意邀請 閣下和我們合作。想看看你可不可以提供電郵地址,我們可以把有關資料傳你看看。謝謝你!!!! 

    回覆刪除
    回覆
    1. 不如你俾你地e-mail address俾我??

      刪除
    2. my email is kendychan@dragoncentre.com.hk
      plz email me and i will reply u with the details.

      big big thanks!

      刪除
    3. 我已經send左e-mail俾你地架喇~

      刪除
  6. 環境是不錯,所以好容易中伏。

    回覆刪除
  7. 餐牌有殘體字已經唔順眼......

    回覆刪除
  8. 貴得黎唔好食,真係要寫衰佢!!!

    回覆刪除
    回覆
    1. 所以我已經作出行動係度寫!!

      刪除
  9. 可能本雜誌收咗錢寫廣告稿XXXD
    咁又係喎,我諗唔會咁多人一路食一路對住本menu一路check住佢上菜,大酒店一般都好少咁樣呃人......
    不過好明顯這是「冇下次」之選吧

    回覆刪除
    回覆
    1. 我覺得絕對係....除非唔係~~~~
      咪係囉!!!好彩平時有影低....我番屋企睇一睇..先知俾人呃!!
      絕對無下次!!

      刪除
  10. (。◕ヮ^)つ━- ҈ -・。好友♦・゚☼早晨&午安*☁`☀
    ❤•*¨¤我起身嚟♡*¨`*❣大家周六快樂。・゚゚・。。゚♥ღ

    回覆刪除
  11. 係呢•*¨¤近排天氣又熱番•ೋ神公要開冷氣機才瞓得甜呢
    我就還可以喇ഐ最怕凍冰冰天氣 Ϡ₡ 好快就到呢 ۩۞۩
    今天要出門行超級市場買油&米了 ೋ*。・゚゚・
    ❥*¨還要買鎹菜喇喂*。・⊹要洗衫呢◇。゚忙不過來
    不過明天∵♣♧♣∴可去和契仔一家吃喝玩樂BBQ
    因老朋友升職加新&生日&生左BB仔✾・゚゚❉做第二任爸爸
    真係歡樂ʚïɞ•*¨*ƸӜƷ超級開心萬事得呢✿.•*¨`❀

    回覆刪除
    回覆
    1. 我地都有開冷氣呀我想佢快d凍少少~~
      咁開心~~玩得開心d啦~

      刪除
  12. 折後都要$1,829 真係換黎成肚氣...貴呢

    回覆刪除
  13. 妳地食埋裝修嗎~~~所以咁貴又食物一般。
    算啦~~~經一事長一智

    回覆刪除
    回覆
    1. 唉....千八蚊食裝修.....下次唔好搞我~
      知錯喇~

      刪除
  14. 小t妳好叻呀!! 雖然我真係好想好想好想睇妳個冰島格陵蘭trip, 但我明明早出發過妳, 我就仲有排都未開始寫, 覺得自己好過份添, 我諗要開下快車, 快快搞掂紐約!
    小t, 唔好嬲唔好嬲, 以後唔好去幫襯, 或者之後寫信去投訴! d野唔平, 係應該有要求添, 但睇o黎連basic野都做唔好, 最離譜係牛仔肉扮肉眼, 呢個絕對係過份中o既經典級數!

    回覆刪除
    回覆
    1. 哈哈~咁係因為你之前既紐約未出完嘛~唔好咁話自己~傻妹黎既~我依家手上無其他旅遊blog嘛~如果唔係我都係同你一樣~~~~
      其實.......我已經寫左信去投訴~~~~~~~佢話送番個dinner for 2俾我地.....我地4個人...你叫我點分?!??!費事理佢~~~

      刪除
  15. 冰島冰島冰島 XD ! clap clap clap

    回覆刪除