冰島格陵蘭自由行之旅2015-10-06第十天Part 2(陰天及後轉晴)

唔知今日點解咁慘~~~5點半過後超級多野做~好彩我地夠硬淨~~不過最後做錯左野~搞到大家遲左少少收工~sorry~~~~~



2015-10-06
Day 10---Part 2(冰島,東部峽灣 Iceland,Eastfjords->胡斯維克 Husavik)
攞左房之後再出番黎就夕陽西下了~~~




夕陽中的薑餅教堂~(其實個名我自己改~~)




再行落碼頭睇睇有咩好食~~~好靚呀~~~見到嘛對面係雪山呢~





我地聽日就係坐呢d橡皮艇出海追鯨魚喇~~~




鯨魚博物館呀~~~我地上次黎嫌佢貴無入去~今次佢直情seasonal close喎...懶到~~~




係碼頭度同圍行下睇下有咩食~




但係行左好耐~~d餐廳好多都無開~~~全部都Seasonal Closed~~~~~~~10月頭咋喎~~~~~




哈哈~~於是去番上次食哥間餐廳喇~





去哥時計埋我地得兩檯客.....點知越坐越多人~可能因為周圍d餐廳都無開掛~如果你同我講成個Husavik最好錢既人就係呢間餐廳既老闆我都唔覺得奇怪~抵你發達啦~~~呢間餐廳d侍應好有禮貌~




點餐後望出出面~~個日落靚到~~~~上次黎係夏天坐出面~今次凍呀~要坐入面喇~





有可樂一定要飲可樂~ISK470=29.8hkd~~




Today's Soup Served with Home Baked Bread....ISK1,250=78.1hkd....上次黎係磨菇湯~今次黎都係~~不過我唔介意~因為真係好好飲~~~~~~~佢個磨菇湯入面係超多菇的!!!好好味!!




阿Sam的Mushroom Barley Risotto with Fried Vegetables and Salad.....ISK2,560=160hkd.....我試過少少~幾好味~不過我唔鐘意食risotto~因為我怕漏~




我的Baked Organic Lamb.....ISK4,990=311.9hkd...上次讚到天上有地下無...但今次我覺得無咁好味~因為個羊熟得滯~




上圖大比的Fried Salted Cod with Barley Risotto....ISK3,450=215.6hkd.....同埋下圖毛寶的Fish of the Day from the Bay....ISK3,250=203.1hkd....咁岩線哥日毛寶既都係食Cod......兩隻唔同整法..大比係煎的~毛寶係焗的~兩個都好好味~~~~~大比舊魚上面仲有d黑欖醬既物體~~好正~~~





番到酒店諗住10點出去等下極光~~順便睇睇極光指數~紅圈係我地所在地~無雲喎~~~~~雖然得3...Moderate~但可以博下喎~




咁我地沖左涼先嘛~諗住再出去~點知涼都未沖~~隔離房既同胞就send whatsapp俾我地話係大比相機對出面胡亂拍已經有點點極光!!!!!!!!!!!!!!梗係極速著番好哂d衫~~~~然後一齊揸車跑出去啦~~~~~~~~~較早前我地離開市區行景點時係公路路經見到有個好長既停車位....夠哂黑既無遮擋既~~~咁一口氣就去左哥度~~~



set好腳架......亂set d ISO快門之類....天呀..好靚呀




今次又係肉眼可見的!!!!!!!!!!!!!!!!!!!!!!!!!!!!!!!!!!!!!!我快要流淚了!!!!!好感激大家當時都祝福我地會睇到極光!!!!!!!!!!!!!!!!第一張係我地兩個自己set好位自己自拍的~~~





點知越影佢爆得越勁~~~本身係綠色~之後開始黃色綠色紫色一齊黎~~~~~~~~~~~~~~~~~我部5年前既相機都影得唔錯丫~~~乖仔~~~~~~~~~





另外兩位團友同我地企既位有大約十米之隔~好似影既極光形態都有d唔同~~~~~~以下是阿Sam的~







大比哥部真係影得好!!靚!!!





我極鐘意佢影既呢張~有無睇到~我地搵既呢個位對面就係雪山~




我超鐘意呢張自拍!!!!!!!!好靚~~~條極光又靚~又影到我地既背影~~~~最不滿就係倒數影相我趕得滯~拉開頂帽唔記得搞番好個髮型~成個傻婆咁~~~~~但真係好滿意呢張~~~~呢晚~係我地第三晚既極光照~~~~~~~~~~~~~~~~原來第3晚睇仍然很開心~<3...不停的說：華..好靚呀...(然後不停的用鼻索鼻涕)




番到酒店就開極光指數睇睇~原來佢偷偷的跳到5!!HIGH呀!!!唔怪得頭先咁強啦!!!!!!!!!!!!!!!!!!!!!!!!!!!!!!!!!!!!多謝天主!!多謝冰島美人~~~~~~~~~~~~~~~~~~~~~~~~~







2015/12/15的開心事：
其實我已經準備緊哭福袋文架喇~
見到大家都咁鐘意七公哭福我都好開心~
好啦~應承大家星期四出~預祝大家聖誕快樂啦~



報時：距離台北跨年倒數之旅2015仲有---15日~
報時：距離南美洲4國新奇探險之旅2016仲有---64日~
報時：距離"七公子"帥帥出使東京之旅2016仲有---290日~
拜託左台灣既民宿主人幫我預訂餐廳~
點知......
有一間話一星期前先接受預約...
有一間話放假放到1月5日..........
有一間個電話係空號.................
即係我依家無一間訂到...........
又要諗過..........................哈哈~
人生總是充滿變數~~~~~~~~