冰島格陵蘭自由行之旅2015-10-08第十二天Part 2(晴天及後轉陰)

今朝塊面情況好衰......又紅又有粒粒........但係朗公子話：你唔好查咁多野上塊面度啦!!.......跟住我試下唔理佢....咦...又真係好d喎.....唔通...係我查太多潤膚膏所以搞成咁?(因為我成日怕佢乾...查到lup痴痴~)...希望快d好番啦~~~人地要靚靚去台灣架~~~



2015-10-08
Day 12---Part 2(冰島,米湖 Iceland,Myvatn->地熱區 Hverir->火山口湖 Krafla Volcano->地洞溫泉 Grjotagja->黑城堡 Dimmuborgir->假火山口 Hverfell)
食飽飽就開始下午既行程喇~~黎到地洞溫泉(Grjotagja)~~其實我地上次都有黎架~不過封住左落唔到去~


佢有兩個洞口入~不過我地揀左邊哥個因為好似易落d~



咦~你地其實係咪行開山架~落得咁快既~




伸手去摸摸~~~~堅熱架喎~~~~~而且d水好清~水入面既石睇得一清二楚~




另外一個洞口真係有人除左鞋浸緊架~呢個唔使錢既溫泉真係唔錯~不過好難行落黎~加上d石好岩"參"...好難坐住浸~




望番上去...咦....我頭先點落黎架?!?!?




出發去某個景點.....又經過上次搵民宿哥個神秘路段~今次再經過覺得好靚~~~~原來...呢度就係我地好想睇既黑城堡(Dimmuborgir)~~~~~~~~真係有眼不識泰山~~~仲要之後番到首都上網搵先知~






之前行呢條路覺得好恐怖架~~因為無紅葉...得d好黑既石~~又無路牌~~~GPS又搵唔到路~~~~今次黎又唔同感覺~~~行行下...咦~又有3隻好八卦既羊停係度望住我地~





可能班羊心諗：係你地阻住我地玩先啤住你咋!咩~......行第一哥隻我懷疑係老大~




之後發力狂跑去我地後面~~~跑得好有氣勢~冬天d毛毛果然靚靚~~






我地又要俾d掌聲呢位小姐~~上次都係佢負責開閘~~~我地上次仲笑話驚有高壓電要拋粒石仔過去睇下有無料到~~真係要加你50分勇氣分俾葛萊芬多~





呢日既最尾一站假火山口(Hverfell)






有兩條路線上既~一條難一條易........有邊個會揀難既先!?!?!?Chlo子上次冬天黎過....成地厚雪...封左唔俾上~




易既都咁斜既.....係咪路呀......................................




扯蝦小神童又現身~~~~~好辛苦呀~~~你地等等我啦~~~




我唔明~~~點解下一秒再影~~~你地可快左咁多?!?!?!明明你地無運動開喎~~~~~~~~~~~~




佢地停左等我好耐先爬到上黎追番少少路程~~~~~~~~




行緊上去向右望就會見到米湖~原來咁大個湖只係冰島既第5大~呢段路超大風~不停流鼻鼻~好彩有頸罩~




終於都上到黎喇~~~呢度係唔記得幾多年前米湖火山爆發...有熔岩湧黎呢度形成呢個口~但佢係無通到去熔岩層的~所以係假火山口~





極大風極凍~~~~




華~~~有對亞洲情侶想挑戰行落去~~~~~~~~我真係黎兩次都無諗過落去~~之前睇書有人行落去攞石黎砌字~但兩次黎都唔見~~~~~~~~不過佢地行左少少之後就折返了~




望多一眼對開既景~拜拜~下次我諗我唔想再挑戰假火山口~~真心扯蝦~~~




上你又快過我~落你又快過我~好~我佩服你~




好彩今次黎蚊湖無蚊咋~~~




又黎到呢間算係多野買既超市~~為我地呢晚既晚餐補給材料~





心心眼~~~隻隻都好想飲~




又係心心眼之選~唔好嘈~一人一粒~細細粒好可愛~




hehe~又見到呢支對腸胃好既好味野~~買支番民宿今晚飲飲先~





超市買既下午茶~不過Hofn哥隻好味好多...呢隻無咩醬...但阿Sam哥個漢堡包佢話好好味~




呢隻梨味乳酪飲品超好飲~~~~~~<3




食飽飽下午茶我又開工喇~各位大大先休息吧~~~~晚餐我負責~我真係賢良淑德!!!呢晚又煲湯~估唔到超市d急凍牛扒咁好味~~~~可能我煎得好味~~~~~意粉毛寶整的~




噚晚影左極光大爆發~呢晚其實都有少少~~~不過厚雲左d~指數亦無咁高~~~~3個女仔怕凍無出去影~~得阿Sam無懼寒冷~為大家送上極光照~









呢篇係2015年最後一篇blog喇~~
又懶係大事回顧咁~
今年都發生左件我自認為幾大既事..
就係入院做手術.....真係嚇到個心離一離....
哥種無助感真係...好驚.......
所以有健康真係好重要....大家要多注意身體唷~
有健康先可以繼續玩同愛身邊既人~
又唔係淨係得衰野既~
仲有今年去冰島旅行睇左我人生中第一次極光!
真係好震撼~~
希望來年2016事事順利身體健康~
都希望大家同我一樣~身體健康~團團圓圓~
同埋預祝大家Happy New Year~~~~
聽晚就飛去台灣喇~
我會星期一晚上乖乖的上網同大家過新一年第一個工作日~
wakakakakakakak~

今年原來淨係寫左152篇blog..比起上年的179...我真係好懶~~



2015/12/30的開心事：
最開心係下午見到自己塊面無咁樣衰~



報時：距離台北跨年倒數之旅2015仲有---0日~
報時：距離南美洲4國新奇探險之旅2016仲有---49日~
報時：距離"七公子"帥帥出使東京之旅2016仲有---275日~
希望吃到想吃的~
買到唔停手~
唔好落雨~
唔好delay~恭喜恭喜~