冰島格陵蘭自由行之旅2015-10-08第十二天Part 1(晴天及後轉陰)

家陣咩時節呀~~~點解我塊面又會無啦啦咁敏感架~~~有d紅又有d粒粒.....唉....臨去旅行先咁~~快d好得嘛?呢兩日番工好巧攰話~攰到係好眼訓但訓唔著~



2015-10-08
Day 12---Part 1(冰島,米湖 Iceland,Myvatn->地熱區 Hverir->火山口湖 Krafla Volcano->地洞溫泉 Grjotagja->黑城堡 Dimmuborgir->假火山口 Hverfell)
早安~我好乖呀我最早起梳洗完畢就去準備早餐等大家起床~都話認真的人最帥哥<3




你話喇~呢個女仔係咪娶得過喇~試想下有個咁靚...又帥既女仔朝朝煮早餐過你吃真係爽yy~(自吹自擂功力又上一層樓)...個早餐真係又靚又好味~~~我真係好叻叻~




華~天氣好似唔錯喎~~~~自己民宿同周圍哥幾間屋~






好喇~出發~天氣好真係做咩都好既~






第一站我地黎到地熱區(Hverir)





咦~~做咩多左塊牌既~~仲寫住：It only takes one set of footprints for thousand to follow, think about that for a second, please be careful.......之前無架喎~~~令我諗起一件事~~~~~~~~~~~~~~~~~~~~~仲唔係你?




來~~到~~了~~~~~美麗的地熱區~~~~




記唔記得呢個地方呀????佢有一種....好似豆豉煮苦瓜既味~~~~~~~~~~~~~~~~~~~~~好鬼臭~~~~~




美麗的大地調色盤~






唔知點解我覺得同上次好似有d唔同左咁既??






毛寶說：你行埋去我幫你影相丫....(當少女心花怒放中以為要影靚相時)....你俾個側面我.....然後mark大個口...大d!!...........er.............你好衰呀~~~~~~~~~~~~~~~~




望住張相我都覺得自己個口臭..咁都唔夠..仲要錄我短片

影影下又突然有烏雲~~~咁突然既~~咁快d走喇~~~





唔知隔住個mon聞唔聞到地熱區哥朕似豆豉苦瓜哥陣味呢?(誤)

好喇~~~下一站~~~火山口湖(Krafla Volcano)....原來冰島語中係解地獄既入口~....毛寶一落車第一句：咦..隻鞋唔見左既?(因為上一次黎無啦啦有一隻鞋係呢個入口度)........如果你仲見到隻鞋係度你先驚~~~~




一上到黎~~好大風~~~~今次黎無陽光添~




華~~~要沿住湖口上斜喇~~~~雖然今次換左對好d既鞋...但我......我都係有扯蝦~~~~~不過叫做行呢段碎石路好左好多~~大比~~~等埋我啦~~~你地做咩都行得咁快架~~~




yeah~~~上到黎喇~~~yeah完影完一張相之後......部電話又吹到熄左機......................




點知原來仲可以行去另一邊......班人行去邊呀???落斜既?




原來呢邊仲有一個小小火山口湖呀~~好可愛~~~~呢個d水好似偏綠色d~





兩個湖中間仲有個小地熱區~




行番過黎時又有少少陽光又影一幅啦~~




毛寶!!你跣我!!!你做咩坐前左架??搞到我超大隻!!!!!拿!!唔係我大隻呀!!!係你住前左咋!!!!









今次係呢度望過去就係一座啡色既山~~~~上次哥時明明有雪~~我地仲超high~~~後尾先知點解我地上次6月黎有雪今次10月黎會反而無雪~原因係我地第一次去冰島時(2013年)...哥年既春天黎得特別的遲~5月哥時仲有厚雪....所以到我地6月哥時黎都仲有積雪囉~~~




好喇~落山喇~好斜~點解我成日行得最慢既~




好喇~遊完呢個景點我地就去到米湖溫泉(Myvatn Naturebath)喇~~~





確係比藍湖少人好多~~~~~不過設備同埋大小就藍湖好過佢~~佢就係得兩個池架咋~




又開始天陰陰~



其實我地呢日黎唔係浸溫泉架~~我地係黎食野的~~~~~自助形式~揀好哂先去俾錢~




最正係對住米湖溫泉食!!!好靚!!!




食物就都係哥d啦~~無計~附近都無咩餐廳~我要求唔高的~都ok的~Soup of the Day係磨菇湯...ISK1,300=81.3hkd....跟兩個包~味道唔錯~~自己整左好多菇落湯~~~其他包都係ISK600-900=37.5-56.3hkd左右~




我幾鐘意食呢個三文魚包~佢地個個都麻麻~~可能佢地唔鐘意個質地~







2015/12/29的開心事：
都係諗住去台灣要食野...個人先開心d~



報時：距離台北跨年倒數之旅2015仲有---1日~
報時：距離南美洲4國新奇探險之旅2016仲有---50日~
報時：距離"七公子"帥帥出使東京之旅2016仲有---276日~
我今次都幾懶喎~仲未開始執gip~
今晚開始執下先~
諗起d好味野就開心~~~~