2015年11月17日 星期二

冰島格陵蘭自由行之旅2015-09-29第三天Part 1(又落雨又天晴)

噚晚臨訓有d頭痛~早d訓....點知起身個頭仲痛~食左藥之後先覺得反胃....好想嘔~毛寶叫我嘔~我話我唔嘔喇因為我岩岩食完藥~~如果嘔咪浪費左粒藥~~~我係咪好變態?到番工哥時個頭好番d但都係胃反....之後chlo子請我飲佢煲既薑茶....飲完個胃又好似好番d!依家呀.....我個人好似好攰咁...我諗我今晚要早d訓先得...




2015-09-29
Day 3---Part 1(冰島,雷克雅未克 Iceland,Reykjavik->金圈之旅 The Golden Circle)

早晨呀~~~噚日係咸濕豬買左野食嘛~呢日梗係民宿食早餐啦~~~冰島蛋好好味~~~我買哥隻羊腿片超好味~~~原來係煙燻口味~~~勁重煙燻味~~~~~唔怕騷~大推~夾麵包一流~仲有士多啤梨乳酪~正~




噚日落足成日雨~今日出發時有藍天!!!感動~~我地今日會離開首都~民宿拜拜~教堂拜拜~




出發啦~~沿路不停又陰又晴又晴又陰~





第一個景點.....其實又唔算我地要去既景點既~~只係見有四葉草圖案咪又去睇下囉~(四葉草路牌...一見到等於有景點)....我地上次都有黎~因為呢度有好多人用石仔砌石堆~....咦....d石堆呢~




呀頂~~~~依家唔俾砌~仲豎哂牌~




咁~~唔知呢度有d咩值得放四葉草個牌呢~~~拿~~係我影得靚呀下~~




我係咪迫得你太緊~~~~當街當巷攞條旗影相~~~~無諗話太大風~~條旗fing黎fing去~~好難影~難得的一張影到哂d字~祝你生日大快樂~有幾多人30歲會係冰島過~(除左冰島人~)羨慕你~




好喇~再~出發~~~~~我地依家出發去Golden Circle既第一個景點~平格維爾國家公園(Pingvellir)....望出車窗d景色又幾靚喎~黃黃綠綠咁~




到左喇~~~~其實佢停車場落左車之後有向左行同向右行既.....咁我地上次淨係向左行...無向右行~所以我地今次決定向右行~~~~~~~~~~~~一向右行~個天灰到....但有好大條彩虹呢!!!


個天真係好黑~



行多幾十米.....下~又藍天既~~~~點解上次冰島已經好靚...但係點解今次仲靚既?????






終於諗到喇~~~~~因為秋天來了~~~~~我地上次係夏天~全部都係綠色的~~~今次係秋天黎~有d綠葉變左黃色~有d變紅色~有d仲係綠色~簡單黎講~即係有秋色~~~~真係好靚~




咁樣行真係令人覺得好舒服~




行到某個位又有分岔路~我地首先行左邊既Oxararfoss~Foss通常係指瀑布咁解~你見到咩咩foss就代表有瀑布睇啦~




見唔見到~前面有d霧氣哥度就係啦~~~




用短片帶你行~



呀~到了~




下一秒有少少雨....但咁樣睇到瀑布頂好藍色既水~





天團~呀~揸機個女仔好靚呀~




落少少雨又有番太陽~又見到彩虹~




藍天影又有一番風味~






可惜全景背光的影得唔好...如果唔係我都幾鐘意呢張相~




好啦~睇多最後一次我地就走喇~



行番出頭先分岔路口....睇瀑布行左~依家行右去Langistigur~有木板~好行~




行唔夠兩分鐘...又落雨.....仲由木板路變石仔路~




冰島d地形同板塊真係好得意~





我真心覺得呢邊d板塊靚過上次向左行哥邊!!!加上毛寶神之手點解可以影得咁有味道????????????????????我要問columbia收番代言費先得我地幫佢影得件衫咁有型!!!!日本對爬山鞋都好sharp醒!!我真係極鐘意呢張相!呢個女仔真心靚~




呢張阿sam影既我都好鐘意~總之講到尾我就係好有型啦~




行到高點睇~呢個國家公園主要係睇呢個地區係美洲同歐洲板塊既斷裂帶上~~~~呢條斷裂帶橫穿冰島形成狹長山谷~聽講之前有人會係呢個斷裂帶既海底潛水~(感到有型)

呢邊真係靚d~又少人d~


本身想團友自拍....但又落大雨...大雨到鏡頭都濕哂~~




我地架愛驅~今次KIA~不過我唔鐘意隻色~我想要番上次隻白色車~我地唔係走呀~其實係上車休息一陣~~~~~食下野(食乾糧當中午飯~)




本身諗住走....但好急尿....四野無廁所.....想起上次上右邊最高點...有個廁所...............無奈下....本身無諗住行右邊~都係要行右邊~




秋天睇真係唔同d~真係好靚~換左對堅既爬山鞋今次行得舒服d喇~






上次就係呢邊影相喇~係咪我地頭先去哥邊靚d呀???




又爬到最高點~就係為左呢個廁所~




你又點估到咁大個景點去廁所要俾錢~就算你估到去廁所要俾錢...你又點估到如果你唔夠銀仔入可以刷卡~去廁所都要刷卡~~有氣派~多謝每位ISK200=12.5hkd~




呢個可能係世上最靚既公廁~我唔係講設備...我係講出面個景呀~





痾完尿出黎大風到條旗都就黎吹爛....睇佢"被"吹得幾行!!




搞咩~~~又好天番~~又有彩虹~~




本身我地仲想行過對面去哥個教堂度架..不過......我地本身預呢個國家公園係行1.5小時...點知....去到依家呢個時候..已經行左3小時~~~~~真係行得幾過癮同幾開心~~唯有下次再行去對面教堂啦~








噚晚Do姐去shopping無左農夫..
即刻失色不少~Do姐其實做得唔錯~
但就同另外兩位無咩火花囉~
我完全將注意力集中係Do姐同埋d生蠔度~
我好想食生蠔呀~



2015/11/17的開心事:
有毛寶放工黎探我~像個寶~
*********************************************
噚日kapo個傻豬whatsapp我...
話佢其實希望我係平日先收到佢寫俾我既postcard!
因為平日收到就會寫blog時會成為我當日的開心事!
睇完都覺得甜~點解有個女仔可以咁甜?
識到你已經肯定係我一生中其中一件值得開心既事~
傻妹*3*



報時:距離台北跨年倒數之旅2015仲有---48日~
報時:距離南美洲4國新奇探險之旅2016仲有---92日~

32 則留言:

  1. Haha You are so sweet too <3
    我都係呀 識到你真係好開心好開心
    阿sam部相機係咪好pro果d單反呀
    佢同毛寶影你果兩張真係好靚 兩種唔同感覺
    毛寶影果個色調有小小悲傷咁
    但sam影果張個色調就好有希望咁 hahaa
    兩張都好靚呀

    回覆刪除
    回覆
    1. hehe~
      er...我唔知pro唔pro呀~但係係單反囉~
      其實兩張我都好鐘意~畢竟影到我咁有型~~~~~

      刪除
  2. 早d瞓, 休息多d快d好 ^^
    冰島秋色好有味道, 儘管已經3次, 仍然係兩次夏天, 一次早秋, 未係好見到秋色

    回覆刪除
    回覆
    1. 小t, 補讚番先, 好多張相都影得好靚+好型, 明星都要行埋一邊 ^.*

      刪除
    2. 我有呀~我有乖架~~
      0我!!!!咁下次推介你深秋來啦!!真係好靚架~~我fd都極力推介我冬天去!!因為有雪景又唔同喎!

      刪除
    3. wakakakakakak~~~~~原來我真係咁有型!!

      刪除
  3. 我鍾意這張相多啲,(藍天影又有一番風味),會吾會冷親個頭咁痛?再係咁痛要去看醫生啦﹗

    回覆刪除
    回覆
    1. 哥張我都鐘意呀~~好似好有希望咁~
      我成日都係咁架..不過唔知點解~

      刪除
  4. 好友✾•ೋ*¨❉快樂時間過得真係好鬼快轉眼又一天⊹º✫
    ★☾。゚♦╠ ╣ a Ρpy 星期三✬°¨*☁ Gღღd Night 甜夢。゚Zzz

    回覆刪除
    回覆
    1. 希望聽日星期五快d收工啦~~~因為賽車好塞車~~~

      刪除
  5. 妳似咪食得太多呀??妳現在好番d未?
    妳用短片帶我行~~~咁我以後咪唔使去旅行囉
    阿sam同妳影果張好cool呀~~不過我覺得妳好似嬲左好多人咁囉~~~~哈哈哈
    Take Care

    回覆刪除
    回覆
    1. 妳點呀?病左?定偷懶~~~~我諗妳都係病拉、休息多D

      刪除
    2. 食得太多會頭痛既咩???
      你之後都唔記得哂啦~~咪可以再去囉~
      不知幾靚~~~

      刪除
    3. 我去左食飯呀~~~所以我真係偷懶~

      刪除
  6. 回覆
    1. 上次無睇今次睇番~真係幾靚~

      刪除
  7. 我覺得直情要send果幾張相去columbia,提議佢地做廣告poster^^
    個瀑布好靚,天然美,秋色也特別美,色彩繽紛
    冇咗農夫真係無咁好笑,咁純睇佢shopping同啲景囉!!!又或者早啲瞓唔駛頭痛....

    回覆刪除
    回覆
    1. 你真係講得好有道理!!(你又陪我癲^^)
      我覺得秋天真心靚!!有機會真係要去多次睇秋天景~~
      我都覺~不過我都好欣賞do姐~~

      刪除
  8. 痾督尿都要12過幾真係好貴,不過包埋靚景又唔係咁講,去旅行無謂計較.

    回覆刪除
    回覆
    1. 無錯~不過咁後生~咩都要試下既~~~~~~

      刪除
  9. 啲相真係靚得交關,你強調話靚嗰件連匿喺草叢解決都靚過人,係有料到.
    段片啲色調,空鏡令我諗起吉士雲辛的"不羈的天空",勁!!
    kapo的話可以抄低佢第時用

    回覆刪除
    回覆
    1. 頂你呀~人地坐係度好有感覺架~~~
      原來我真係咁不羈~~~~~
      留番d甜甜既說話~~

      刪除
  10. Kapo好乖巧~~我同佢一樣~~成日好期待係每日開心事出現~~

    回覆刪除
  11. 我覺得您不去旅行就會病,小心身體,不然多去旅行呢。
    山景瀑布都好靚。
    我以為阿sam影既最靚,可惜景深不夠,否則就是超級靚模的雜誌相,哈哈哈

    回覆刪除
    回覆
    1. 原來係咁!!!!!!原來我去旅行先唔會病的~~~~~~~~~
      係呀個國家公園真係唔錯~幾靚~~~
      我兩張都喜歡~

      刪除
  12. 我好鍾意小T你寫得咁生動,我開始遊記時就係想寫你咁嘅風格,可惜詞不達意又錯字連篇,無你十份一咁精彩。 我都同你一樣痾C唔出到寫出嚟架~ 但你篤尿好貴⋯

    回覆刪除
    回覆
    1. 其實我文學根底唔深厚~寫唔到文言文咋~~~~~其實我平時個人係好斯文架...wakakakakkaak~~
      咁後生~12蚊一篤尿點都要試下啦~~~~~

      刪除
  13. 你拍照咁有型, 你可能有做 模DEL的 底子.

    有無諗過去轉行做 模DEL?

    不過, 都幾辛苦咖, 不停擺唔同POST, 又要定住喎.

    你多休息下了, 身體要緊, 出BLOG 可以慢慢來

    回覆刪除
    回覆
    1. 係攝影師俾d指示俾得好je~~~~我成日都俾佢鬧我架~~~~~
      梗係無啦~~~~又唔高身型又肥~~~~~~
      多謝你呀~我會好好照顧我自己架喇~~~

      刪除
  14. 嘩, 真係好靚呀, 張張相都好似POSTCARA咁,
    我想問下你.... 上去厠所條路要行幾耐架?? 咁如果個人好急好急咪死火??

    你地咁樣行辛唔辛苦架, 我體能好差唔知第時去行得唔得呢!

    回覆刪除
    回覆
    1. 唔......快行既話應該都要15分鐘啦~
      我都有少少急~~~所以先快步行~~
      其實我都好差...所以一定要買對好既爬山鞋先好去~如果唔係會浪費去多力去行~

      刪除