冰島格陵蘭自由行之旅2015-10-02第六天Part 1(晴天)

星期五去左同同事打邊爐~有人請正~~~多謝~~~食飽飽之後仲去睇飢餓遊戲~~終於到最終回!!!!呢一集好睇過上集~起碼結局係我想睇到既~~~星期六七公子聯手出動~~首先中午去左食Fado個set先~~都幾抵~~跟住展開一連串既"七公去shopping"...(期間我仲偷偷的飲了杯焦糖咖啡~).......我呀....我呢個姑寒友呀.....竟然買左新眼鏡呀!!你地識左我咁耐我幾可見我換眼鏡?咪成日戴住呢幅俾人話似陸永既眼鏡!!(一個女仔咁樣俾人話都可以唔換眼鏡)...........仲有呀....我買左兩件衫呀!!!世界簡直變了樣!!!....番到屋企好遲先知明珠台做緊The Great Gatsby....後悔咁遲先轉台~其實我幾鐘意里安納豆呢套戲~~周日去左食氹仔沛記~行左威尼斯人(齋行).....之後番左毛寶屋企又睇機票~~(好令人苦惱的南美行程呢!!).....夜晚無人陪....去左自己掃街~~~~~~(如有興趣睇我既掃街...睇落少少~)....利申：明天有野做~星期三再會~



2015-10-02
Day 6---Part 1(冰島,史卡法特 Iceland,Skaftafell->黑色瀑布 Svartifoss)
呢日鬧鐘未響都一早醒左~精神爽利~~~一望出窗外~~咦~~剛開始日出呢!!!!!!!!!!!有無少少澳洲既Uluru個feel?




巧靚話~



呢日早早起床!!!有野做~~~~~對坐呢個景食早餐真係特別醒神~





入房準備出門口時個天先剛剛光齊~




好喇~~~出發~~~~呢區d公路景真係好靚!!!!






我地今日既活動係之前係首都book左既行冰川活動呢!!!!本身由我地酒店去集合點要30鬆分鐘既車程~~由於有少少趕時間~~~毛寶車手以20鬆分鐘就到左目的地!!帥!!




今次我地訂左呢間Glacier Guides....本身唔係諗住book呢間既~但我地上次哥間full哂~~所以轉book左呢間~我地參加左最普通哥種Easy Glacier Hike(其實本身我地想參加個難d長d既...點知又係無哂.....失望~點解唔係旺季都咁多人既!!).....每人ISK9,455=590.9hkd.......其實我唔係太期望的~因為覺得同上次玩既野一樣~




我地入去報到左之後就會有領隊幫我地度冰爪~~




巧有型~




今次呢團有15個人~同上次差唔多~好開心終於有架大車坐下~~唔使好似上次咁迫~~~~~上次哥團得8個亞洲人....今次個比例係15個入面有13個都係亞洲人........真係多左好多人黎冰島~





大約坐左10分鐘車就會到達行冰川既點~要自己行入去~




要攞住d冰爪冰鑿咁樣行入去都幾攰架~




行左一陣之後發現......咩事呀?!?!?!!?!超靚囉!!!!!!!!!!!!!!!!!!!秋天真係好靚好靚!!!!!!!!未行到入冰川我已經嘆為觀止!!!!!!今次冰川+秋景!!無敵~~~~~~





好喇~行到附近就要停低喇~~~




佢就係我地既領隊..佢叫.....er...我唔記得左~我淨係知佢地話佢個頭有d油益臭~




領隊話本身呢個窿好細好細個架咋...但係呢幾年俾d水侵蝕到越黎越大個!!





好喇~停低做咩?就係入去之前教你點樣著冰爪喇~




唔知點解.....我今次又係著到流哂鼻水...................對冰爪其實幾污糟~~好彩著爬山鞋咋~




乖小孩~




領隊話呢度之前都係冰川既延伸....但依家已經後退左好多!




好喇無講咁多~~~開始進入冰川喇~~~~~呢個冰川入口同我地上次哥個原來唔同架~~~~~又開始有番d興趣~




著左冰川你都要識行先架喎~等乖小孩示範你睇~

行到入黎又講解下~點解冰島既冰川灰灰黑黑咁樣~全因為係2010年埃亞菲亞德拉火山(Eyjafjallajokull)爆發...爆到成個歐洲領空都要關閉哥次......之前2014年都有傳話冰島西北部會爆發...如果真係爆既話因為佢就係瓦特納冰川(Vatnajokull)下面....有可能會引發洪水云云........點都好~領隊話我地超級好彩....因為今日超級好天......噚日黎既話係超級大雨!!!!!!!!!好野~揀岩時間~不過領隊話噚晚個冰川有超多極光.....好羨慕呀!!!!冰川加極光!!!!!!!!!!好想睇!!






最神奇係......咁凍之下都有moss~~~~~~~~~~





雖然係灰灰黑黑咁樣~但係都睇到佢係個底到透出黎既誘人藍~~~~~~我覺得呢個冰島冰川獨有既標記~~好鐘意~







不過係冰川既時間好短.....雖然成個旅程有3小時...但係要坐車....由落車點行到去著鞋點.....著埋鞋再行到入冰川....仲要計埋點程時間....其實係冰川只有20-30分鐘左右.....好少呀......所以我地今次先想join個長少少玩半日既團...可惜爆左.....






好口渴呀~~~無帶水點算?食冰啦~~~~上次食腥腥臭臭的~今次唔錯喎~~~~~~好清甜的~





由於聽教練話唔可以亂走~所以我地就乖乖坐係呢度叫教練幫我地影相算喇~(後面哥d係反面教材...後尾有俾教練話...如果幅相度無左你地相信會完美~)




我真係.....連我自己都俾自己既帥氣嚇親!!!點解成日都有人唔聽話架!!!!!!!!!!!你唔顧自己危險.......你都要諗下你自己有危險人地要救你架!!!




呢幅相大家睇得清楚d....冰川既後退情況....前面d水都係以前冰川既位!!




好喇~要落山喇~我最鐘意呢個moment既你地~~~成隻企鵝仔咁~拿~佢地咁樣行得係好岩架~落斜時要個身傾後呀~上既時候就身向前~~~~




行行下有個洞有流水喎......唔知日後會唔會又係越流越....

回程路~毛寶話佢超鐘意呢張相~佢話因為前面紅色褸哥個人吹起件褸既姿態好似一個著紅裙既女仔~~~~Alice in Wonderland~~~~~~真係靚到離哂譜~




段路真係靚到不得了...令人好分心....我都隻腳咬左幾次柴~






下次好想join中間哥兩個既其中一個!!!!可以爬遠d爬高d睇!!







哈哈~~
幾慘呀~~~星期日無人約~~~
連阿媽都同佢d朋友係星期六參加兩日一夜d旅行團~
無人陪~~~連阿媽都唔理既情況下~~~
基於天秤座既個性係好怕一個人出去食既~~
坐定定係一間餐廳一個人我覺得係.....有d寂寞既~
我平時就鐘意外賣買番屋企慢慢嘆~
噚日我就決定自己一個人掃街~~~~~~~~~~~~~~~~~~
首站係Momi&Toy's既日式芝麻蟹柳沙律可麗餅 $33
次站係世記咖哩洋蔥魚片厚多士 $20
三站係小上海鍋貼 $10(6隻)
四站係恆友篤魚蛋 $45(5串)
加埋掃街都食左$108........同平時我乖乖地坐係餐廳食..
一樣價..................其實掃街都唔平~~~~
其實我仲想係余保和買多個鮮奶燉花膠食下既..
點知佢又唔開......
另外想去食近排FB有某個美食谷d網友推介既花膠雞絲翅..
點知又賣哂~~~(我下個禮拜周末一定要食到!!)



2015/11/30的開心事：
華...咁就11月既最後一日...
年尾去完個旅行係唔同d既.....d時間過得超快~
咁唔知會唔會眨下眼就到左星期五呢~~



報時：距離台北跨年倒數之旅2015仲有---35日~
報時：距離南美洲4國新奇探險之旅2016仲有---79日~
報時：距離"七公子"帥帥出使東京之旅2016仲有---305日~
下....南美仲有兩個半月咋????
不過呢~~我好乖呀~~~
星期日乖乖坐係毛寶屋企睇機票~~
點知進度神速呀!!!!!!!淨番哥5程機票都買哂喇~~~~
動力係因為之前因為有野kick住左呀...搞到上個禮拜買唔到
點知今個禮拜一睇.......每人貴左一千........................
仲唔快快手買哂佢咩!!!!!!!!!!!!!!!!!!!
點解遊南美要買咁多程機票?
因為我地要用最短時間去遊南美.....
所以一定要快.......淨係機票...
都使左好一筆錢.....不過我知去完旅行之後我就會話：值得的!
好喇~~~機票部既同事即係我已經搞掂哂大小機票喇~~
接下來既住宿可以再慢慢研究~~~
我可以專心研究台北食咩喇~~~~