2013年11月29日 星期五

南非觀獸美食之旅2013-10-26第六天Part 1(朝早下大雨下午大晴天)

噚日媽媽入左醫院檢查(只係普通檢查不用擔心~)....所以噚晚一放工買埋野食即刻衝上山頂陪媽媽一陣~所以無時間寫blog~今日放工不太順利.......算了~反正星期五了~放工去左食新開的chill out cafe~食熱狗的~岩哂我~我覺得幾好味~~可以再去~跟住再去塔石既藝墟~支持支持一下仔van~買左條頸巾~



2013-10-26
Day 6---Part 1(南非,約翰尼斯堡 South Africa, Johannesburg)
呢日一大早就集合...好似係六點定六點幾~~朝早天氣很涼...而呢日咁早起身既參觀活動就是:比林斯堡野生動物保護區(Pilanesberg National Park).....那是南非第4大既野生自然保護區.....呢架就係我地要坐既吉普車喇~~唯一的不帶墨鏡照~~夠遠喇卦~~呢度有南非動物界的big 5喎~~(big 5=豹..象..犀牛..水牛..獅子)......我最想看的是犀牛~~而水牛的樣子就很趣怪~~我地叫佢做心理變態~~(請上網搵搵水牛的樣子看看~~因為佢隻角搞到佢好似中間分界咁~~所以咪叫心理變態~~)...車就係我地酒店門前接我地
個動物保護區就係我地酒店不遠處....大約不用10分鐘車程就到....




點解要晨咁早睇?!因為導遊話動物係晨早或晚間才活動的~~所以~~出發~~


很廣闊呢~~



第一樣見到既動物係~~鹿~~熱熱身先~~




第二樣係......馬騮??





終於都有d似樣d既野見到喇~~~一隻獅子王同兩隻雌性獅子呢~~~你實在想像唔到我地同佢有幾遠.....我家沒有好的相機~~也沒有加長的鏡頭~~睇下隻獅子影到樣都見唔到就知有幾遠~~(其實我一直都睇唔到佢地....係d團友不停話...哥度呀哥度呀~~我先見到...)





又係鹿~~不過呢個鹿群離我們很近~~




他們是心理變態嗎??太遠了...看不清~~




毛寶說:這叫耶穌光~~




但之後就下起大雨來!!!!!!!頂~~~架車個頂係布做既頂....仲要係穿窿的!!!!!!完全有需要在車內擔遮囉!!!!!!!!!!!!一路落大雨...又擔住遮...又成身濕哂又凍.....我只想快點完左呢個節目!!!!(那位常和我們同檯食飯的男團友頂住車頂等d水唔好聚哂係中間流落大家哥度....我媽和神秘團友都有咁做....辛苦了)




終於停雨....d動物我懷疑落雨時佢地都有跑出黎...只係我地擔住遮無心情睇佢地咋...




這張毛寶幫我拍的~~佢話影得好靚~~仲話係佢既picture of the day添~~




如果可以近d睇到斑馬就好了~~最後就係睇到呢種動物~~之後就離開呢個動物保護區....番去酒店了~




睇完大約9點度.....大家上房換衫....或者吹乾d衫.....由於酒店既Crystal Court早餐係可以食到11點~~所以可以慢慢來~~講真我係大堂第一眼見到呢個Crytal Court....我係覺得好靚好靚的~~仲覺得幾有氣派~~仲心諗...如果可以係呢度食早餐同我地團包左既哥個下午茶咁就真係一種享受~~不過....大家記唔記得我一去完番黎就係blog度講話我地去南非俾人歧視嗎?就係呢度發生的....請看下圖解說!!




係等緊攞位食早餐時....有一女侍應會捧住大盤野飲當係welcome drink咁俾你....當佢攞到俾我時...係完全的口黑面黑.....我聽到有團友問佢細細杯哥d係咩...佢唔答我地....咁我見到有香檳...我咪攞囉...我仲有講thank you...點知佢直頭"倔"住我之後再"啤"我...我媽同佢講佢都要香檳...佢就一聲不響咁走左去!!之後佢斟左杯新既香檳連埋其他小杯野飲再行過黎....直頭望都無望過我地(我地4個只有我一個攞左野飲)....連我後面pair姊妹團友都無問佢地飲咩佢就直接行左去佢地再後面既白人客人面前....仲要開聲問佢地飲咩.....仲要加一個超級親切的露齒笑俾佢地喎!!!!!!!!後面既姊妹團友唔抵得佢咁衰....係佢個盤度搶左杯香檳俾我媽!!!!!跟住佢再啤住我地幾個....俾你你嬲唔嬲先???呢d係咩服務態度???黃皮膚既人你就啤啤貢....白人你就笑笑口有禮地問????我相信呢d係叫種族歧視囉.....黑皮膚同白皮膚既人黎到我地哥度我地都無歧視過你啦.....你歧視我地黃皮膚???咁你學咩人做服務業??????最神既係.....我地6個人企係度用廣東話狂鬧佢!!!!大家望望呢張相.....就係我身後既黃色衫女侍應!!!!!!你個歧視我地既衰樣永遠印係我心中....亦係我今次旅行最深刻部份!!!!點解我話我唔係咁鐘意南非...唔多唔少都係因為你!!!!!!!多幾個你呢d咁既服務業從業員....完全可以拖垮南非旅遊業!!!!

講真...我到依家都仲記得你歧視我地既樣(問題係我地咩都無做話..又無大聲叫囂..又無無禮對你)....哥種望我地既眼光......比起其他景點既風光...記得更清楚..唔係我小氣...係我地黎得玩都係想開心...就係你令我地哥朝早....條氣就頂住



講下呢度d野食....有生蠔食~~而且有人負責開....不過都係咁既服務態度.....好似我前世欠佢咁!!!!第二次毛寶去攞哥時因為每人會俾4隻....佢好晦氣同求其咁俾4隻毛寶....其中一隻係得殼無肉既!!!!!!!我真係又動氣了...佢明明夾出黎時係望住隻蠔而且有肉既哥邊係向住佢佢無理由睇唔到下嘛.....我好嬲攞手揸住隻向住佢問佢:what's that?!...佢見我咁嬲個樣先露出少少表情講sorry.....呢間究竟係一間咩5星級酒店???跟我地係第一二天住既table bay相差10萬9000里...




d野食都算賞心悅目既~芝士有好多種.....不過佢攞d熟食例如腸呀...煙肉哥d就會有專人企係度夾俾你.....你要咩話俾佢知佢就會俾....但你知啦....佢地d面口超差.....搞到好似水飯房分飯你食咁唔係幾想攞.....寧願攞d可以自己夾既凍盤算...費事求人~(好想俾迷城皇宮既管理層睇睇呢篇blog等佢知道住過既住客意見).....






呢度既生蠔比起之前食到既好味....起碼大隻d....個身厚肉d~~不過質地唔係我地鐘意食既清爽有海水味哥隻...而係creamy一點的....牛角包就無話可說....正!~芝士也很好吃~


我地被分派去好遠既地方坐...其實佢正廳係有位的...已收好野...只係未擺餐具....我地提出想坐哥d檯....佢竟然話未準備好唔坐得.....我相信任何一間好少少既餐廳或者5星級酒店聽到你有呢個要求....唔會托你手踭仲會好樂意幫你準備好張檯...呢間5星級酒店真係非常特別....員工做野可以話唔識得轉彎.....其間出去攞野食我同毛寶特登行出去搵哥個黃衫侍應......我企係度望住佢名牌背誦...佢好惡咁問我做咩...我話:nothing special...just want to have your name.......之後番上房...毛寶都講左好耐關於呢件事(證明佢真係嬲)...我更加憤憤不平....於是係房度用我既劣質英語係電話即時打封投拆信(有幾何迫到我出手寫英文???難過登天).....落去集合時話俾領隊知呢件事...佢即時搵值日經理出黎講....跟住我又一輪咀同個經理講完一大輪...好彩個經理肯"曬lum"我先無咁嬲!!!!!!!!!!!!!!!!!!!!!!!!!!!!!!不過呢間酒店我係永遠都唔會再幫襯!!!!!!!!!!!!!!!!!!咪搞我!!!!!!!!!!!!!!!!!!!!!!!





由於我噚晚無寫blog呀~
我個天字第一號忠粉說她很失望呢~
錫番*3*<3



好野~~~~聽日有得燒野食呀~~~
食埋先諗點減肥啦~~~
聽日又要番學喎...唔食多d野好慘架嘛
天氣又咁凍....
hehe~~~星期日有人帶我食好野呀~~
等我報告~~~~

37 則留言:

  1. ER...我一直覺得白人先會歧視黃種人,但去完東歐同北京返泥並唔係咁認為...覺得白種人真係好熱情好NICE
    我由一開始完全估唔到黑種人會歧視我地黃種人架!!@@之前某地理老師都有同我地講話黑人歧視我地黃種人,我都唔明點解...唉!!@_@

    回覆刪除
    回覆
    1. 我真係估唔到~~~會比黑人歧視~~~~~~仲要咁乞我憎做到....
      其實我都唔明點解會搞成咁~~~~

      刪除
  2. 果間酒店d waiter 同waitress 係咁架啦,10年前都係咁,做嘢又慢又用奇怪眼光望中國人
    唔好話再幫襯呢間嘢,直頭係唔會再去南非
    減肥..........................算啦,你次次都咁講.................

    回覆刪除
    回覆
    1. 估唔到佢地10年都無進步過!!!!!!!!我地到底做錯d咩俾人歧視????
      我都唔會再去南非...好難頂....
      hehe~~~我係咁架喇~

      刪除
  3. 回覆
    1. 妳媽媽無事就好了~~~~~早餐咁錯喎......算啦.....佢哋無禮貌......我哋大量不計小人過
      Agnes都講妳..........次次得過講字.......話減肥

      刪除
    2. 早餐ok啦~~不過真係食到一肚氣囉...
      哈哈~~食左先算~~你都係咁啦~~

      刪除
  4. *。❉*˚☁ ˚ ˚❉ ˛ •*☾。•*˚
    ♦♡•・゚晚安安啦喂•☆。
    ˚❉* _Π_____*。*˚★*• ˚∴
    •˚ */______/~.\。˚⊹❉
    • ˚| 田田 |█..| ˚ ღ˛°
    •▓╬▓╬▓╬▓╬▓╬▓╬▓•❥
    小t...開心過周末...嘻嘻..我要見周公子喇喂..呵呵呵

    回覆刪除
  5. ☆┌─┐. ─┐☆
     │▒│ /▒/
     │▒│/▒/
     │▒ /▒/─┬─┐◯
     │▒│▒|▒│▒│
    ┌┴─┴─┐-┘─┘
    │▒┌──┘▒▒▒│◯
    └┐▒▒▒▒▒▒┌┘
    ◯└┐▒▒▒▒┌\
    南非觀獸美食之旅...第六天Part 1...
    最正參觀比林斯堡野生動物保護區...呀

    回覆刪除
  6. 乜你停左一日咩?我都冇為意添,放左成個禮拜假,前夜做到九點幾先返屋企,都冇時間搞其他野咯。

    回覆刪除
  7. hahahaha 我沉日都食左放題又係食完先減 ^-^
    baby真係好嬲 但個女人真係好差 咁樣歧視人都有既 !!!

    回覆刪除
    回覆
    1. wakakak~~考試已經好辛苦架喇~~食下野都好應該呀~~~
      完全覺得佢係9唔搭8!!

      刪除
  8. 種族歧視都係好常見,不過是睇人的!

    回覆刪除
  9. 最憎人玩歧視,正所謂他朝君體也相同!哼!唔使理佢!

    回覆刪除
  10. 唔好嬲喇!不過種族歧視呢家野真係好多地方仲存在,睇你好唔好彩.

    回覆刪除
  11. 佢一定激得你好慶,要你出手寫complaint,不過呢d地方都一定唔會再幫襯。

    回覆刪除
    回覆
    1. 無錯...我咁懶有幾可寫信...仲要係英文....
      我唔會再去南非~

      刪除
  12. MY █▄❤vҼ 好姊妹*•☾☁・゚晚安。☆*★¤
    \(。◕ヮ^)/*☾*月亮*★*星星*☆*乖乖*☼*伴隨甜夢♣*¨*✿
    ﹒‧°°﹒°.﹒‧°°﹒°.﹒‧°°﹒‧°﹒﹒‧°°﹒°.﹒‧°°﹒
    ▀██▀─▄███▄─▀██─██▀██▀▀█●•٠
    ─██─███─███─██─██─██▄█●•٠
    ─██─▀██▄██▀─▀█▄█▀─██▀█●•٠
    ─██▄▄█▀▀▀─────▀──▄██▄▄█●•٠
    - ҈ -《天》- ҈ -《天》- ҈ -《快》- ҈ -《樂》- ҈ -

    回覆刪除
  13. 純檢查就好了
    我的母親 THR 開始咳, SAT 同她看醫生.
    小T 都要小心身體!

    回覆刪除
    回覆
    1. 謝謝關心~你都要小心身體
      希望你媽媽快d好番啦~

      刪除
  14. 我作為天字第n號粉絲也好失望。
    想問下chill out cafe 有無得戚熱狗呀﹖
    好奇問一下,下年度的旅行準備去邊呀﹖

    回覆刪除
    回覆
    1. 哈哈到底第n號呀你
      有5款熱狗...但無得戚熱狗的
      咩都未訂...遲下先講

      刪除
  15. 媽媽同小t都要身體健康呀!!!
    野生動物園係重點項目喎,搞咩咁慘,草草落幕架???
    唉,歧視lee家嘢邊度都有,真係睇下好唔好彩。不過,遇到既時候又確係嬲既,雖然話complain未必有用,都要反映,你做得啱呀。

    回覆刪除
    回覆
    1. 知道了~
      無錯!!!!!!落雨哥下真係心碎了~~~~~~咩都睇唔到..又凍喎~
      因為哥一刻我真係嬲震天~~

      刪除
  16. 坐架咁嘅車睇動物都幾有風味.
    歧視......我以為自己不嬲只係崇優,少少歧視庸劣,之前唔見b事件先發現我嘅歧視都好嚴重,要學習/改善.

    回覆刪除
    回覆
    1. 都ok...不過其實坐得唔舒服的~
      請問b事件係咩呀???

      刪除
    2. 九龍城搶b事件,啱啱新聞有突破進展,完全唔覺得意外.

      刪除
    3. 0我~你講緊呢單~
      哥個阿媽真係好癲~

      刪除
  17. 比著我一定鬧爆佢啦(用廣東話),又會盡快調較好心情,唔好比條黑柴影響我旅行的心情

    回覆刪除