2013年11月27日 星期三

南非觀獸美食之旅2013-10-25第五天Part 2(晴天)

好~攰~呀~終於放工了~~今日仍是ot日....巧累巧累呀.......5點半到6點哥段時間簡直係多到不得了........某一個麻煩既類型仲要特別多!!!!!!做到6點哥時...我成個人簡直有d虛脫狀....有個同事叫我幫佢跟樣野...我聽極都聽唔明.....攰爆~~~聽日自己放自己一日唔ot喇...我個胃食半個鐘頂唔順喇....



2013-10-25

Day 5---Part 2(南非,約翰尼斯堡 South Africa, Johannesburg)
其實整個南非旅行既車程都好短的.....最多都係45分鐘(查實我幾失望的因為我好享受跟團坐車訓覺哥個過程的~~).....最長哥程車終於出現喇~~~就係由約翰尼斯堡市區入去我地呢兩晚既酒店迷城皇宮(The Palace)....要成2個鐘車既呢~到了~好似好有排場呀下~





成個太陽城好似有3-4間酒店...只有我地哥間係5星同最大既....雖然好似好大咁~~但我唔覺得豪華喎.....行去房哥程路超遠...可能有好多間房既關係....但走廊位我就覺得好舊~~係舊式哥隻大酒店~我唔係幾鐘意~





入到房~~大係幾大~~但設備哥d唔算靚仲有少少老土~露台向樹林....導遊仲叫我地開完窗記得關....因為可能會有猩猩走入黎...而佢地走入黎所整爛野既損失係由我地承擔............





之後放低野我地就去左我地酒店9樓既King Tower觀景台影影相.....可以睇哂整個迷城皇宮的~





見仲未到集合時間食飯~所以再落番大堂周圍行下~影下相~





我地酒店既泳池...都幾大下~~但咁凍我先唔會游~(你係唔識游囉好無~)




集合左之後我地就搭酒店既shuttle去另一間同範圍既The Sun City酒店食飯...呢晚係食:太陽城自助餐





望望有咩食先~唔算多~最好味係第一幅圖哥個即場既煎雞~煎得肉嫩多汁~沙律部都唔錯~~d沙律撈得好出色~~係我鐘意既類型~~~





咖哩角同春卷都好難食有陣中東味的~





甜品更加令人提唔起勁~




呢晚我都係唔敢多吃~樣樣食少少就算~(如果我無事既話我會主攻雞同沙律~~)




呢日既手信~很少~南非真係無咩野買~~~~






下年既第一個旅行已在如火如荼中....

上網睇機票睇酒店~~~
不過依家仲未抽假期....
所以不宜多說~~驚佢小氣呀~~~
但係個心情已經好似就黎去咁囉~~~
緊張~~~

50 則留言:

  1. 有猩猩走入黎...而佢地走入黎所整爛野既損失係由你地承擔...咁都得

    回覆刪除
  2. 妳真係好~~~~又諗住放假去旅行~~~其實妳一年有幾多日假,還是有得儲假架

    回覆刪除
  3. 又好感動啦 !!! 我係其中之一 ^3^~ 愛妳
    好想快d知下個旅行去邊度 可唔可以偷偷話我知 XD

    回覆刪除
    回覆
    1. 無錯~我無時無刻記住你~
      可以呀~我whatsapp話你知啦~

      刪除
  4. 無計啦,間酒店都好耐喇,古董d咁啦,但十年前果時我巧滿足啦
    哈哈,去南非真係可以好慳家架,而且我又唔係好鍾意佢地d嘢,真係想洗錢都難,但果時其他團友就大出血,買diamond同乾包魚,巧富貴呀
    去旅行真係巧開心架,希望出年我都可以最少去兩次啦

    回覆刪除
    回覆
    1. 十年後d裝修真係唔係好掂~~~~
      真係好難洗錢~~所以我係好後悔換多左錢~~~我地都有兩三個團友買鑽石~~
      我想去4次~~~~

      刪除
  5. 係喎,你好似有好多假期喎,你打政府工定私人公司工呀

    回覆刪除
    回覆
    1. 其實澳門好多工都有好多假架~不論政府定私人都係~

      刪除
  6. 洗完白白...全身加BB油就不會乾和成身都好痕呢
    \(^▽◕。)/嘻嘻..去見周公子喇喂..呵呵呵
    ✿*゚¨゚*.:。✿.。εїз.✿*゚¨゚*.:。✿.。εїз.✿*゚¨゚*.:。✿.。

    回覆刪除
  7. 等我...我下個禮拜弱勢回歸=_+

    回覆刪除
  8. Hi 小t,辛苦就唔好O.T. 喇!身體要緊呀!Day 5 Part 2 迷城我去哥時是新開架洒店!當時好靚喎!現在嘜咁殘舊!遵逰話開完窗記得関是講笑咋!我哥時都係咁講!迷城通往另一邊其他酒店都好多商店行喎又有賭場!Buffet 我就自費往另一在迷城酒店食又o.k喎、因為晩餐團體唔包第一晚囉!開心喇妳咁快plan 定出年去邊度旅行,等我估下妳去邊度旅行先!估度話妳知!bye!

    回覆刪除
  9. 好怕中東味, 食物仲恐怖!

    回覆刪除
  10. 我諗我去完呢度返黎既話,一定會瘦左,啲食物咁款,實在唔啱食。

    回覆刪除
  11. 吓真係會有猩猩架?迷城皇宮又幾大喎,不過真係得個大字.

    回覆刪除
  12. 你要保重身體, 身體唔好, 多多錢補唔番回來.

    聽說. 中國在金磚五國中, 基建最好, 因為唔似得南非和巴西和印度, 想要由一個城市去另一城市, 大多都無高鐵和公路, 只有內陸機, 看你咁講, 又真係好真囉. 我諗, 中國最能在這五國中脫穎而出, 能夠跟歐盟和美國競爭.

    回覆刪除
  13. 我以為迷城會金光燦爛,睇嚟好低調!
    南非手信喺鑽石麻:-):-)

    回覆刪除
  14. 哈,你都幾得意喎,鍾意坐車,我好怕坐長程,坐完好攰的。
    cape town 真係靚好多呢,睇咗你lee個遊記,我真係會將南非排到我個travel list 好尾嗰啲位囉。
    希望你抽中假期,快啲話我知你去邊啦,睇我同你一齊期待嘛,hehe

    回覆刪除
    回覆
    1. 我平時都好怕~~不過今次就嫌唔夠~~

      刪除
  15. D手信睇得出係夾硬買~~~
    酒店以外既地方好多枯樹呀,咁先似我心目中的非洲

    回覆刪除
  16. "驚佢小氣" hahaha......小t 真係好可愛~~~ 好啦 咁我會耐心等你 喺適當嘅時間宣佈下一個旅行地點 la~~~^^

    回覆刪除
    回覆
    1. wakakka~等我抽到假訂好野時我就會公佈

      刪除
  17. 哈哈~ 真係有腥腥入房咁驚~~~? 出面棵樹, D葉OR花,係紫色既 ? 好靚呀 !

    回覆刪除
    回覆
    1. 我都唔知呀~導遊係咁講~~
      係呀佢地有好多紫色樹~

      刪除
  18. 仲有邊度未去呀妳.......釣魚台??

    回覆刪除
  19. Hi小t,連續二日冇寫blog ,咩事喇!去街冇時間寫,定是身體唔舒服呀!有些擔心囉?take care!!!!

    回覆刪除