2013年11月22日 星期五

南非觀獸美食之旅2013-10-24第四天Part 1(晴天)

今日請左鐘出去搞葡國護照......我都唔想搞架!!!但係為左出年既大旅行...咁就唯有死死地氣去搞啦~~不過真係好多人搞...唔該哂幫我搞既人兄~~為左本葡國護照...而令我諗起要係呢5年好好咁用呢本護照去一d係葡國護照先唔使簽證既地方去旅行......諗頭多多!!



2013-10-24
Day 4---Part 1(南非,開普敦 South Africa,Cape Town->約翰尼斯堡 Johannesburg)
咦~今朝早既桌山又變得好清楚喎~~~好靚呀~~~可惜最後一日係開普敦喇~~~~我好唔捨得間酒店呀~~~~




今日落到去食早餐....原來可以叫佢整其他既蛋類早餐....我地要左egg benedict~~~~好靚呀整得~~~~




唔止有外貌~~~內裏都好得~~~~~仲好好味~~~流心情況理想~~~~




同埋食左少少其他野啦~~~係呢度食早餐真係好享受~




上番房諗住去個廁所再攞埋隨身行李就落去集合~點知臨走一望出窗外....華....個海灣咁多雀既!!!好恐怖!!!成個海灣都係~~~~~兜個彎咁飛番出去.....打冷震...我係咪睇到大遷徙呀~~




好喇~呢日我地就要離開開普敦了....乘坐南非航空09:50起飛既SA322班機飛去約翰尼斯堡(Johannesburg)....拜拜了Cape Town~拜拜了大美的大西洋~




臨上機前係duty free神秘團友為左散咁d南非錢....佢走去買左呢4罐罐頭....分別係:猛獸醬...鱷魚醬...鴕鳥醬...羚羊醬...........華...好無味架.....我真係好想知....猛獸既成份係咩......聽到都覺得唔好味...唔知佢會唔會請少少我食呢??




好喇~隻機11:50分到約翰尼斯堡....第一樣去做既事就係去食中午飯~今日好恐怖呀....團餐既介紹係:南非百獸宴......餐廳既裝修都好森林feel...唔知係咪襯番呢餐呢~




一坐低就有沙律食...d沙律唔錯~




咦~~~~d湯係豆蓉湯~~唔鐘意~~




有好多唔同動物食...佢會行埋每個人身邊切d肉俾你...首先佢會介紹係咩肉.....驚喜既係佢識講廣東話d動物名喎!!!!!哈哈...不過好恐怖呀佢好似想殺左我媽媽咁~~~~




我地通常每兩個人先要一舊仔肉試下...因為實在太多肉...食唔哂...好漏...同埋有d亦唔算太好食.....烤得又硬.....又鹹.....有一隻飛羚又確係唔錯地幾好食既....同埋食左鱷魚..雞...豬...牛...之類之類....其他最特別就食過斑馬肉......唔覺得有咩特別....又無咩特別味....只係覺得係肉一舊...仲好鞋




其間仲有d粟米整成既糕狀物體俾你食...不過無味既....要加汁食的.....




甜品.....唔好味...d生果好似好唔新鮮咁....林pat pat既..




食飽飯就去左獅子園(Lion Park).....本身都無咩期望的...心諗:咪同長隆哥d一樣!!




wow.....又話可以同獅子仔埋身影相既....我目測呢幾隻唔係叫獅子"仔"下話?!?!?!?!!?!?!?!?有少少劣喎.....




咁大隻喎!!!!!!!!!!!!!!!!!!!!!!!!好驚喎!!!!!!!!!!雖然佢做d磨爪既野好似貓je...但真係一大隻獅子黎架喎...都係唔好行咁近!!!!




籠內有一隻白獅子呢....呢隻好似乖d喎~




好啦~我鼓起勇氣啦~(都係好有距離~)




毛寶同我講話佢好乖唔郁架叫我掂下佢...我傻到真係聽你講...我一掂佢佢就反抗!!!!!嚇到我想賴屎即刻彈開...又俾你影到我驚驚青青!!!!!!但張相好似我蝦緊佢咁~




除左獅子外仲有其他動物睇...........咦!!!!!!有丁滿呀!!!!(丁滿大家知唔知係咩???係迪士尼既獅子王裏面既丁滿與彭彭呀!!!!我哥代既人應該會知~)




好得意呀!!!!!!!企係度哥隻唔知係咪首領!!!!好神氣!!!








好開心呀~~~~
星期五放工~~~
頭先食左超多野~~~
首先睇左陣書~~~
之後去左食榮江上海野~~~
今晚簡直係有水準~~
糖醋蝦仁好好味~~~~
食之後仲行左去十月初五街哥頭...
diana話我知搞緊有個叫懷舊街...
成條街都賣緊以前d野食野玩~~
頭先行左一圈~~~
有小時候的味道呀~~~~~
叮叮糖啦~~紅豆餅啦~~棉花糖啦~~餅乾夾麥芽糖啦~~
好過癮呀~~~~
(死喇...我又係度懷舊喇...我老了....)
無計...我呢個周末要盡情玩~~~
因為我下個禮拜又要接受新挑戰喇.....



唔知點解依家我一到夜晚9點幾..
雙手雙腳都好痕.......
好似又出緊風lan.....唔知搞咩..
好準時下架喎~
依家一路打blog....
雙手手掌一路發癢到好似想爆開...



我整左個投票欄係左手邊哥欄野度...
想知道大家鐘意睇我寫咩多~~
得閒又手痕就投下~~
(不過最後可能我都係按自己鐘意寫乜就寫乜~~wakakka)

42 則留言:

  1. 是乾燥嗎?
    有用無皂性沐浴露嗎?

    回覆刪除
    回覆
    1. 我都唔知呀...但係痕之中...又出少少風lan咁我都唔知想點...
      無呀...我唔識喎~~我研究下先~~

      刪除
  2. 個獅子園真係好hea wor
    不過隻白獅子都幾cute cute ^-^
    baby加油比心機 迎接新挑戰 ^-^ 支持你 !

    回覆刪除
    回覆
    1. 無錯呢~~~不過幾好玩~~
      我今日有加油的..但係幾有壓力...

      刪除
  3. 我果時去食百獸宴係buffet形色,d唔知咩肉,好鞋唔好食
    咁多雀仔令我諗起果套電影........bird,驚驚
    你都真係好多林沈嘢喎,食中藥調理下好喎,仲要加強抵抗力呀!!!!

    回覆刪除
    回覆
    1. d肉真係好鞋..好難頂~~~~
      真係幾恐怖~~~~我都打左個冷震~~~
      係啦....好似咩病我都有少少份咁...唉..

      刪除
  4. ★*゚゚*★∵★*゚゚*★∵★*゚゚*★∵★*゚゚*★
     .∧_∧
     ( ・ω・ )
     |⊃/(___┈•°♬♦•☾・゚。┈・゚♩•*┈•♪¤┈♦・゚★♫¤
    /└-(____/
     ̄ ̄ ̄ ̄ ̄ ̄┈┈Zzz┈┈Good night┈┈Zzz┈┈
    ஜღೋ۩۞۩ஜღೋ۩۞۩ஜღೋ۩۞۩ஜღೋ۩۞۩
    天天上網享受一班好姊妹&好朋友。•°*.真的不會孤單
    一天過得真係好快✿剛剛還說早晨✿轉眼又晚安☁
    ♥ ˚ •。\(*⌒▽◕)/☆MY █▄ϑVҼ 好姊妹`*•ღ`*•ƸӜƷ
    ¤Ѽ`幸福歡樂唔少得¤Ѽ`窩心錫錫又快樂抱抱¤Ѽ`
    っˆヮˆ)っ❉•:。*░H░A░P░P░Y░•*¨*✿星期六•*¨*ʚïɞ
    ♣ø¤º°¨°º¤ø„♧„ø¤º°¨°º¤ø„♣„ø¤º°¨°º¤ø„♧„ø¤º°¨°º¤ø♣

    回覆刪除
  5. 咁快已經plan咗出年去邊旅行?

    回覆刪除
  6. 我一直都用葡國護照冇搞澳門特區護照,所以去東歐歌陣冇印仔.../.\
    種有D獅子仔都幾得意丫>W<唔好驚佢地啦!!
    10月初五街有懷舊美食街*0*唔知D野食貴唔貴呢/3\
    而且最近都好忙...~

    回覆刪除
    回覆
    1. 哈哈..如果特區護照可去我的我盡量會用..因為葡國護照一續期就會收番無得留念....
      好得意但好大隻嘛~~梗係驚~~~
      都唔算貴呀~~~

      刪除
  7. 係咪乾燥呀??唔好R呀??搽CREAM呀))))
    猛獸醬??聽到都......唔係好想食@@......你試左未呀......

    回覆刪除
    回覆
    1. 真係好鬼痕~~好難頂~~~
      我無試呀~~都唔係我買既~~~

      刪除
  8. 嗰個切肉環節有d驚險。哈哈,你都幾kawaii,隻獅子仔好似狗咁大隻咋喎,睇你平時唔似咁細膽㗎。都話澳門人好過香港人啦,葡國䕶照去美國免簽証(咁你即係plan去美國啦),我哋無論bno抑或特區䕶照都要申請US Visa。好奇問句,你哋係咪有葡國居留權㗎。

    回覆刪除
    回覆
    1. 無錯~~有d驚~~
      哈哈~~好多人都係咁話..睇我咁大舊...估唔到我咁細膽~~~~~
      唔係呀~~~唔係去美國呀...係因為我想去哥個地方要搞葡護...所以我有諗過去美國咋~~如果唔係都唔會諗去美國住~~(因之前去過~~雖然美國很大....)
      咦~我都唔係咁清楚..但應該係有...因為我地攞得葡護就一定有葡國公民證....出入葡國都係用公民證就ok...當年去法國住都係用葡護..

      刪除
  9. 妳又叫人投,但又可能按自己鐘意寫~~~咁即係點呀、講咗等於冇講????
    D早餐好正呀~~~~葡國護照.....有幾多個地方唔使簽證呀?

    回覆刪除
  10. 秋風起你來痕..... 你要搽D LOTION呢, 我每日都要搽咖, 因為乾燥, 唔搽我就痕死了

    回覆刪除
    回覆
    1. 我有呀~~~仲搽左好多呀~~~救命~~~

      刪除
  11. 投票項目無得揀“七公子”嘅😡

    回覆刪除
  12. 我樣樣都鍾意睇,所以全部揀晒~
    加油!

    回覆刪除
    回覆
    1. 華~~好多謝你既讚賞呀~~~我會努力的~~

      刪除
  13. 個egg benedict好正! btw, 你用葡國護照去邊?

    回覆刪除
    回覆
    1. 哈哈~~好味~~
      咪我成日問你哥度囉~~~用特區護照簽好貴呀成千幾蚊..葡護平好多呀~~

      刪除
  14. 就咁同獅子仔影相你都幾勇!!
    個投票......太難,原來嗰三樣我都係咁想睇,不如你加多項"自己",咁就好容易選到三樣出嚟嘞.

    回覆刪除
    回覆
    1. 係呀le~~~我都為我自己拍手~~~~
      車~~呢3樣都係關於我架喎~

      刪除
  15. 貢快又準備出年大旅行LA..真HAPPY 呀..我都好想PLAN ar..wuwwuwu
    可能天氣太乾燥ar,我一乾燥d皮膚就發顛貢痕gar la,仲起左d紅粒粒,而家我唔用淋浴露gar,改用d天然soap..再搽多d body lotion..終於好番..希望呢個冬天都ok la. 你都試改用下d soap la..
    獅子bb好得意ar..真係似金毛bb狗多d..wakakak..好想抱下..

    回覆刪除
    回覆
    1. 係因為迫我一定要plan架...因為我地年尾抽假喇~~~~~
      真係好痕~~我有搽野呀但都係好痕~~~~~~有一年冬天又係咁...但前兩年又無...都唔知點~~
      waakakkaa~去到見到佢成隻狗咁大隻你就會唔敢架喇~~~~~

      刪除
  16. 好八卦,好想知你個大旅行去邊度啫?
    個egg benedict 好似好好味咁呀,好鬼想食。嗰個野獸餐宴就......
    白獅很可愛,很想摸摸,但又驚佢會抓我,我諗我都唔敢掂佢。
    嗰啲狐獴都好可愛,我之前喺巴士睇過段片,有隻負責睇水既狐獴睇睇下水,企喺度嗑眼瞓,好搞笑。之後,我就鍾意咗佢地囉,哈哈。

    回覆刪除
    回覆
    1. hehe~我未訂野~~~遲少少話你知呀下~~~~
      好味呀~~~整得好流心~~~~~百獸宴再請我都唔食呀!!!
      wakaakkakakak~~~~唔係咁搞野呀下~~~~~~企係度訓著~~~佢地真係好討人喜歡~~~~

      刪除
  17. Hi小t,搞葡國passport ,去邊到旅行呀!早餐旦好正喎!猛獸醤我個時去都冇得賣架!百獸寞我都食過、但就覺得冇咩特別呀、Lion Park 我有抱起獅子仔一齊影相呀!,牠們都好乘架!點解妳會咁驚呀?十月初五街懷舊街搞到幾時呀?因為我十二月9 號會去澳門一轉?bye!!!

    回覆刪除
    回覆
    1. 未訂野咋....所以唔講住...
      好似懷舊街11月尾完喇

      刪除
  18. 猛獸醬?鱷魚醬?鴕鳥醬?羚羊醬?吹脹 ......
    同仙巴做朋友?您好驚喎!

    回覆刪除
  19. 猛獸醬會唔會係d帶子老虎個尐呢?
    你會唔會係濕疹呀?近排好多人係咁,連我冇出開濕疹的人都出咗...=.=

    回覆刪除