2013年11月20日 星期三

南非觀獸美食之旅2013-10-23第三天Part 3(晴天)

今日同噚日一樣.....煩哥d野都係一樣.....同類型既申請......都係自己解決不了的~不過今日叫做輕鬆左架喇~今日發生最好既事係....早餐食左個好好味既肥仔記~同埋今天見過想見的人一面~(雖然真係得一面~)



2013-10-23

Day 3---Part 3(南非,開普敦 South Africa,Cape Town)
食飽飯之後我地就去左參觀企鵝灘(Penguin Island)~





企鵝住的地方好美呀~~~~~




華~見到喇~~~鬼鬼祟祟咁~~~南非的企鵝是爵士企鵝~~






好可愛呢~~~舒舒服服的在樹葉上曬太陽呢~






再行落少少~~海邊既大石有好多隻既企鵝呢~~~~






這個企鵝仔住既海邊也是超級的大風大浪~聽講呢邊d屋唔係好值錢....因為d企鵝仔d巢越起越上~超接近民居~加上企鵝仔們係超級的嘈吵呢~~






成批企鵝面向太陽嘆世界~




講真...我真係有少少低b~我開頭以為個企鵝灘係無圍欄可以俾我地衝過去近距離接觸的~~~如果係咁既話d企鵝仔應該會俾d遊人煩死~~(包括我~)







見到有好多隻企鵝因為就黎夏天~甩緊毛~



離開企鵝灘~我地就黎到我認為黎南非既重點行程之一:好望角(Cape of Good Hope)~~~~登上好望角的角點(Cape Point)......係坐欖車上去的呢~~






上到去~風景不錯喎~~~




登上最高點的燈塔有百幾級樓梯...多就唔多...但我覺得好難行...因為d級好高.....又係一舊舊既石咁.....行到我氣來氣喘~




幾經辛苦上到黎~(我講我~)....最前面舊石就係角點喇~雖然大家都認為呢度係非洲最南點....但原來導遊話係160公里外有一個點比呢個更南...只係大家講慣左好望角就是最南點~左面的海係印度洋...右面的是大西洋......而角點就係呢兩個洋既交界...超級爆勁的大風!!!好似企都企唔穩咁...由於呢度長年都係咁大風....被譽為"暴風之角"....今日我終於見識過~介紹紙上面仲有寫.....由於呢度亦係西岸冷流同東岸暖流既交界.....有機會既話會睇到冷暖流既一條白色交界線....不過導遊話佢黎過咁多次都係睇過一次咁大把~所以都無寄予厚望~




係度大約逗留左5分鐘影相就落番樓級~~因為真係好大風~吹都頭都甩~好彩有著風褸~








週末很想去看看飢餓遊戲2呢~

但問題是:我還沒有看飢餓遊戲1呢~



唔知大家有無睇修哥四哥同joe仔做既3個小生去旅行呢?

我覺得真係幾好睇喎~~~
一個咁新形式既旅遊節目...
真係睇得好開心~~~
尤其係修哥一路扭腰一路煮西班牙海鮮飯時..
真係笑屎我了~~~
仲有今朝係fb仲睇到一段短片..
係四哥講粗口叫joe仔快d...
笑了~~~~佢地3個好可愛~
今晚繼續追先~~~~~~

42 則留言:

  1. 不過3個小生去旅行係參考韓國既綜藝節目既呢XDDD
    企鵝好可愛呢~~~好望角既景色都好靚~~~~
    睇左你依幾日既遊記~~同我心目中既南美好唔同呢XDDD 好now仔 hahaha

    回覆刪除
    回覆
    1. 係呀~~~原來又係抄架~~~~算啦~~好睇就算~~
      好靚呀真係~~眼界大開呢~~
      baby係南非~~唔係南美洲呀~~我仲未有錢去南美洲...不過我會努力的~

      刪除
    2. 我打錯左字呀XDD hahaha

      刪除
    3. 但我真的很想去南美呢~

      刪除
  2. 沒追三個小生,等我上MYTV睇睇先

    回覆刪除
    回覆
    1. 你就好啦~~有得mytv~~我地澳門無得睇架~

      刪除
  3. 搞掂哂屋企囉...可以天天繼續開心停不了...重回blog界
    參觀企鵝灘...鵝也黎左喇*¨哈哈•

    回覆刪除
  4. 最後一張相效果好好喎!有人說南非海鮮好正,真的嗎?

    回覆刪除
    回覆
    1. 我都好鐘意哥張~~
      我覺得佢d海鮮唔正喎~

      刪除
  5. 妳見到暗戀嘅人,有冇同佢打招呼呀~~~~~
    飢餓遊戲2~~~我都想去睇,因女主角好型又靚

    回覆刪除
    回覆
    1. 哈哈~你又知係暗戀~可能我係明戀呢~
      不過我仲未睇第一集~

      刪除
    2. 咁咪恭喜妳~~~~快嫁人啦

      刪除
    3. wakakaka~邊有咁幸運嫁人啦~

      刪除
  6. 哈哈,d企鵝真係好得意呀。易啦,網上可以睇番hunger game 1㗎嘛。我個人覺得三個小生,應該係曾江、謝賢同胡楓。話哂曾江都係architect出身,講Gaudi嘅建築,一定好過胡楓。同埋覺得胡楓好縮骨同似老賣老,比親錢同排隊買車飛,都點Joe Junior去做。

    回覆刪除
    回覆
    1. 係呀~~~有無咩網推介睇番呀~~~~企鵝真係好搞鬼~~~~
      原來曾江咁勁架~~~
      我都好鐘意gaudi既建築~想再去睇多次~~

      刪除
  7. tempting. i want to go to see the penguins too.

    回覆刪除
  8. 你醒呀,記得著有帽風褸,如果唔係你諗下你個頭會吹成點……..
    除咗南非有睇過企鵝,我去澳洲都睇過,但在夜晚睇,睇佢地由大海返上岸,都好鬼死得意架,不過就無得好似南非咁近距離睇,我地只可似坐響海灘上睇佢地上岸
    係喎,有無諗過去澳洲玩,雖然我係跟團去,但我覺得真係好好玩,有動有靜,不過跟團真係好辛苦,兩日都要坐一次內陸機,仲係要零晨四五點fall-in出機場,坐個零鐘機,一落機就玩,超辛苦,不過成個trip超正,搞到我想去多次tim^^.

    回覆刪除
    回覆
    1. 哈哈~~吹到好樣衰囉~~我知架~~所以我先帶~~同埋擋一擋風真係差好遠~~~
      係呀~~咁我去澳洲唔睇企鵝lu~聽講要坐好耐車去架喎係咪呀???
      有呀有諗過去呀~計劃中~

      刪除
  9. 上到去真係好大風喎.....張張相都咁藍,勁好天!!
    3個小生真係勁好睇,修哥好攪笑.....互串互窒好真實^^

    回覆刪除
    回覆
    1. 我地好彩~~因為之前我見d人去都陰天落雨的~
      無錯~~我依家晚晚追~~

      刪除
  10. 我終於有時間去你個blog睇番之前d posts
    南非天氣好好wor, 日日藍天
    你去睇左企鵝, 咁唔洗去melbourne
    見過想見的人一面? 誰人呀?
    我晚晚都有睇3個小生去旅行, 修哥好得意, haha

    回覆刪除
    回覆
    1. 恭喜你終於完成你既每年大事~~
      9月去真係唔錯~~又唔怕太凍又唔怕太熱~~
      哈哈~~但毛寶又話melbourne有好多藝術野~~~
      我依家晚晚都有追架~~~
      我今晚whatsapp下你先~~有野問你~~

      刪除
  11. 你條衰女啲甫士幾得嗰喎,三張都幾好,最尾幅簡直係超模.
    非洲之南兩大洋之間,本身頗浪費,應和另一半海誓山盟才對!!
    飢餓2唔想睇啦,反而想睇封后之作,好似係譽為歷來最得啖笑影后.

    回覆刪除
    回覆
    1. 咦~你讚緊我呀?今日既太陽係咪係西邊升起呀~~~~~
      wakakakak~你呢個賣點唔錯!~~你可以帶團....重點係:帶情侶去海誓山盟~~
      封后之作我已睇左....又唔覺得佢真係勁到攞影后...成套戲睇完我其實有少少流汗...

      刪除
  12. 企鵝得意個海豹好多呢,咁近距離睇都幾開心喎。
    你地啲相影到好似postcard咁,叻叻。
    噚晚睇咗少少3個小生,都幾好笑,最鍾意修修,hehe。

    回覆刪除
    回覆
    1. wakakak~好衰架~唔準咁話海豹仔架~~~~
      哈哈~~似postcard哥d應該係毛寶影的~~
      哈哈~~佢地真係好好笑~~

      刪除
  13. WOW..企鵝ar..又係我至like動物之一..肥嘟嘟..傻傻下貢行真係好得意ar!!可以貢近距離睇佢地實在太happy la!!!
    你個衰野最尾張相又真係影得幾唔錯ar!!!!!
    3個小生我都有晚晚追呀..修修講野真係幾搞笑,失驚無神爆句出黎...wakakakak

    回覆刪除
    回覆
    1. 哈哈~~但係佢地好懶~~淨係掛住曬太陽~~
      好衰架~~~又讚人既~~~
      無錯無錯~~~佢地3個真係好搞野~~~~~~

      刪除
  14. Hi 小t,今日又要O.T.好彩趕得切返屋企,想見到過人都見到,心情一定好靚喇!(Penguin Island ) 我去果時可以同企鵝近距離接觸架!佢地企鵝仔起可愛!仲可以同企鵝一起在沙灘影相架!可能現在要保護企鵝喇!好望角可以寄postcard返屋企架!妳有冇寄Postcard ?導遊有冇同妳在大西洋和印度洋中間影一張紀念相呀?最尾張相好有超模l 同明星feel 好正!!!三個小生good show ,修哥同四哥都好攪笑!bye!

    回覆刪除
  15. 咁大風, 真係海邊都凍呢

    回覆刪除
  16. 企鵝仔肥o都o都好鬼得意!

    回覆刪除
  17. 原來小T 心泛春潮, 見想見的人一面已足夠了. 哈哈!

    回覆刪除
  18. 啲企鵝真係超得意呀, 搞到我都好想去南非親親大自然!

    回覆刪除
    回覆
    1. 南非有好有唔好啦~大自然的景唔錯~

      刪除