2013年11月19日 星期二

南非觀獸美食之旅2013-10-23第三天Part 2(晴天)

今日中午本身只係想食兩塊方包加杯即沖湯....但天氣漸涼...所以加一個媽媽隔夜的咖啡包....係食緊方包既時候媽媽番到黎同我講買左粉果俾我食...我同佢講:咁我唔食咖啡包喇你食番啦我食粉果~......點知食完粉果之後聞到係電飯煲整熱緊既咖啡包香氣非凡(係呀電飯煲可以當多士爐架幾方便~)....所以我又同媽媽講:er...我食一啖啦...........點知一咬...omg...............................我把整條吞下........葡京餅房出品的咖啡包真係好味到癲!!!!!!!!!!!!!!!!!!!!整熱之後包既質感像牛角包......還有濃濃香香的咖啡味........好食到...重點係...我媽媽係用5.5元買番黎架!!(七點後半價!!).......酒店出品...仲要半價....仲要咁好味!!!!肥屎都抵!!!!!!!!



2013-10-23
Day 3---Part 2(南非,開普敦 South Africa,Cape Town)
睇完海豹逛埋跳蚤市場~就坐大約45分鐘車去康士坦尼亞酒園(Groot Constantia Winery)度wine tasting~








一坐低就即刻試酒....介紹都無.....紅酒試左Cabernet Sauvignon 2011....同埋Gouverneurs Reserve 2011




另外仲試左其他白酒呀之類之類咁....講真~我唔識飲d酒靚唔靚正唔正...只能以個人口味講....d酒都好淡口下...




試酒既時候有餅俾我地送酒~南非既餅乾~幾好味不過幾肥下~




試酒既過程30分鐘左右...來去匆匆~趕頭趕命feel~我地就無買~不過同團d團友有~




等上車期間跑去佢個葡萄園影下相~






依家係春天~小葡萄剛剛長出來的~~




之後就去左食中午飯喇~~




餐廳係沙灘度架~~~所以係對住個靚海景食飯~




不知名的湯...有點鹹~




d醬用黎點因間既主菜~有檸檬牛油..一個係辣辣地既汁...另一個係蒜蓉醬~




今日既特色餐係:海景餐廳品嚐原隻龍蝦海鮮拼盤...下圖的中間係魚(一般)......右上角係炸魷魚(質感有d林...軟...不過味道很好吃~~~)....龍蝦都唔錯~....左下角的青口就醬汁太濃味了~






甜品~普通的雲呢拿同朱古力雪糕一杯~不過不失~不過好過食甜椰椰哥d蛋糕~




飲湯時有d麵包淨(說到尾d麵包係又硬又唔好食有牛油都救唔番哥隻~)...於是我地攞出去餵海鷗呢~~~睇下d人玩得幾開心~~~好多阿鷗呀~~~






我阿娘真係引到好多阿鷗~代價係:我地四個人都有鷗屎係身!!!!!!!!!!!好彩係滴係風褸唔係頭咋~~~~(睇片前請收細聲響~因風聲很大~~~~而且我的笑聲也很大~)




d彩色小屋有點像澳洲的海灘嗎??




上車前玩番個有海景既韆鞦呀先~~~~毛寶你個身好萎縮~~






好彩我中午食得夠多野咋...
下午一番工做既第一隻野就係麻煩野...
搞左好耐不特止.......
做完之後呢個既跟進事項諗到我頭都大...
順得哥情失嫂意......夾在中間真係進退兩難~
整個下午都在多單麻煩野中周旋....
之後好似仲嫌我唔夠衰...
再加多一隻麻煩野....仲要係講英文既....
不過竟然就係因為呢隻英文麻煩野..
幫我順帶地解決埋我之前哥隻既煩惱....
真想老土講句:上天關左你對門...原來真係會開番另一隻窗俾你架!!!!!!
yeah~~放鬆收工~~



一入屋企門口就不停叫:媽咪麻~媽咪麻~媽咪麻~(想嘔嗎?)
我就是那種一定要讓你注意到我的臭小孩~
我媽現在在看半澤直樹呀!!!!!
媽媽加油看~~~不明的我來解答你~~
堺雅人粉絲上~:]

32 則留言:

  1. 見到食物,流晒口水!我去澳門,一定要試葡京餅房的咖啡包。

    回覆刪除
    回覆
    1. wakakaka~~~我依家諗起都好想食呀~~~

      刪除
  2. 伯有第一幅相企得實在太有型!!!
    海鷗幅相影得幾靚......天冇眼,點解你個頭唔中屎......
    鬼唔望伯有係咁踩你新歡堺雅人......

    回覆刪除
    回覆
    1. 哈哈~~~佢不嬲都型~~~
      因為我好醒~我知實中招...所以個頭嬲左風褸~~~如果唔係就一定中硬呀~
      點會呀~我媽都係有taste之人~好似你咁咩

      刪除
    2. 你得唔到佢真傳嗰吓幣呢
      懶醒,你見人人咁做照跟啫
      有tas就會踩堺雅人

      刪除
    3. 唔係呀~~好多人都話我似阿媽喎~~~
      因為之前去北歐有人試過中招所以我地都變醒目了~~~
      有taste就會踩你就真

      刪除
    4. 外表似啫,型嗰吓爭好多囉
      係咪即係指踩木村?

      刪除
  3. 嘩, 呢日天色又好, d野食又正 :)
    仲有想覆番妳問加旅遊地圖個問題, 我早幾日先發現妳個留言, 唔好意思呀。首先係先o係facebook開張地圖, 然後點晒去過o既地方先, 跟住cut左個html語法, 然後o係"版面配置"->"新增小工具"->揀增加"html/javascript", paste番個html語法, 咁就成功架喇

    回覆刪除
    回覆
    1. 無錯~~咁樣去旅行真係幾開心~~~天氣咁好~~
      好多謝你記得我呀~~~~~不過我仲想問一樣.....咩叫cut左html語法呀????問號中~~~

      刪除
    2. 即係喺Facebook度抄咗段HTML嘅JavaScript,然後paste番喺blogger度呀。

      刪除
    3. wakakak~原來佢個page改左野~~無左條html....所以我咪整黎整去都整唔到~~

      刪除
  4. 龍蝦海鮮拼盤好正喎~~~~妳唔係全程都帶住黑超下.......

    回覆刪除
    回覆
    1. 無錯~~~因為我成程無化妝~所以全程黑超~

      刪除
  5. 係囉, 遇到任何煩惱事, 總要處之泰然, 煩惱事好快會一瞬就過去了

    回覆刪除
    回覆
    1. 我知架喇~~~煩事由佢隨風而去啦~~~~

      刪除
  6. 個拼盤好似真係唔錯呀~~~~~
    最鍾意就係彩色屋企o個d架啦>0< 好想去影~~好靚呢
    baby比心機^-^

    回覆刪除
    回覆
    1. 都ok架~~~對比起之前哥晚哥餐呢餐算係咁~~~
      哈哈~~我都好喜歡彩色小屋呢~~~

      刪除
  7. 海鷗d相影得好靚呀
    幾煩都好,總有收工嘅時候,煩嘢留返辨工時間啦,收工繼續happy咪得囉
    好羨慕你可以返屋企lunch,慳唔少$$

    回覆刪除
    回覆
    1. 我都好鐘意海鷗相呢~~毛寶真有品味~~~
      我都知~~~我會睇開d架喇~~~
      咁又係呀仲可以訓埋覺真係幾唔錯的~

      刪除
  8. 我返屋企,如有人在家,我多數會按門鈴,規矩係:無論Bibi 或爸爸開門,應門果個都會錫啖我先入屋既。係咪勁過你?

    回覆刪除
    回覆
    1. 你好野~~~~你嬴了~~~~~~
      不過我有時出門口會錫媽咪一啖囉~~~

      刪除
  9. 你講到個咖啡包咁好吃,搞到我好想試下添。不過你食咗條包,咁你媽咪無得食囉?
    啲境都好靚喎,不過啲嘢咁難食,都幾難令我有去既衝動。
    我好怕咁多鷗呀,就係怕鷗屎,想當年去歐洲都中過招,怕怕。
    仲咩影到毛寶咁呀,好怪呀,哈哈。

    回覆刪除
    回覆
    1. wakakaka~~~我有俾番一啖媽媽食~~~我猛叫佢你食一啖啦...目的係佢咬完一啖成個都係我的~~~~~~
      係錯呀....景靚就淨係開普敦咋.....約翰尼斯堡無架...
      wakakaka~~~其實我地之前都中過~~仲係唔知驚再去玩~~~~
      唔係我影架~~~

      刪除
  10. Hi小t,洒園試紅洒!點解冇買呀!伯母同妳在酒園張相,她post 屎好型囉!中午食飯我都有去食過!龍蝦我都有食!好正下!望住出面無敵大海景、都特別開心d!工作上架野,放咗工就唔好唸住啦!bye!!!

    回覆刪除
  11. 個咖啡包俾你搞到變成大家去澳洲又必買黎既美食之一啦..wakakakak..葡京餅房真係要俾d稿費係ar! :p 不過真係估唔到飯煲竟然可以當多士爐貢用...
    今次個MAIN COURSE靚仔過"燶腸"好多...都好D...
    如果JUST睇7彩小屋張相真係會誤以為個度係澳洲!!..原來其他地方都有既...HEHE
    煩事成日有..總之唔好影響我地放工之後既HAPPY LIFE就好LA..,,ADD OIL LA :P

    回覆刪除
    回覆
    1. wakakakaka~~真係好好味~~我依家諗番起都好想食呀~~~~~如果佢要俾稿費我都唔會拒絕架~~~~~
      係呀~我成日都係咁烘芝士火腿多架~
      係呀~~~咁又真係好過之前哥晚既晚餐多多聲~~起碼入到口先~~~
      我知喇~我會加油~

      刪除
  12. 嘩,你塊面做乜搞到一撻撻?仔女嗲自己,你媽媽不知幾like呀!

    回覆刪除
    回覆
    1. 其實係下巴先係咁~暗瘡印來的~
      真既~咁我繼續嗲喇~

      刪除
  13. 見到碟龍蝦流哂口水囉!

    回覆刪除
  14. 影海鷗d相勁靚!!!!!..我好中意呀

    回覆刪除