2013年11月18日 星期一

南非觀獸美食之旅2013-10-23第三天Part 1(晴天)

今日眼訓到不得了...因為...............星期六:味藏午飯->行去水塘看台睇賽車~~兩個傻仔...行到去三級方程已是最後一圈....嘈到呀~~~哈哈...好彩都睇到賽電單車咋~~~今次係我第二次去睇賽車~~多謝diana的票~...->去左同屋企人食自助餐.....明明就係去金沙城的盛宴...白痴的我走左去銀河既群芳..........我真係好低能............星期日:yoho~過左香港~第一站去左食上環間crepe~...->尖沙咀海港影燈飾..睇爬山用品(唔係我~)->銅鑼灣亂逛~最開心係kapo介紹我去綠野仙踪度買簡體版高木直子~~~正~~~澳門自從宏達賣簡體字書哥間野執左都唔知邊度有得買~~~...->重頭戲!!!!食大閘蟹餐!!!!!好正呀!!!!!!!!!!!!!!.........所以咪搞到我今日好眼訓囉~~~hehe~



2013-10-23

Day 3---Part 1(南非,開普敦 South Africa,Cape Town)
早晨~wow~天氣晴朗~~~望出去既卓山好大霧呢~~如果桌山大霧既話有可能無得上...我睇幾個人既blog都話上唔到...好彩噚日去左喇~~~~~真夠運~~休息左一晚~~~精神好多了~~~




早左起身走落去大堂食早餐~~因為聽講早餐唔錯的~~~所以想慢慢嘆下~~wow~~食早餐的地方也很美~~~採用日光代替電燈既設計令人覺得好醒神~~~仲要係對住桌山食早餐架!!!




首先巡視一下有咩食先~~~種類都幾多喎~睇下淨係麵包都有咁多種!!!仲有好多芝士~~其中有一大舊的任你切....澳門咁大舊哥d係俾你睇同裝飾用的~~







美美~擺到有d似high緊tea咁~好心情~但重點有看出來嗎???早餐有生蠔吃呢~~~~藍芝士也勁爆好吃~~~




再黎多round~~~不過講真~~~我覺得太細隻...不太肥美....幾爽脆~~但蠔味不夠~~早餐吃太多了~~~~




出發~~~天氣超級晴朗~~~~早安呀大西洋~~~




今日我地第一個景點就係就係海豹島(Seal Island)~~~~準備登船去~~~





表面很風平浪靜呢~海水好似有兩種色咁既??




開航後超級的大風~~~最好著風褸登船~~~用黎擋擋風~~~




出左個海港之後.............er.....好大浪呀.......好似港澳打緊風咁既......導遊都唔提下易暈船浪既人食止暈浪丸既....唔夠細心....隻船都幾啷下!!!仲啷過我係冰島睇鯨魚~~~




隻船行左10幾分鐘度就到左海中心既兩舊大石....望真d....好多隻海豹呀~~~~~~~





睇人地個blog講係海豹島附近就會聞到腥臭味....好彩船停定之後都聞唔到.....如果唔係....又大浪又有腥臭味...真係令人不安~~~~~真係好多好多海豹呀~~~~~~





還有動態的海豹島~~~~請先將音量收細先好睇~~因為我驚影哥時大風會錄到超大風聲嚇親大家~~~




上船後係碼頭哥度有一列地攤形式既跳蚤市場(Fela Market)...有好多既傳統工藝品...空心的鴕鳥蛋也有~~好似百幾蚊港紙一隻.....係呢d地攤睇野想買既話一定要講價!!!(好似以前番大陸行街咁...講唔岩價扮走哥隻~)....至於最後抵唔抵見人見智~因為我地講到牙血都流既其中一樣商品.....之後即日翻行昨晚既商場...發現係V&A維多利亞海濱度假區既商場見到一模一樣的....價錢同地攤講價後一樣.....但係商場既乾淨好多(因為地攤貨受風吹日曬...實無咁靚.....)...不過有d貨就商場無既....自己衝量~如果商場賣手信既鋪頭有就平過未講價既地攤貨~不過行下就都係一個好好既體驗既~









今日Mr.出左新歌喇~~

重要係國語歌~~~~
都幾好聽~~叫Merry Christmas to You
慘情歌~岩我聽~
(即係我唔係話我好慘情..係我好鐘意聽je~)
雖然布志綸唱歌好好聽...
不過硬係覺得佢d普通話怪怪的~
哈哈~~



hehe~

堺雅人~堺雅人~堺雅人~
我竟然為左堺雅人...
我走去書櫃攞番本"大家的日本語 1"出黎..
hehhehheheheehe~~~
(雖然我連50音都唔記得哂~~)

32 則留言:

  1. 好得意呀見到d雲圍住座山~~~~
    早餐好似唔錯啵~~~見到d包我都好想食hahaha
    好多海豹好壯觀呀 @@
    我都仲未影海港城~~~
    我應該要推介你去埋the ONE因為有懶懶熊>_<

    回覆刪除
    回覆
    1. 係呀~~~淨係得座山有雲~~好搞野~~~
      wakakak~我覺得早餐真係不得了的唔錯~~算係咁~~~
      係呀~~真係多到成個島都係~~~~
      海港城超多d人呢~~~我知有懶懶呀~~~不過哥日唔係好夠時間呢~~

      刪除
  2. HAH~~我連佢個名點讀都無知AR~~~~~~~係點讀GA:P:P

    回覆刪除
    回覆
    1. 堺讀界~
      下次教埋你日文發音呀~我突然又好想識日文喇~

      刪除
  3. 早餐食蠔幾特別喎
    以為你剩係識乜雅人唔記得布生添......你批評布生添喎......
    嚟香港去東港城呀嘛,有夢芝芝......

    回覆刪除
    回覆
    1. 係呀~~簡直係震驚呀~~~
      點會呀~~~布志綸係我男神嘛~男神點有可能會唔記得呀~~你會唔會唔記得janice man呀
      我都唔好朦豬豬

      刪除
  4. 妳係唔係病都儍下儍下去咗地方呀~~~~~~~~~哈哈哈
    風景好靚~~~~早餐好豐富,仲有蠔食..........有錢人生活

    回覆刪除
    回覆
    1. 哈哈~~我覺得我好傻仔呀~~~
      wakakakak~~~我覺得南非d酒店早餐真係唔錯~~

      刪除
  5. 香港歌手唱國語歌通常我都唔聽,總覺得無法投入

    回覆刪除
    回覆
    1. 何韻詩d國語歌幾唔錯的~我推介~

      刪除
  6. Hi 小t,原來週末、同星期日咁多節目呀!重食埋大閘蟹wor ,有冇好介紹喇、我今年都未去食大閘蟹!對住桌山食早餐正呀!seal island 我去個時又係大浪到有10 幾尺高,遵遊話大危險所以取消行程、我哋隻船大半人暈船浪呀!妳真好彩桌山又上到海豹又睇到真好運!地攤我都有買鴕鳥蛋,我個買一隻要$30 南非錢!bye!!!

    回覆刪除
    回覆
    1. 我都係食番之前食過好食既東海咋
      咁你上次都有兩個行程去唔到喎

      刪除
  7. 豪華早餐,正正正!!
    係呀,d海獅真係巧臭架!!!!!
    金沙城嘅buffet得唔得呀,我淨係食過群芳咋,仲有邊間好呀,HK果d越來越貴,仲要無生蠔食:(

    回覆刪除
    回覆
    1. 早餐真係唔錯~~~
      好彩我去哥時又聞唔到je~~~
      唔....ok啦...唔可以講好好味..熟食哥方面可以話無咩好食...淨係食生蠔咋我都係~不過我聽埋單既人講話中銀卡有75折~幾抵~我覺得mgm好味d...不過幾貴...

      刪除
  8. 我都有本我們的日本語`LOL
    我都好少聽香港d新歌lu~

    回覆刪除
    回覆
    1. 小淳識日文的嗎~~好厲害~~我淨係得本書係度咋~~~
      我都係呀~~~

      刪除
    2. 我學過1個學期JA~已經唔記得7788 lu!

      刪除
    3. 都好叻~~我學過2堂就放棄了~

      刪除
  9. 小t, 我星期日都o係海港城呀, 唔知有冇同妳擦身而過呢^^

    回覆刪除
    回覆
    1. wakakaka~有都唔奇喎~~~我大約點幾鐘係哥度~

      刪除
  10. 每次訪港行程都咁緊湊架?

    回覆刪除
    回覆
    1. 都唔係~~~不過今次4個人每人想睇既野唔同就用多左少少時間同去多左地方啦~

      刪除
  11. ☀大家都開心萬事得•*¨✿•天天繼續開心停不了
    \(*⌒ヮ◕)/❀ ♦哈哈哈⊹•°♬¤話咁快我家裝修完喇喂・゚
    ✳。.❉•:。✬。.❉•:。✳。.❉•:。✬。.❉•:。✬。.❉•:。✳。
    MY █▄❤VҼ ⊹•好姊妹。°晚安。*♦・゚☁•覺覺豬.•*Zzz¤.•*¨✿
    ╔═════ ೋ♦ღ✰★ღೋ♦ ═════╗¸„ø¤º°¨ƸӜƷ
    ❀█▄█.█▀█.█▀█.█▀█.█▄█•°♬。・゚♫¸.•*¨✿
    ❀█▀█.█▀█.█▀▀.█▀▀.─█_•*•♪ღ♩¤✿
    ╚═════ ೋ♦ღ★✰ღೋ♦ ═════╝¸„ø¤º°¨ʚïɞ

    回覆刪除
  12. 好勁!早餐buffet多嘢到……
    真喺早餐無食過生蠔
    超豪!
    香港好多聖誕燈飾,好靚,但喺好多人:-(

    回覆刪除
    回覆
    1. 係呀~~真係幾唔錯既早餐~~~
      我都未試過~係南非係第一次~
      係呀我哥日都係勁多人都係求求其咁影下咋~~

      刪除
  13. 俾我上到船實死,我耳水唔平,暈船浪嘔爆呀!

    回覆刪除
    回覆
    1. 下...好慘喎...咁你平時過黎澳門玩咪好慘??
      搭飛機怕嗎??

      刪除
    2. 要風平浪靜先可以過黎澳門玩,太大浪都唔得架,坐飛機係勁怕囉,耳仔會好唔舒服,所以好少出門囉!

      刪除
    3. 下....但有時好好天都會好大浪架喎...咁你點算呀如果買左飛??

      刪除
  14. 星期日我都喺銅鑼灣,撞唔到你添,哈哈。希望我下次撞到你,同你相認啦喂。
    噢,又大風又大浪,狀態差啲都頂唔順喎。
    比起海豹,鯨魚吸引好多呢。

    回覆刪除
    回覆
    1. 哈哈~~我係銅鑼灣行黎行去行左成3個幾鐘~~又買書又買衫又買野食~下次見到我叫我啦~
      無錯...如果我哥日係頭痛既話我一定頂唔順~~
      我都係咁話~~~~我想再睇鯨魚呢~~

      刪除