鮨幸

不經不覺的來到6月了~~是我的旅行月~~今日第一日著新制服…為左遮住套咁醜既制服…我係30幾度大熱天時著外套~真係熱屎人啦~~~我驚我會熱病~~~….星期六：熱到痴哂線~去左大堂附近間Mctim cafe食飯…..毛寶說旅行前食好d….Mctim都叫食好d?!?!?!?!->學ukulele~學左成兩首歌~….->回毛寶家搞d新既藝術事業~唔知成唔成功呢?->與小公子見面和晚飯~去左食西貢城~諗住去旅行前見一見小公子~~因為會有成個月見唔到佢~~~我驚佢唔認得我地~~好得意呀佢成餐飯笑的~:]…….星期日：星期六的晚上也算早睡(比起平時的週末)….但碌黎碌去也睡不好….星期日的早上一大早9點鬆少少就醒左…唯有爬起床寫寫blog同看康熙來了~…->點知毛寶都超早起身~去左氹仔食橋林既咖哩肉碎撈米~正正~…->又去毛寶家搞藝術事業~~…->同屋企人去稻庭養助食飯~..->超乖~已經開始執野~事實上我噚晚仲執得好high添~



某年某天~我地試左呢間好似話係鮨味亭既新開姊妹店”鮨幸”食飯~位置就係高士德馬里奧條橫街….以前呢間鋪都係做日本野…叫鮪的~

清酒煮藍青口$88…..貴到無朋友……88蚊我應該可以買到好多藍青口….而且佢整得唔係特別正哥下先火!!!!

自家製餃子$36…自家製得你咁難食既……同味藏哥d無得比!!我平時咁鐘意食餃子同唔想浪費野食既大前提下….我都無食哂佢….你就知會有幾難食…

芝心厚燒玉子$52…..芝士溶化情況唔夠理想….味道可以…不過價錢好似有d貴~

壽司算係正常既一環….如果連唔使煮既野都唔正常..呢間野可以執~~~蟹籽三文魚牛油果他他卷$48(ok~)……你話我老土都係咁話…我堅鐘意食黃瓜卷$18的~

三文魚籽壽司$52….偏貴…但好味~

原條日本海鰻壽司$38….外表睇落燒得唔係好夠…但味道食落其實是可以的~

帆立貝壽司$42(好味~)….紋甲魷魚壽司$24(好味又抵食~)….三文魚壽司$18(ok~)

總結：呢間野d壽司唔錯~但係壽司價錢偏貴…….熟食又不敢恭維~而且兩個人每人食成200多~~~~太貴~~~下次自己去鄭中記買番屋企食好過~




今日媽媽去左玩~
無人煮飯我食~~~~好可憐呀~~~
hehe~~~於是我煮左度小月既關廟麵~
配上度小月既低辣鹵肉燥….
wow~關廟麵既醬汁掛麵情況非常理想~~
我近排都好鐘意食佢~~(我知幾肥的~~)
但真係好好味嘛~~~~~忍唔住~
見食完兩個關廟仲有醬淨…..
咁屋企又有方包嘛…咁咪………………..
wakakaka~
這是家有方包的好處~~~~~~~嗝~
好想帶埋佢去旅行~~



報時：距離冰島英國自由行之旅仲有—-4日~
唔好咁開心住~仲有4個工作天~要順利呢~
好彩星期五攞左鐘~~唔係就趕到癲囉~~
hehe~毛寶成日叫我去旅行攞中gip得啦~
所以我上次去法國都係攞中gip~
但佢今次借左我個靚靚中gip…
所以我只好帶個大gip啦~~~(明正言順地)
可以帶好多野去~
(我仲買左隻杯去沖野飲同野食…毛寶話我：呢條女係咪痴線架!!)
同埋咁咪可以買多d野番黎囉~~