萬 日本料理

要講下今朝我有幾傳奇先…..今朝訓訓下mark大眼….見到有少少光透入黎….知道已經朝早……就諗住望下個電話幾多點…..見到07:46(平時係07:50起身)….差幾分鐘….又費事因間鬧鐘響嘈醒媽媽…所以無再翻訓….於是起身想整熄個電話鬧鐘時發現……..我噚晚根本無較鬧鐘就去左訓~~~~~~~~~~好彩咋~~如果我翻訓一定係咁先!!!!!!咁都知醒我真係好好彩呀!!!!!!!!!所以話~孝順係會有好事發生架~大家多d孝順爸媽呀~



呢間日本餐叫萬 日本料理…地址：澳門新口岸填海區18地段環宇豪庭地下B鋪…電話：2875 5271….成日行過都無入去食…哥日行左好耐唔知食咩既情形下就走入去試試~~

入到去發現係小店一間~不過我去哥時都成8點~未爆滿(不過後來越坐越多人入~)…坐位很少~

叫左壽司食~櫻花魷魚$20….蟹子$25….魷魚$20….三文魚$20….帶子$30…..價錢唔算平~但係全部都好好味~~

冷麵~唔記得幾錢~~都ok~

北海道牛乳銀鱈魚鍋$98….那個時候的銀鱈魚好好味~(冬天~)…..但得三塊…太少…價錢又咁貴~~個鍋又唔大~唔太抵食~

燒日本年糕$28…….咪睇佢咁樣衰~~~~佢燒得超勁好味呀!!!!!!連d紫菜都有燒~~~外表脆脆的~內裏軟軟的~~~加上咸咸的醬油~~好好味呀~~我會再食呢個~~

下次去試下佢其他野先~~




呢幾日個頭都係實實地咁…..
痛又痛唔哂….
但個精神就係好差…..
隻眼又痛……
可唔可以快d好番呀????



今日有個阿叔…
我無啦啦有個客係counter做做下野….
佢衝入黎….話點解我地無叫佢個籌就叫左佢既下一個…
咁我咪出去幫佢睇下囉…
我：(佢仲係我counter..我同佢老婆講)可能叫過左啦….唔緊要啦…我因間做完呢個幫你地做番啦好無?
佢老婆：0我..好好好…
跟住佢先係我counter衝出黎話我..
阿叔：點解無叫過我又叫左下一個!!!!!(超怒)
我：阿先生…因為我依家叫緊係你下一個既籌呀…至於上一個籌同其他籌都唔係我叫…我唔知個實際情況到底係點我答唔到你…但我同你太太講左我做完呢會幫你做番架喇..我亦都無話過唔幫你做…我仲有咩可以幫到你?
好似做戲咁…呢個時候有個叔叔係我地不遠處本身坐坐下..
可能聽到我地既對話….佢無啦啦彈起身
叔叔：頭先第二個窗叫左你1108超耐啦…叫左你三次係你自己第三次叫完先氣匆匆咁趕黎之嘛…..
叔叔企係大堂超大聲講…大聲到我地counter其他同事都聽到..
哥個野先知衰…..
我：咁我做完呢個幫你做…有無問題添?
之後我行番入我counter…..行入去途中….
佢擺明落唔到台…..
我聽到佢話：我x佢老x..都無叫過我…
其實誰是誰非大家心照啦……
你準時黎到咪乜事都無囉..又要遲到又要話人無叫你…
幫你做番唔使你去再排隊都要俾人x我老x?
咩世界?!?!
不過後尾佢入番黎做我都無咩嬲…
照番平時咁對佢…..
我唔會同佢呢d咁無口德既人計…
你鬧出口時….
何嘗唔係有幾百個人心裏鬧番你同一句說話?
我先唔會俾你呢d咁粗鄙既人影響我就快去旅行既心情~



報時：距離冰島英國自由行之旅2013仲有—-3日~
昨晚都在努力的執執執~真係好多野執~
其實我個gip真係兩邊都擺滿哂野喇~~好正~