喜柏大堂酒廊(新年下午茶)

今日番工攞左兩個鐘之前哥d OT鐘…..番9點放2點….依家已放工了~再回家作最後衝刺呢~(執野)…..但今日收工收得唔太順暢….我以為我自己做錯野….喪左咁不停搵一隻野…好彩最後有朗公子出手救我一命…..原來只係調轉左兩樣野….嚇到我頭先有d頭痛……依家食左藥…希望唔好翻發….我要放鬆呀放左工架喇!!!!!!…….星期六凌晨就要飛了~陣間會搭船過香港的機場~開心~因為我最鐘意係香港機場出發~我最愛香港機場多野食多野買~應該今晚還可逛逛Disney store先上機~開心~



哈哈~終於出到新年的post喇~~新年時毛寶上來我家拜年….毛寶話唔買拜年禮物黎喇~就帶左我和媽媽去上次食過話覺得好好味既金沙城中心大堂酒廊既喜柏Palms食一個下午tea~一睇張相就知我地想同你講恭喜發財啦~雖然遲左幾個月~~

確係好鐘意佢用餐區既屋企係透明玻璃~可以透到日光入黎令人覺得坐緊係室外~但又唔怕熱唔怕凍~

上次聖誕節黎咪有聖誕版tea set既~今次新年都有新年版tea set呢~~~~~~~2位$288….包兩杯飲品…或者係一壺既TWG既茶~新年同法定公眾假期就最好係屋企食或者去酒店架啦~~唔使加三嘛~~~~普通食店加左三咪同酒店差唔多~~~~所以新年我地實high tea的~

今次仲有4個jam jam添~



媽媽同毛寶都係飲咖啡~好鐘意佢隻中空既杯子~

我就跟餐叫左TWG既經典1837紅茶(1837 black tea)….單叫一壺係$68….呢個茶壺既保溫功能好好呢~拎起銀色哥度…..係保溫既……仲有一個蓋打開先係入水的~所以飲好耐都唔怕凍~~high tea最好似咩呀~茶啦梗係~可以番水嘛~(笑)…好彩今次個茶非常正常~

hehe~野食來了~同個靚女影張相先~~

今次有再叫佢地哥個日式軟芝士蛋糕，草莓果茸，巧克力杏仁既比利時窩夫$58~好好味既呢~口味唔錯架~不過個窩夫熱d會仲好~

好多野食都帶點點中國新年味~甜品例如桂花凍..龍眼奶油蛋糕..中式年糕..黑芝麻鬆餅~

鹹點太出色了~~三文魚醬，焗牛油麵包，鵪鶉蛋…….葡國軟羊芝士，甜核桃，雪梨果凍~~~好好味呀~~~~

迷你饅頭，燒乳豬，海鮮醬……..西班牙臘腸胖軟芝士，紅椒醬餡餅……….雖然乳豬皮食入口已經唔脆~但係咁有諗頭將如此中式既口味放上tea set~~實在太有才了~

明明食tea就係一件好西式化既事~~~~但佢將中式化既材料放入去~~~實在太好玩~~~希望下年再黎會再俾到驚喜我啦~~~~好好味呀佢d鹹點~~~謝謝毛寶帶我和媽媽吃好味的~

順便一提~新年時盲摸摸咁去左氹仔….但好多地方都休息咁地就見到呢間位於地堡街既泰國餐有開…..個肚又餓到打哂鼓咁唔想再搵就走左入去食……我地入去時都成兩點….得一檯人~

很好飲的椰青特飲和不太好飲的泰式奶茶….個奶茶落極糖都唔夠甜既!

本身想叫餸食架…..俺生蝦之類之類的……但係…..呢間野都幾貴下….由於無人食過俾意見我地…咁貴又唔想冒險….所以我地叫飽肚類的…….我就叫左呢個….唔知咩炒飯之類(好麻甩呀我~)…..個樣夠哂靚….但係咁肚餓既情況下食都唔覺得好食…..

毛寶叫的冬蔭功海鮮湯米粉….好似$6x…..呢個反而唔錯~不過無諗過再去食….咁貴…又唔算特別好味~都費事開篇新blog講佢~順便係度講埋就算就知咩事~~

報時：距離冰島英國自由行之旅2013仲有—-0日~
要出發了~~~~~
好緊張好期待好興奮~~~~
希望旅程一切順利~天氣會好好的~
回來再寫一個長長的遊記作紀念~
大家會想我嗎?*3*
我最唔捨得係媽媽~~~我會好掛住媽媽~;]