兄弟行

噚晚訓極都訓唔著……戀到4點幾起左身….訓唔到……出面落好大雨…刷牙洗面洗頭後….見d雨細d又天有d光…..5點幾即刻跑出去睇醫生……我已經頭痛第4日止唔到頭痛…..上到去登記完未行到埋去坐即刻分流……睇完醫生攞埋藥25分鐘搞掂…….好快….仲俾醫生話我：你一日食咁多次止痛藥唔得架….會中毒架…………..我先知衰…….番到屋企食左佢開既訓覺藥訓左一陣….感覺好一點…..但有某條神經還在戚戚然….快d好番啦…我要健康去旅行呀!!!!



呢篇我要隆重推介呢間我覺得好好味既鋪頭~~~叫做兄弟行~~~~個名好有氣勢~~~我成日叫佢做Big boys club~~~~~地址：爹美刁施拿地大馬路18號A……簡單d黎講就係水上街市對面~~~再簡單d就係望住十六浦右邊哥條內街一直行….唔難搵~…電話：6651 3714

係一間超蚊型既舊式麵鋪~基本上係一定要搭檯既….只有兩張長檯….加一細檯……大將只有20個座位…….坐就一定唔係太舒服架喇~~~但都算乾淨既~~咁當然係無訂位啦~~你見有人係茶餐廳訂位未~不過未算勁爆迫人哥隻~去過兩三次都係唔使等位~

介紹下Big boys club既名物先~~我呢日叫左鳳爪墨魚丸撈米…….雙拼我唔知幾錢呀…淨係睇佢牆上既價錢牌寫住：招牌墨魚丸麵$26….一點也不便宜…我呢個撈米一定過硬$30……..唔講價錢先…..鳳爪….整得唔夠淋~都係聯記好味….撈米粉又唔夠味…..但令我醉心既就係佢既名物：墨魚丸!!!!!!!真係超級超級的好食!!!!!好正呀~~好名顯係佢地自己整的~~~每食一啖~~都有墨魚粒係裏面~~~每一口都令我回味~~~那是我食食過最好味的墨魚丸~雖然咁貴…好彩個米有5粒墨魚丸~

毛寶叫的是墨魚丸雲吞米….參考價錢單叫雲吞麵是$22…….天呀~佢d雲吞都好好味呀~~我地偷睇過佢包雲吞….每粒都有兩隻蝦係裏面~~~而且蝦肉鮮美~~~令人愛不惜”口”~~~好變態呀我~~~

但講真既個辣都係聯記好味d~~因為呢有點死辣~唔夠香~

呢間兄弟行真係好正呀~~~雖然價錢絕不便宜~環境又不太理想~而鳳爪同辣又係聯記既好味d…..但係就憑佢既墨魚丸同佢既雲吞呢個無敵組合~就足夠我一去再去~~~~~~~~佢係我食過澳門最好吃的墨魚丸~~(咁當然可能有更好味既我未發現到啦~期望將來能發掘到~)~~超級推薦~~~




咪話我唔醒…
我今日中午計好哂時間上網先check in!!!
我地4個可以一齊坐~~~
如果唔預先上網check in…
我肯定會好似上次去法國咁~
兩個人都要分開坐!!!



報時：距離冰島英國自由行之旅2013仲有—-1日~
點解個gip執極都執唔完架????
聽日仲要番5個鐘頭工!!要順利呢!!
明天再在這裏說拜拜~