2012-10-01
Day 3—-Part 1(韓國首爾Seoul)十點半集合~出發去安國站….出一號出口~~~又去食我地上次話好好味的芝士年糕鍋了~~~~~~今次超好運的~~~一個人都無在外排隊~等都唔使等就入到喇~~~~~
我唔識地址呀~~~我淨係知安國站一號出口出…向右行……第一個街口轉右….再一直行….見到呢條小巷轉右就係了~~我唔識講~~但我依家識行喇~~~~~
地方唔大~不過都尚算整潔的~
我記得好似無中文架喎上次~~~唔通旅遊書介紹左多人黎食所以有中文???我地分兩鍋~每鍋點了兩份海鮮~一份香腸~而每入裏面都會有年糕的~…..另外我地加左芝士同埋兩個即食麵~~~~~~仲有個飯~
來了來了~~~~~好香香呀~~~~~~超大鍋~~~~~~
濃濃的汁俾d麵吸收~~~好正呀~~~仲有香腸正~魚片正~魷魚正~火腿正~青口是嫩嫩的那種~~~所有料吸左哥d汁~~都係正字~~~~~~我真係好鐘意哥d麵呢~~~
食到最後佢就會收番你個鍋…用你個d汁炒番個飯你吃~(今次我地叫左一個飯咋~上次叫兩個~)~~~所以我地叫哥個飯係呢個時候先出架~~~~有粟米同埋紫菜同炒~好味呢~~~~
咁呢度都有缺點既~~~~就係食完個身真係好臭無哂自信的~~~~~~~我地食完出黎~~又有好多人排喇~~~公子真好運~~~~呢餐大約每人食左50hkd啦~~~好平呀~~~又食得飽~~~
之後就去到重點節見~~梨大站shopping~~~~~~很有文化氣息呢~
又睇完一輪護膚品就途經梨花女子大學呢~~~~~
好靚呀呢段路~~~~~~~搞到我都好想係度讀書呀~~~好似讀完會變得比較有氣質呢~~~
我地襯唔襯做梨大的大學生?
跟住有公子倒下了~太攰~又有d唔舒服~於是就搵個cafe坐下~揀左呢間外表唔錯的migo&bread
左邊的甜品超甜~甜得滯~綠茶曲奇不錯吃~
這個配蜜糖的waffle~挺香和不錯吃~
芝士煙肉包~好吃呢~
蛋糕好似以前細個美心買哥d樣…不過食落~中間唔係cream…係好似雪糕咁架~驚喜~我叫左杯iced lemon tea…..開頭以為自己好型叫左類似lemonade既物體….點知飲落….你係咪白痴架……咪即係茶餐廳凍檸茶囉…叫哥時仲懶有型!!!!重要重甜!!!我溝左好多水先飲得落…唔係實糖尿!!!!d野飲唔得呀!!!
我麻麻地甜野食~呢間d野飲我覺得麻麻地~無邊樣野飲我覺得特別好飲~甜品太甜~
唉~
我都知你今個禮拜又煩又多野做…
我都知自己有野衰既….
噚晚哥通電話….你對我有點不耐煩…
收線後….唔係嬲…..係納悶….
納悶到依家……..
噚晚有d頭痛…食左藥諗住訓….
發夢我坐係書房上緊網….
上上下…..突然爸爸係屋外拍門….
爸：(亢奮大笑…好耐無聽佢招牌笑聲)喂~快d開門俾我呀~~~
我：(向後望出鐵閘)華~你咁high咁既?頭先同你d fd食飯飲左酒呀?
爸：係呀~好開心呀~快d開門等我入黎~再唔開我入黎就鍚你一啖*3*
我：wakakkaka~咁你唔好入黎喇~
我好開心咁開門俾爸爸…..跟住就醒左…
發緊夢哥一刻真係好開心!!仲覺得係爸爸想氹番我開心..
但…..”夢醒了…眼濕了…”
叫自己唔好喊…..就越會喊…..
幾十行眼淚瘋湧而出……….
就係我咁感性咁喊緊既時候………….
我雙腳皮膚有裂開標野出黎既感覺..
頂………………………..d風”Lan”又跑出黎……
望一望手提…只係訓左半個鐘….
痕呀!!!!跑出廳食藥….搵冰full腳…..
full到三點幾先開始散有得訓…………..
搞到對腳又凍又乾……
哥一刻我覺得…..我似係岩岩生完仔哥d媽媽半夜起身餵奶..
而我照顧既…係我一雙胖腿….和一堆唔生性既風”Lan”
我今日食既野：
早餐—-韓國魚仔蛋糕一舊…
午餐—-梳打餅一包….
晚餐—-菜心一堆…
唔好話我聽咁都仲出…..火黎呀
"走得太快…你說：不關心你感受
走得太慢…你又說：趕不上潮流”
報時：距離東歐六國文化之旅仲有—-3日~
我噚晚有乖呀已經有執野入gip喇~
鍚鍚自己先~
沒有留言:
張貼留言