六公子出使韓國之旅2012-09-29第一天 Part 1(天晴,天氣清涼)

今日仍然是番早放晏~~~朝早仲好地地~~下午做野一直處於捱打狀…..苦呀………..終於到左星期五~(其實唔係好相信今日係星期五~~~仲以為係星期二~~)即係OT已開完~~~好野~~~~~~今日有個人幾衰呀….我地明明收六點….佢夠膽死六點四先上黎!!!正一衰人…都唔諗下人要收工!!唯一方法係硬做!!…………………我覺得我運氣真係好差……厄運下個禮拜又跟開始與我常在……fxxk…………開心左兩個禮拜…..又變番咁….有無人理下我感受………..凸*..*凸………………………..



2012-09-29
Day 1—-Part 1(澳門->韓國首爾Seoul)第一次咁叻~~~去完旅行第三日就可以出到blog~~係咪叻先~~~~yoyoyoyoyoyoyo~~~~首爾gogogogogogo~~~~期待很久~~~因為有了上一次去首爾的開心回憶~~~~~~~~所以今次都特別的期待~~~~出發前….我咩都無諗過的~~~行程~地點~出發時間咩都唔知~~~~不過我之前都同大家講過….原來韓國都有慶祝中秋節既~仲慶祝得勁過我地~一連放三日公眾假期的…有夠誇張吧~~~~應該係佢地既大節日~真係有多野都唔開的…哥d咩商場呀…食肆呀真係唔開架….去旅行去留意下韓國d官方觀光網站啦~~~多得麥公子咋~佢本身排左個行程~知道好多野休之後又改~仲請佢係韓國d朋友仔幫手問d野開唔開~~~謝謝韓國通麥公子~我地呢日搭11:40機出發~無左凌晨機~浪費了一天呢~~~公子們約好10點係澳門國際機場等~大家都很準時呢~(多謝貞哥哥車埋我去~)今次囉jer都有一齊出發呢~

佢仲俾人笑佢：佢肯定出過呢次同護照影完相就唔會再出現啦~~….睇下點~



今次出發的公子有六位…..全部都帥氣迫人~我地左至右由小至大排列(講緊個gip既size呀~)：三公子…貞公子…麥公子…朗公子…凱公子…仲有最後就係無論年紀…同個gip都係最大既宇文公子~即係我~~~好靚仔呀六位公子~~~~(七公子中杯公子因待產未能隨行~~好緊張呀~~~小公子就黎出世喇~~~)

之後我同幫我地影相哥個男人講可唔可以幫我地影多一張…..之後..我地全部好似影新碟封面照咁好情深咁望向遠方~~~個男人話：係咪個鋪屎係咁架??我係咪影得喇??(聽到佢噴笑一下~)…….我地真係好有魅力呀~~~waakakkaka

check完in之後我地快快趣入左禁區…點解~梗係衝入去食野啦~~~~咁早起身早餐都未食呀~2樓有個vip區….如果有BNU銀行金卡有得免費入一次~今年我都未用過~於是同公子一齊享用~(其實以前總之有BNU金卡或中銀白金卡都有得入架喇~仲可以帶一個人入….不過依家淨係豁免一次費用同淨係一個人入…..之後每次入都要俾$150入一次…姑寒!!)…..有d野都幾好味既~最重要就係唔使錢~如果要錢我唔會入~重點係佢連酒都有得飲~唔執輸飲杯白酒~嘆杯baileys先上機~未上機已經醉醺醺~

今次我地搭既航空我係第一次搭~就係Jin Air~應該係韓國既平價航空公司~我地乘搭LJ008班機….11:20登機….由澳門~直飛去韓國首爾(Seoul)仁川機場~~~~~~

囉jer又出黎喇~~~~澳門個機場…一眼望哂~唔知得5至6個閘口~實唔會唔準時出現係閘口…除非你咁唔乖仲未過海關~大到….我根本連隻機都影唔到(太近~)……澳門機場…..真係一點衝上雲霄的感覺都無~



飛~機~餐~得個簡單餐盒~不過個包確係幾fresh幾好味~(有蕃茄和火腿等等的~)

好靚呀d雲~~~

搭飛機其中一個節目就係：填入境表~~~~~毛寶說：次次去親旅行都係你幫我填既….唔同你一齊去旅行都唔知點算….我可能唔識填~…………..講個秘密你知….其實……………..我挺喜歡填入境表的~~~~~~~~係咪有一點變態????可能細個太想做領隊喇~~~~支筆筆上次係韓國買的~20幾hkd咋~~~靚嗎???

差不多到了~~~睇下~~韓國天氣似乎唔錯喎~~~

太陽很猛呢~~~~~



睇睇我出發時仲係好龍精虎猛的~且看回程如何~

六公子在機上的帥氣大合照~

飛左三個幾鐘~係韓國時間四點度我地就到了~~~(快港澳一個鐘~)

記得較快隻錶一粒鐘呀~~~~



行去入境時條路很長呢~~~好彩有電梯~~~~~行到埋去….五分鐘唔使已經過左海關~~超快~~睇黎韓國都好鐘意我地呢~(有病~)

過埋海關後直頭已經見到我地件行李係條輸送帶上面轉緊~~使唔使咁快呀~~~~~出到去天氣超舒服~有點清涼~有公子話好凍已經要即刻衫~我覺得挺舒適的~



唔記得係11定5號出口~我地就係搭6015號巴士出市區….麥公子係網上面print左d優惠劵….好似會減1000￦……即係車費係9000￦….係喎~~未講匯率添~我一蚊都無換…..身上帶住4000￦咁就出發~我當時去既匯率係141……即係將韓圜價錢除141就等於港幣…..即係1000￦=7.09hkd……9000￦車費=63.8hkd~~~其實d韓圜貴左喇~我上年黎哥時係兌145….147的~

係車上面有d觀光雜誌睇~免費的~裏面有護膚品coupon~~~仲有一張非常清析的地鐵圖~~~不妨攞黎睇睇~

大約坐左一個鐘頭巴士出到去明洞~我地今次唔係住酒店~由於我地自己book機票…住既地方分開book…無買package……就住番上次杯公子去既時候住既民宿…..聽講地點方便….仲好平…..叫做Namsan Guest House 3……超近明洞….過條馬路就係~南山山腳下~睇外觀….唔錯~我地貪平……租二人房….一晚60000￦=425.5hkd…..超平.…..然後用10000￦=70.9hkd加床…..即係話….一間房…有三個公子一齊訓~本身幾期待的~

看外觀好似都唔差喎~



點知…….你俾幾錢….就得到幾多既野~間房幾大…一眼睇哂………………………………….就係呢間房…..要住三個人…………………………………………….基本上間房係細到…..連我個大gip都無位開………………….加埋床……簡直係無”訂”企…我地哥邊連櫈都無張添呀~~~~即係隨左訓….無咩野做到….個廁所簡直恐怖~~沖涼廁所連埋一齊(即係無浴缸)…..一沖涼連廁所都濕埋……………………..雖然地點真係幾方便同真係幾平….但係…如果你唔係budget有限….唔建議住呢度……三個人真係唔知點訓~~用廁所超唔方便~我和寶和貞一起住….呢幾日三位公子直頭可以用肉帛相見黎形容都不為過~加上向街…我地住一樓…朝早超嘈….常常俾”撻”車聲嘈醒~同埋….我覺得幾唔乾淨(毛寶說我是偽潔癖者)~毛巾和被都有好多污積~

好喇~~放低行李~~要出發了~首先去明洞d找換店換錢先~~~~五光十色的明洞~

第一炮~換左3000hkd=423000￦~~~40幾萬~好快變哂一堆雜物~~~~

但係呢個時候未有得shopping住~~~我地依家要去食晚飯先~~~買飛都好簡單的~因為有中文睇架~~~

不過如果有t-money會方便d(韓國搭地鐵的八達通~)…因為唔使次次買飛~公子為增值t-money煩惱了一會~增值去全銀色哥部機增值就得啦~~~~都有1..2..3..步驟咁教你買的~

我哥張就問小i 借的….如果無….買張都係3000￦=21.3hkd~
唔記得講添~~~出發的這天是毛寶三公子的生辰呢~~~~~~~~~~~~所以我地依家係出發去食佢既生日飯呀~~~~~~~





唔開心極今日都話哂係happy friday~~
今晚晚餐餐單係：餐蛋飯….加粟米湯~~
正呀~~~媽媽牌的餐蛋飯是最棒的~
我要開開心心過星期六日呢~



報時：距離東歐六國文化之旅仲有—-10日~
要加快速度寫韓國之旅喇~~~~~~~~~~~~~~~~~~~~