六公子出使韓國之旅2012-10-02第四天(天晴)

yoho~朝早約左朗仔去麥當勞食早餐~~食左早晨全餐~~~傾到流哂眼水~~開心~~~今日番十點放十一點~那種感覺很爽的~~~~~~很有型的十一點攞住袋走~~~個個奇異眼神：你放工??………..我：對的~我放工了~~~~~~~~~中午番屋企…..專登叫媽媽買粥同炒麵我吃~~~因為往後十多天都吃西餐~~好緊張呀~~就出發喇~~~唔知今次個領隊同團友好玩嗎??



2012/10/02
Day 4(韓國首爾Seoul->澳門)訓得三四個鐘~十一點出發最後一日行程~首先去左明洞食韓國粥~上次都有黎食過~

有甜的~有鹹的~



金槍魚鮮蔬粥~7500￦=53.2hkd~原來吞拿魚同粥都幾襯架喎~

我叫的醒酒泡菜粥~7000￦=49.6hkd~我覺得唔夠辣~可以再辣d~

最吸引都係蘑菇牡蠣粥~~~~8500￦=60.3hkd~~~~真係好好味呢~~蠔仔又夠大粒飽滿~同粥真係超夾~~~~~下次黎我都食呢個~唔再諗泡菜粥喇~

你睇下~我已經俾韓國玩殘左喇~~~妝都懶化~~~~(這是只睡了四小時和不化妝的後果~~被其他妹妹的艷燒蓋過了~~~~)

跟住又再係明洞行護膚品店~各公子盡最後努力掃貨~~~~~~~我無咩再買~只係買左一兩支筆仔~



個心其實已經唔想買野~~~因為個肚又係度咕咕叫~~~~~最後麥公子努力的找出飯卷天國的地址問人帶我地去再次飽餐一頓~~~~~

前菜~中間的魚仔超好吃~~~~~~

黑輪3000￦=21.3hkd~魚片好味~

豆醬鍋5000￦=35.5hkd~~好好味~~

萬眾期待~~飯卷出場~~要左一個蔬菜口味…同另外一個類似招牌的….蔬菜口味的2500￦=17.7hkd~~~~我覺得呀…兩隻分別不大…..其實就似太卷咁~~不過我覺得太卷好味d~~~我麻麻飯卷~~~因為我喜歡的是紫菜同飯交融脆口的感覺~~這個紫菜林的~

起司拉麵3500￦=24.8hkd…..好好味~~~~~~即係辛辣麵加芝士~呢個自己屋企都整到~~

但佢地既麵質確係比較好味的~



水冷麵4500￦=31.9hkd…..正呀呢個!!!!!!

泡菜水餃3000￦=21.3hkd~~都唔錯~~幾過癮~~~辣辣地~~都幾抵丫~~20蚊就有八隻~

總括黎講：飯卷沒有給我驚為天人的感覺好可惜~不過佢其他野食都整得唔錯喎~又平~可以一食~~



食飽飽行番民宿……途經便利店又逛逛~買了粟米雪糕三文治~~作為粟米頭號忠粉的毛寶~說粟米味不夠香濃~

唔忿氣再試埋另外一款~毛寶說這個對版了~外型仲要係kawaii粟米型~~可愛極了~

呢個係我地民宿既公用廚房………幾q大…..如果間房大d仲好!!(我有時想留係廚房多過自己間房~)…公子們正忙著將頭先既戰利品塞入gip~

搭出租的士到機場……路程大約一小時….訓到死左~~~~係民宿有磅….磅一磅舊行李….心知有d不妙~~~~24.7kg……..不過我已經乖左啦~~~上次黎係27.8kg架~~~~好彩最後無罰我錢咋~~~~~~

在機場買左雪花秀俾媽媽~~不過真係好貴~~~~~我地又係機場食左一餐~~~很好吃的炸辣雞腿~~~~~~



我地搭Jin Air LJ007 20:30班機由韓國首爾仁川機場直飛番澳門~大約澳門時間11:30到達~以廉價航空黎講…去程同回程佢都算準時囉~~~番黎既飛機餐~~~有飯團食~~好野~~~~~(我食完我自己哥個仲食埋毛寶哥半個~好變態呀我~~)

總結：
1.今次既使費：機票3300hkd+三晚房錢(70000￦=496.5hkd)+食玩買交通費7500hkd=11296.5hkd~~~~上次住好舒服既酒店加上係五日四夜….價錢係4200hkd…依家都要3796.5hkd….雖然相差403.5hkd….但多一晚酒店仲住得舒服d添~~下次有機會都係留意番package好過~~~
2.4日去韓國原來唔係好夠~~~我地去哥日已經無左~~因為去到係食晚飯環節~~~韓國又中秋節公眾假期喎!!!!搞到麥公子幫我地安排既完美行程要重新編排…..原本應該無咁辛苦同埋多d時間架…不過後尾就d鋪頭休息好野多都要谷埋同一日…所以建議大家都係唔好中秋節黎韓國旅遊…如果唔係會好無癮的~去之前去佢d官方觀光網check下佢地有無公休呀~~~~~
3.特別係唔好將梨大同弘大安排同一天去~~如果唔係你會後悔的~~(我地係迫於無奈先會咁~~)
4.又因為今次時間太緊….所以本身安排想去食既海鮮同另一樣特色野都無食~有點可惜~希望下次可以去番~
5.我認為自由行比較適合女生~旅行團比較適合男生~(如果自由行男仔陪女仔去既話應該悶屎~~~淨係睇化妝品護膚品我地都睇左成四..五個鐘~~~)
6.仲有呀今次九月尾十月頭去…原來未有太多冬裝買!!!都係秋天的中長衫~~~~唔算太大收獲囉!!!可惜!!!上次就十月中去冬裝出哂….放血情況差好多!!!!!!
7.上次食過既…好多都要排隊既食肆…今次一間都唔使排!!公子萬歲~~
8.多謝麥公子的細心安排~~上至安排行程…睇地鐵路線圖…搵路…下至睇住盤公數…做韓文翻譯……謝謝呢~~~太操勞了~~~~~~
9.我今次又係完全無帶個腦去旅行~~舒服~~全靠麥公子~~~~
10.原來我地係五六年之前試過七公子一齊去泰國的~但當時仲未叫七公子~~依家除左杯子因為生bb之外~~其他公子都難得再聚番埋一齊去旅行真係好難得~今次旅行我玩得好開心呀~~~~~~~~~希望將來再有機會啦~~~~*3*

~~The End~~





報時：距離東歐六國文化之旅仲有—-就在今晚呢~

個gip超多野….
好多衫好多日用品好多野食~:p
如果有人係10月19日記得我~或者咁岩線睇緊呢個blog………………
就同人地講聲生日快樂啦~~~~~~~~~~~~~~~~
慶祝人地開始美麗的”28歲”呀~~~~~~~~~:]
(人地=我~~)
17天後見~會想我嗎????????