2012-09-29
Day 1—-Part 2(澳門->韓國首爾Seoul)哈哈~~搭左一陣地鐵就去到~~但我唔記得左邊個站~~~淨係偷睇麥公子既行程紙….知道呢間係叫姜虎東烤肉~唔知有無記錯~好似係開廿四小時的~
內裏~好似好地道~好韓式咁~~~~
仲要係炭爐烤肉的~~~~我鐘意~~~~
有無留意呀~~~個抽氣可以拉到超低的~~~~~~~~方便吸走油煙~初頭我嫌佢阻頭阻勢的~~
前菜~~~估唔到大芽菜同蔥整成既泡菜係咁好味的~~~~但食完個口好臭呢~~~~
很趣緻既餐牌~~但打開全部韓文~~我一粒字都唔識呢~~~~~
點菜全靠麥公子的~
wakakkak~肉來了~~~~睇下~~~原來個抽氣好抽得架~~~~~~~~~~唔好嫌佢阻頭阻勢喇~~~~
個抽氣仲可以拉高拉低拉左拉右~幾方便的~
生日飯局~happy~大家都叫啤酒飲~話要三個啤酒…..點知哥個野要查凱公子同三公子證先俾我地叫…….佢見到三公子今年已經27歲佢應該好驚~點知三個啤酒….size係黎左三支大青咁大的!!!!我只飲可樂~大家都奇怪點解我會唔飲酒~我形象那麼的爛嗎~~~食烤肉那刻我只想飲可樂~~~~~
這個牛肉~~~真的~~樣靚口感正呀~~~真係真係好好味~~~~肉質又好~~烤得剛熟時食~~~牛味好正呀~~~~~~~~~~yummy~
試新野~~~未見過~~~係個烤爐側邊倒d蛋汁…..過一會~
不要全熟…全熟會變了蛋糕質地~~半生熟最好~~~攞湯匙”畢”起黎食…..好正呀真係~~~~堅好味~~~呢個我地有追加~~~~
另外一個豬?呢個用類似麵豉醬醃…..好好味喎~~我食左好多~~~~~呢個都有追加~~~
還有呢個便當~一黎哥時係咁….佢係成個盒裝住….麥公子就將佢左fing右fing(有蓋的)….就咁拌勻~~~~~就變成下圖喇~~都幾好味的~~有d魚仔撈飯~
泡菜湯~好飲~
食左成五碟肉(三牛兩豬)….烤蛋汁x4(兩個爐)….泡菜湯….便當….三支大青裝韓國啤酒….三支可樂…..一共食左138600₩=983hkd…..每人食左163hkd咋!!!!好抵呀!!!!!!!!!係澳門一定要每人過200囉~~~~~~好開心呀~~而且佢d肉份量好大~超不欺場~~~食到超飽飽咁走……唯一缺點:服務員態度很差…叫佢加沙律菜好似叫佢去死咁~~~~不過我地無理~~叫佢加左成七…八次~~~~~
食完飯點呀~~就要出重點節目囉~~去左行過少少既Baskin Robbins~
目的係叫毛寶自己揀番個生日靚蛋糕~~~~~好多款造型都好可愛架~~~~我舊年去韓國個生日蛋糕都係呢度買的~~~
毛寶揀定左佢~~~~~係因為貪佢有四隻味唔使食死一種咁悶~~真係關愛我地~27000₩=191.5hkd…..好抵呀~~~真係聖安娜又無咁平呀~~~~仲要好好味添架~~係雪糕蛋糕~~
生日快樂呀~~~~~~毛寶寶寶豬~~~
又係外地過生日~~~羨慕呀~~~仲有咁多人同你慶祝~~~~~許既願一定特別靈呢~
公子們送的新眼鏡呢~~有無人記得有人係法國去完參觀酒廠之後唔見左呢~~~
我想送毛寶的禮物仲未有貨….所出發前我整左張卡特登帶黎送俾佢架~~靚唔靚呀???我下次出一篇專係整呢張卡既blog呀~~~~又認下叻先~~
明明就話好飽好飽…..最後差唔多成個蛋糕食哂….都唔知呢班咩人黎既…..
番到民宿…..還要吃一吃宵夜~~~黎到一定要飲中間的香蕉奶~~試過好幾隻~~呢隻最好飲的~~~米水~~我都好鐘意飲~~~仲黎番個jelly~好滿足呀~~~~不過第一晚未有shopping呀~~所以未影到戰利品呢~~~~要等第二天了~~~~呢晚訓覺時間係:韓國時間…凌晨2:37….
其實我依家既心情仲係沉醉係韓國的好時光呢~
小公子特集:
隻衰豬~~~~~第一日出世時排位超後~~~幾乎睇唔到佢~~~~佢係最後一排~~藍色被哥個~~~~~~~成班其他bb既親友就好似去左動物園咁係玻璃房門外睇小動物咁~~~~好可惜呀~~~~~小公子的排位太差喇~~~~~~~~~~~
健仔(小公子的爹)趷到超高先影到咁咋~~~~~藍色被的豬豬~~~~~~~~初時仲以為係男仔~~~~~
剛出世時她的爹拍的~~~~睇下我地既小公子幾有戲~~~~~~~好似d韓劇既憂鬱小生咁~~~~~仲多多反應~~~好鬼馬~~~~~~我好鐘意你呀~~~~~~~也很愛杯子~~
星期日係出世第二日~~~一起身就衝去睇佢~~~~~~今次竟然排第一呀~~~叻豬~~~~好安靜好乖咁訓覺覺豬~~~~~成粒小蠶蟲咁~~~波點被好得意呀~~~~~~~~~~~~收左水~~~成個爸爸咁既樣呀~~~~~~好得意呀豬豬~~~~~超多的頭髮像她的娘~~~~~~~~~~~
之後我地話小朋友唔可以讚太多乖架~~~於是我地話:你曳呀…醜呀~~~佢竟然就喊喇~~~~wakakakakakak~~~~你係咪隔住玻璃都聽到咁利害呀衰豬~~~~~~~好開心呀見左你兩日~~~~~~喊到谷到紅哂~~~~~~~~~陰公豬囉~~~~~~~~~~~~其實佢大部份時間都好乖好靜咁訓覺~~~~~~~記得要做一隻乖豬呀~~~唔好要爸媽臭得辛苦呀~~~~~~*3*
查實望佢個樣就覺得佢係強壯寶寶~真係安慰~~~~~~~~~~~~~大家都要祝福小公子做個強壯寶寶呀~~~~~~
本身今日有樣野我跟番平時咁做…
因為某d原因令到我做錯咁…
本身都幾嬲~
不過後尾食過同事請既貝殼粉沙律~
開心番哂~
幾時野食都係我最好既補充品呢~~~~
報時:距離東歐六國文化之旅仲有—-7日~
番多四全日工..同埋兩小日工就去旅行喇~~
都仲有十日就到我生日~不過一d過生日既氣氛都無~
可能俾去旅行既氣氛蓋過左~
沒有留言:
張貼留言