今日110隻…其實唔係太攰….最攰係…遇上一個超級賴皮怪….我見我隔離位同事同佢講左超耐….佢死都話佢自己帶黎既係正本…但真係唔係丫嘛…..跟住又話我之前黎搞過三次都係用呢張野黎搞之嘛……唔信你咪check下囉…..見佢咁賴皮咪打上樓上搵d同事幫下手睇下有無得check囉…..覆番我地個結果係………..之前佢係交正本上黎……好喇….佢唔講自己哥張係正本喇….佢就話….我唔知張正本係邊喎…..公司淨係俾左呢張我咋喎….咁跟住我咪同佢講話佢張野應該係佢公司度囉…..叫佢問番佢公司…..佢就死都話無…..個仆街講英文d膚色好撚黑….姑且叫佢做豉油樽
我：please ask your company where your original receipt is
豉油樽：no!! we don’t have the original receipt!!
我：下?!but this is a copy
豉油樽：(雙手齊舉向上作投降狀) i swear!!! i swear this is the only one original!!!!!!!(我真係想講：swear你老味)
豉油樽：listen!!(我最憎d外籍人士同我講呢句…我唔係你條狗)why do you make this difficult?? i have already apply it 3 times….and i also use this first to apply my visa….
我：because you should submit the original receipt every time when you apply this one……..(個仆街講黎講去三幅被)
之後我地幫佢打番公司…..張野真係係佢公司囉唔該….叫佢番去攞……..
豉油樽：i am very busy….i will leave macau and go to australia very soon….i don’t have time to come back here…..(咁你快d 爛番喀麥隆啦…呢度唔歡迎你呀)
佢正一食屎狗……我地咪話幫佢做住先叫佢後補過黎….
豉油樽：no!! i don’t wan’t to come back here…i need to work
我：you can ask your friend to submit this
豉油樽：(冷笑一聲)here is macau…i don’t have friend here…who is my friend???(你個死仆街………)
我：will you collect it by yourself?
豉油樽：yes sure!!(你個仆街又話唔番黎….又話唔得閒….你好busy架)
就係咁同個賴皮怪豉油樽….由五點二搞到六點三度先收工…..個仆街仲不停咁問我地點解唔可以簡單化一d……阿仆街呀….你去死啦好無呀….你死左呢個世界就會簡單d架喇….總共換左四個人同佢講…..佢講既內容都係一樣….我地講既內容都係一樣……其實佢搞咁耐….已經夠時間俾佢攞張正本番黎做埋個手續食埋個tea…..我唔明佢點解係都要我地妥協佢……呢個世界咁多人食屎又唔見你去食……….講黎講去都係無結果….我索性唔理收工先…..痴痴地
費事講佢….(其實都講左大半版紙)
*3* *3* *3*post埋之前生日哥d fuji出黎先*3* *3* *3*
今日攰唔攰呀????攰唔攰攰唔攰………..番緊工哥時覺得好攰囉…..放左工之後就一天都光哂喇~~~~依家直頭開心到通屋跳~我既心情真係轉換得好快~~~~~一日之差就變成咁~~~~放左工去買左個袋俾老豆….費事佢要用我個舊袋….得黎既評語係：靚就幾靚喇…不過唔係咁岩我用…………….跟住媽咪就話：下點解呀????我老豆話喎：我要黎裝遮………..下???????????裝遮都要有個斜咩袋…真係吹你唔脹~….
哈哈哈….人地生日d相就超快post哂出黎….我發現….原來我仲未post舊年我生日d相出黎~~成三個月喇~~哈哈
哥日我地去筷子基間叫岩既日本餐廳食飯….同妹妹們慶祝我2x歲生日~呢間野個唔知咩卷同海膽醬燒生蠔都好好食~
d刺身ok既~我最鐘意食赤貝
唔知點解呢…..今日都係做左103隻之嘛….仲攰過噚日咁既???我懷疑個心情係俾個天氣影響!!呢幾日都陰陰天….搞到我心情都係陰天(個死八婆賴得就賴)…..同埋呀…..今日有d野我覺得係自己做錯囉……..不過睇睇下….我又覺得係我自己搵d野出黎嚇我自己……..加上今朝又聽到個消息……雖然又唔係我自己做錯…..憑我多年睇法證先鋒既經驗哥樣野應該係正本…我認為係因為我疏忽…..如果我有問多佢一句..我就會安心好多…..但我成個下晏既心情係好死氣沉沉咁~
噚晚右邊小腿抽筋痛到我呀…………依家仲痛緊
噚日我都有少少唔開心….於是我開左kawaii choya梅酒飲飲
好好好開心呀~今日星期一….雖然好多野做….成一百一十一隻~不過….做團體就有呢個好處…..多野做….但又唔多使用腦~最岩我~~~因為我係地盤佬嘛~多野做自然d時間都快過d呀~咁又放工囉………..不過下晏無人坐我隔離我又覺悶喎~口都臭…得個做字~哈哈
星期五成班妹妹去左neway同sasa慶祝生日~
院長哥科….終於番到最後一堂…..但我又無乜特別太開心…..因為可能我仲有一科要retake卦~不過算啦…估唔到佢哥科都唔算太難捱咋~上堂訓到癲左不特止….份功課仲可以係佢手上攞到75分~都算叻喇~~~~但係….現實話俾我知….聽日又要番工喇……yeah~番工喇…yeah~(痴左線)
仲有最後一批fuji放上黎~
我真係唔知佢係熱情定係咩….隻手其實可以唔使放咁上喎
我就唔信有人熱情得過我~
噚晚原來d黑氣未過哂….訓訓下覺….死仔…有隻仆街蚊係我間房度飛黎飛去…超嘈…..仲咬我眼皮同鼻樑……仆街…..我最後又頂唔順….將我成間大房送俾佢玩…我自己出廳訓…..好煩呀….我試過係廳有一個鐘將被吸頭咁訓….差d抖唔到氣而死….我憎死你隻仆街蚊…….我噚晚根本無一個鐘係可以連續咁訓….因為不停咁…俾隻仆街嘈我…………..求求你喇…..今晚唔好再搵我啦…..一番到去有好消息!由八分鐘變七分鐘…..yeah~好開心呀…..又多左野做喇…..開心到唔想放工喇~
搵搵下原來埃及都仲有d fuji相未post出黎…..
好搞笑毛寶哥張個太陽變左個黑點…初頭仲以為污糟左哈~
我發現我今日真係黑足一日……..朝早聽到個我唔想聽到既消息…..不過未知係咪真既…….如果係真….我會覺得自己好慘~第二樣係壞機…平時坐哥部機都無野….今日平白無事唔印野都夠膽死…累我無左三張收據…抄死我…第三樣就係今日遇到單難搞野(工作上)….第四樣係食完飯番到屋企…..突然無水無得沖涼….個頭臭到嘔….之後等左大半個鐘…..終於有水沖….唔知係咪太開心….第五樣就係…..開心得滯唔記得合埋眼…..d洗頭水入哂眼……..搞到依家隻眼又紅又痛…..搞乜呀今日…………….唉…………………..今日又唔係十三號…又唔係星期五….點解會咁架……希望黑完今日…之後成年唔好再咁黑….求求你….老天爺爺
唔開心要點呀??睇下d bb相先~
哥日去左探哈比同佢小寶寶….睇下隻bb得意到呀
我對今日既記憶好模糊….原因係今日俾肚痛既感覺遮住哂所有野…………好肚痛呀…..痛到差d想嘔………..救命….係囉…乜我身體咁差既咩?好頭暈呀~
車…..我剪左頭髮呀…個個都笑我….剪哥個笑我傻傻地….有人笑我似傻仔….有人笑我似男仔……又有幾個人話我剪短頭髮似肥妹….塊面好肥….車…好巴閉咩…..笑我囉…笑死我囉……成日都笑人地肥…..人地開心先至會肥之嘛….你地唔抵得我開心呀….哈哈~都有比較正面既評價既…..就係話剪完d頭髮好滑…一個就係話好清爽…多謝哂囉~
睇下…未剪之前就係咁既衰款….之前染哥d又成日俾毛寶笑我個頭好立……講到我….都覺得好立….所以我要剪哂佢!!!
今日食好多野落肚….好恐怖呀…哈哈~第日先post上黎~
上兩個星期六…同左毛寶寶係屋企打左次邊爐~係海鮮邊爐宴….就係哥次自己第一次一個人衝入街市買哂d邊爐料哥次….買左好多野呀…有一斤蠔…一斤十六兩既一隻大肉蟹…一斤蟶子皇…一堆磨goo…三條脆皮瓜…三碌娃娃菜…三蚊冬瓜…兩盒肥牛…….毛寶唔係偷懶…係因為無位泊所以我先自己去買野咋~
d瓜係我洗同切架~好靚同埋好整齊呀~
救命呀….我病左呀…..今朝起身無啦啦成個人暈下暈下咁….又呆下呆下….之前兩日既喉嚨痛無左….因為我飲左三包清熱酷……換黎既係….頭重重…鼻水流流….加想嘔想嘔咁款(但係我中午都係勁吞左一個粥同個炒麵落肚~)
上個星期六我地去左睇林峯呀~好靚仔呀佢~雖然我地坐下面d位….但係我部相機拉唔到去咁遠影…可惜!!!!!!
今日四點半要聽個培訓講座….講到成六點三先放工……其實…今日都無發生過d咩丫~無事發生都算係好消息呀!!好期待聽日同星期五呀….快d到啦快d到啦~~~我要食野!!好似兩個禮拜之前先開始話要減食喎….眨下眼就煙消雲散~哈哈
之前我地除夕哥日放半日假…..中午一放工就去左星際食春茗飯…..之後就去左睇福爾摩斯….我覺得好好睇呀~之後又去左觀光塔既singing bean食飯倒數…..估佢唔到…..倒數呢d咁既日子….佢都企硬收十點半….真係吹佢唔脹~
好凍呀好凍呀~凍到我暈低喇…..如果我住係內蒙古都唔知點算…零下三十幾度…我真係會頂唔順~哈哈…好耐無寫blog喇~上個禮拜掛住搞院長份功課同埋測驗……搞足成個禮拜…做功課做到連寫blog既時間都無…..真係好少有…..諗番上個禮拜做過d咩先~最大件事梗係星期五哥單啦…公司死機死足個半鐘…..出面d人既情緒就好似山洪暴雨咁……d同事出去叫mic都心驚膽跳…..因為一出去就會俾人圍同俾人鬧…真係好慘…不過最估唔到….就係經過呢一役….都係唔會有改善~因為今日朝早又黎過~真係…………有一刻…我覺得…其實幾刺激…因為要追籌…..我…係咪好變態…哈哈…….星期六日就係上院長哥堂….好辛苦好辛苦…星期六佢搵人代佢監我地測驗…第二日佢竟然同我地講…話唔見左d試卷…..唔係想叫我測過下…我睬得你呀……星期六放左學…..衝左去氹仔食飽飯…..就去左睇~~~林峯演唱會~真係好靚仔~…不過…佢跳d舞…真係好慢~……………仲有一樣好緊要既事…就係我部nokia終於都壞左喇…….結束我同佢既五年情…新歡噚日到手…係iphone 3GS…..幾靚仔呀白色…好開心有新電話用~唔知我同佢既關係可以維持幾耐呢?
好耐呀…依家先講番之前聖誕節既野~哈哈
杯杯收我的聖誕禮物呀~有雞雞書一本同一張雞雞被~
