2010年2月11日 星期四

阿paul團年飯2010

點解…點解我今日心情都係咁差….真係可憐~成個下晏心情都好低落….但係唔知點解…..點解呢??唔通因為個天由晴變陰??定係基於天秤既心態…想做又做唔到???真係奇怪……仲要係咁低落既時候…又俾兩個客串一串我….當堂無野做….都變得好無癮…….希望聽日係牛年最後一個工作日…心情指數會上升….做野又路路亨通啦~



星期日同sasa食完飯…再經歷完一場超級大雨……同黃皮行左陣街….行到去水研社….黃皮話要食d野….咁我就好勉為其難咁幫佢食左少少(其實係因為我唔相信呢間野賣d野會好食….所以就…哈哈~做戲囉~)


口味為奶油味….又….幾鬼好食喎~~~~~我諗我下次行過….會再買~




跟住夜晚就去左一家人團年喇…係阿paul哥邊既~好耐都無見既親戚….又好自然咁聚首一堂….其實都幾開心既…


4條queen…全部都係我d表妹….老喇…一個二個都大個喇…本身有八條queen架…..走下走下去外國….得番我地四個….好想快d有機會….八條queen重聚….唔知幾時呢??笑下佢地變肥變娘夠開心啦~(講笑je…掛住架嘛~)



哥晚去左海富哥邊哥間怡昌打邊爐團年…幾好丫~


打邊爐團年幾新鮮呀…好過食一圍圍哥d~…我未試過打邊爐食魚生….因為我覺得…..打邊爐係食熟食既地方….食生野好似好唔乾淨…但呢日見到又點呀…梗係一野放入口啦理得佢乾唔乾淨呀~



墨魚滑同蝦滑都係我既飛佛~呢度d好好味~




呢張相我係想表達….乜d桶蠔可以咁大隻?????


無花無假….無玩鏡頭遠近…我真係擺係一支類似普通大裝維他水樽隔離比一比…真係有半支水咁大~味道…….鮮味肥美~正~



仲有好耐無食既—-象拔蚌~~真係真係好鮮~好甜~


白灼兩秒或生食加wasabi都係最好食法~



送左兩塊笨笨曲奇俾笨笨~佢好有禮貌同我講多謝~乖呀~










omg~唔知妹子同家家記唔記得呢隻糖…..我地細個好鐘意食架~~佢個表皮脆既…..裏面有糖粉…..最開心係見到佢五顏六色嘛~我既食法係將佢咬開個口…..倒d糖粉入我個口度…..噢~~本來係澳門發掘左佢….佢賣法係好似夾糖咁賣…鐘意要幾多就秤幾多…..唔係一包包咁包好俾你買~之後賣賣下突然話以後唔再出…….後尾移民左法國之後…….有一次妹子同家家黎探我哥時……係一次偶然下……望入一間我平時番學一定經過既靚裝糖果店入面(呢間野我每日放學經過都會偷望)…..發現番佢….我地三個就開心到即刻衝入去買~~真係真係好好味….食完又開心~~所以我成日求媽媽買俾我食~係法國番黎之後又無再見過佢lu~直至我前幾日行開八佰伴…又俾我見到佢!!!!!!!!!!!!!!!!!!!!!!!!!!!!!!!!!!!!


見唔見到d好似飛碟咁既糖呀?就係我地細個好愛食既可人兒~睇佢五顏六色幾可愛~~~~



我係八佰伴見到….真係想即刻買呀…不過一見…..208蚊………er….都算啦……佢裏面仲裝埋其他九唔搭八既糖……咁真係大打折扣啦……得半樽度係佢地…..208蚊喎…..好貴呀……如果平d就好喇……唉~


就係因為價錢同有其他垃圾糖既緣故…..我選擇同佢擦身而過……byebye~







今晚又係另一餐團年飯….

新年就係咁…咁多飯食~

都幾好….食餐好既~~~唔知今晚食乜餸呢???

今晚係我屋企搞~好緊張~~~

番埋聽日..就連放五日喇!!!!

加油加油~~~

沒有留言:

張貼留言