淨係識話人今年先post番舊年d相….其實….我仲慢過人~我記得哥日係10月25日~我地一大班鴨妹一齊開大食會~仲要係欣欣杯正日生日喎~
哥日夜晚上左去waiwai屋企….終於見到佢隻黃寶寶喇~
你睇下毛寶抱到寶寶斜哂~好攪笑
估唔到我去到哥日仲有生日禮物收~多謝阿賢~
我真係唔知waiwai一個女仔…點樣整九樣野出黎….我為大家數數….由左開始至右呀下…..有蒜蓉蒸扇貝兩碟…焗爐魚…薑蔥炒蟹….豉椒炒蜆(爆正)…蒸水蛋….炸蝦丸(呢個都好好味呀…我食左超多粒)…..
仲有海鮮燴飯…….下…..仲有水蟹粥~~~~~~~~~
喂..仲有蒸大閘蟹食..仲有好耐無見既半打..一個人點整架?
有女生日….就梗係有蛋糕啦~個蛋糕好似幾好食架喎~
睇下寶寶幾呆…..好啦祝杯杯…….開心快樂啦~仲有要成日同我玩喎…..好多日無見你喇…..我好掛住你呀……
狂歡三寶呀~~~我地以後都會成日一齊玩同咁開心架~
黎張大合照~睇下幾多女仔….邊個最靚?梗係個個都靚啦~
如果係都要我揀最靚哥個…我會揀上面哥排左手邊第三個囉….一係就欣欣杯隔離哥個囉(唔係帶手表隻手哥邊喎….係帶手鏈隻手哥邊喎)…哈哈哈哈哈哈哈~講笑….希望我地ep d女仔可以一直keep住感情咁好啦~臭男人呢???唔知佢哥日去鬼左邊….陳小貞呢???唔記得好似哥時佢去左北京~差你地兩個~黃寶寶直頭俾主人ja住個頭逼佢影相….真慘~
呢份我送俾杯杯既禮物…羽毛頸鏈一大條~
仲有我同毛寶夾份送的coach散銀包同埋電話繩
睇下佢個樣幾乖…杯杯~杯杯好多人鍚架~
今日我又逼左個人請我飲檸檬茶~多謝~
仲有真係有同事送我一隻公仔…好叻夾番黎架~
睇下佢幾肥~同我一樣咁得意~我番到屋企仲同佢傾左陣計tim~係呀…我係鐘意同公仔傾計呀~吹咩……鬼叫我細細個無兄弟姊妹呀….我係鐘意同公仔講野架喇~點丫?!(其實你唔使咁激動…呢度無人話你~)….哎呀..我又自言自語喇~哈哈~不過佢夾呢隻公仔令我諗番起…上次狂歡三寶去日本時用100yen夾的雞雞被一大張~
講開又講….
自從認定我 = 懶懶熊(肥熊)
杯 = 牛奶熊(灰濛濛)
寶 = 小黃雞(雞雞)
我覺得我地狂歡三寶既性格真係似足佢地三隻野……..因為懶懶熊既性格就係—-一個字…懶….鐘意訓覺…鐘意食…又唔鐘意做野~仲唔係我?……牛奶熊—-佢最鐘意蝦同玩小黃雞….但係佢係打從心底裏很愛小黃雞的~……小黃雞—-最鐘意係執屋執房….鐘意執房係因為係執房期間可能會發現到…零錢~仲會成日催懶懶熊同牛奶熊做野~係呀係呀阿寶成日催我做野架~…..真係好似我地三個~
圖右為懶懶熊..中為牛奶熊..左為小黃雞
係咪連個樣都似埋呀?高度身型都好似~
以前我都唔鐘意懶懶熊….自從覺得我同懶懶熊既性格咁似之後….我就好鐘意佢喇~今日去雅明食麻辣包時….行過下面間精品店….見到隻爆大隻懶懶熊公仔….本來好想抱佢番屋企攬下佢同俾佢攬下我….有邊個知道…隻臭熊要成四百幾蚊…….
番到屋企…不停諗緊佢…….頂~
沒有留言:
張貼留言