與媽媽慶生台北吃喝之旅2018-04-01第三天Part 2(天晴)

星期五....呢個禮拜我都過得好自在...原因只得一個!!hehe!!.....放左工又去左攞淘寶~跟住去食唐吉訶德~我真係好鐘意食佢地d tapas~~~~食飽去左威尼斯人行街街~~見到Jagabee開左黎澳門我好開心呀~~~~~~~星期六...中午同左皮皮食飯~食左papermoon~下午在家幸福忙+寫寫blog(但我也不忘來一杯我近黎最愛既long black~~)....夜晚又痴毛寶家住家飯食~又見菓子軒~星期日....中午又食Terra~好味~下午又執野....我屋企d垃圾執極都有......我諗我大大話話執左廿幾袋...但係對我書房外觀仍然無咩影響~我見我書房制造咁多垃圾.....我真係唔敢再去旅行亂買唔係日用品既野~晚上又去毛寶家痴餐~~~~我痴足一個周末....好唔知醜~星期一......多野做就梗架啦~



2018/04/01
Day 3---Part 2(台灣,台北 Taiwan,Taipei)
由於頭先食飽飯我娘買左包米...所以搭的士番酒店抖下~(因為無野做同埋太熱~~哈哈~~).....日落再出動~再搭捷運去市政府站~hi~又見~




係呀~又影呀~得唔得先~今次天氣勁好~






咁樣影不外乎又要黎誠品信義店行行~地址：台北市信義區松高路11號




我又無咩買喎今次....淨係買左一本書~




今次我望得最耐既野係呢批地圖花紋既包裝紙~




有人又要衝去Stussy~但又係估你唔到地我同毛寶都無野買~買野既係老夫人~(在信義新光三越既A11館3樓)




唔知點解有少少聖誕feel~行完Stussy依家行去食飯~




行行下見到有條勁長滑梯~~好想玩~~~係咪會sir到落地核?




好啦~又行過黎人稱貴婦廣場既寶麗廣場Bellavita...地址：台北市信義區松仁路28號.....上次搭小黃哥時司機大哥話好多人係度影婚妙相我仲唔信....今次堅係見到有人影婚紗相~





我地又黎喇~~~合．Shabu鍋物料理....就係位於寶麗廣場4樓~記得去佢地fb訂位真係勁多人~




今次竟然安排我地坐個室~~~~實在太好喇~~~~點餐前去廁所先~驚覺佢地係用呢隻護膚品!!即刻洗完手搽搽hand cream先~~(平時唔搽人地哥d~)....仲招積到香薰用Jo Malone!!!




餐牌同上次一樣啦~有海鮮既套餐又有肉類既套餐~





亦有單點的~不過我覺得套餐抵d~




好鐘意d餐具排得咁整齊~




醬就固定3個!左邊有蘿蔔泥..中間係沙茶醬..右邊係麻醬~沙茶醬同埋麻醬都係點肉食~我地有叫蟹...旁邊仲有個蟹醋同食蟹既工具~~






飲料當時做緊買一送一~我地叫左兩杯酸梅汁~NT$120=27.6hkd....每杯才13.8hkd....抵飲也不錯飲!




我地叫左3個套餐既~叫左一個頂級牛小扒套餐...NT$1,220=280.5hkd........兩個和風青蟳套餐~NT$1,680=386.2hkd(每個)~~~青蟳餐最好在訂位時先預訂~咁入面有前菜,綜合時蔬盤,食事,水果及甜品.........今次都係有3個前菜揀~我地3個都係揀左海膽山藥~好好味~





呢度係3份既綜合蔬菜盤~一碟大d一碟少d~




有侍應會幫你砌靚靚入鍋~~





蔬菜ok既話侍應會夾埋俾你食~完全不傷神~




和風青蟳既青蟳要來了~~由於我黎呢間餐廳食就係為左青蟳....所以我一定會訂~真係幾大隻下~以為哥時唔係食蟹季節會無咁大隻添...問侍應係邊度既蟹....佢話係台灣本地蟹....勁!正!!!!用毛寶的手手做一個對比~





除左隻蟹之外仲附送三隻蛤蜊~




影完相就會攞走d蟹膏為我地下一道做準備~~~~




我地另外左個餐既預級牛小排~~




不過我覺得上次既澳洲和牛比較好吃~呢個牛味淡了點~有點醬的需要!(上次不用)




已經落左蟹同蛤蜊~~~~幾認真...幾粒蛤蜊都用野裝住~




佢個綜合蔬菜盤入面仲有粒幾大下既花枝丸~超好味~




台灣d蛤蜊真心好吃~




最開心係除左牛肉之外其他野既生熟度我都係唔使理的~可以慢慢嘆~





正呀~~好大隻鉗呀~~~影完佢又攞走~~~




因為佢要幫我地攞入廚房剝殼丫嘛~~~




係呢度真係可以盡情耍廢食蟹~~~~隻蟹鉗好足肉呀~~~同埋我覺得佢今次d蟹醋好味左喎~




呀哈哈哈哈哈~~蟹身都好足肉~~好新鮮好好味~~~(因為係影相未入鍋時蟹腳還在動所以我說新鮮~)





食食下佢仲係鍋入面每人添碗湯俾我地飲~上次無~又幾好味喎~幾甜~我見個湯咁清我先飲咋~平時哥d我唔飲架~~~




好喇好喇~~~~清哂個煲就上下一道~~~席前煮蟹膏粥~~~~~(碟花生係辣花生...超好味惹味~)




今次仲有埋吻仔魚~~~上次無架~~唔知係咪因為今次兩隻蟹加埋唔夠多膏呢?我記得上次一隻都有咁上下多~





wowwowwowwow~~我上次食完就諗緊下一次係幾時食....








我千叮萬囑不要加紫菜~~~~但佢都係忘了~~~~~~記得去食既話同佢講紫菜自己加~~~~因為紫菜濃味呀怕會蓋過蟹膏粥本身既味~




好彩唔算太多紫菜~~無太影響味道~~~~好好味呀救命~~~




甜品我叫左杏仁豆腐~佢地就叫左黑糯米~仲有生果.....甜品和生果真的很一般....成個餐最要加強就係甜品!





呢餐食左NT$5,170=1,188.5hkd....每人396.2hkd....我個人認為ok囉~因為我好鐘意食~




幾癲呀...有人呀....以為自己帶左好多台幣過黎呀!食完呢餐得番NT$9=2.1hkd......仲有一日喎~點呀你~點帶你出黎we呀~




走既時候行去搭捷運...途中見到月亮勁圓~~望下手提~原來係農曆十五~難怪~~~~~一見月亮就會想唱：抬頭看~當時的月亮~曾經代表誰的心~結果都一樣~




今次淨係買左呢本書咋~幾吸引呀可~




買左呢個..但仲未沖黎試~




呢包就係我娘親今日中午係樂埔町買既冠!軍!米!








放工哥刻我突然爆勁肚餓....
番到屋企我直頭背部勁標汗....手勁震...
唔知係咪血糖突然好低.....
食左飯我好似仲係好軟弱........
我唯有再食野入肚...餅呀..朱古力呀..
咩都放d入口......
連我之前去新加坡哥包我放係度一直唔敢食既咸蛋薯片..
我都照塞入口.....
(因為覺得咸蛋薯片太邪惡..好肥..唔敢開亦唔敢望)
心諗....肥好過餓到無命.....

但食家我又好驚喇...咸蛋薯片喎.....

好肥架喎.........點算呀???
哥刻我一定餓到痴左線.......................



2018/07/30的開心事：
今朝我飲左我好想飲哥間既long black...
好享受~嘆完先開工既~



報時：距離Supper Moment[Dal Segno]專輯巡迴台北站2018仲有---24日~
報時：距離與毛寶慶生泰國食揼嘆之旅2018仲有---59日~
報時：距離天團蘇格蘭高地之旅2018仲有---75日~
報時：距離鳥取自駕遊之旅2018仲有---123日~
訂左台灣酒店~
泰國仲係未訂~但睇定左訂邊間~
但等下佢睇下有無價減先~