2018年7月2日 星期一

新加坡熱辣辣聖誕節之旅2017-12-26第五天(天晴)

星期二...呢日一早俾個客指住我黎鬧...問我做咩d籌咁遲先叫到佢...喂大佬..唔關我事架喎~唯有用官方答法:因為之前既申請個案比較複雜~所以會有可能唔準時叫架~.....個客大叫:咁呢d咪你地安排得唔好囉!..........但抱歉...屎...我還是要照痾....太陽還是會從西邊升起東邊落下.....放左工終於可以去跑跑喇~~~~跑左3.57km~~好開心~跑走d工作壓力~星期三...一起身頭爆痛!!!痛到我標眼水.....中午又痛到狂反胃.....咁都仲番到工我都算係咁.....呢日自我放逐....理得你點睇~放左工去左跑步放鬆下...唔好理時間...輕鬆跑下當散步~跑左3.49km~星期四...放左工少女有人約食飯~唔得閒寫blog~(偷懶mode~)...星期五..番工多野做呀!個頭又唔生性...放左工就去左食不夜天..因為兩個表姐係美國回來了!...星期六...早上屋企洗水箱...10點後無水逼我一早起身洗頭...點解你要星期六洗?唯有洗完頭去沙北同我媽嘆啡..中午屈左老夫人去玥龍軒請我同毛寶飲茶XXD...下午玩switch個煮飯game(好像叫overcooked)...夜晚食左泰潮......海南雞飯啲雞仲係好好味但油飯好硬!...食飽飽Diana送左Mr.演唱會飛俾我呀!!好開心!...星期日中午去左食仰光小館~魚湯粉好食~然後買杯根勞~然後落爆勁大雨~(好彩已上車~)...然後番屋企打煮飯game~今次加埋大比阿sam一齊打..超正~~~~~~~~夜晚食左毛寶家的住家飯!星期一..香港補假加星期一嘛~預左多野做~(係呀...人地放假又關我地事架~內地放隻又關我地事架~所以日日都好好玩架~)



2017-12-26
Day 5(新加坡 Singapore->澳門 Macau)

哈哈~呢日要走喇~都無安排行程~朝早去番噚日間Craftsman Specialty Coffee度嘆個早餐算喇~




阿sam叫左汽水飲~~隻色令我諗起秘魯cola~支飲管好可愛~




我都係叫左杯凍既long black~SGD$6=34.9hkd.....




毛寶都係叫番噚日哥個北歐風多士....大比叫左個Fruity Waffle....SGD$16=93hkd....佢好似話幾好味~但我就唔可以食甜品當正餐~




我就叫左重型Smoked Salmon Savory Waffle....SGD$19=110.4hkd.....炒蛋配上噚日個醬~都係好夾~三文魚好食~waffle好食~正~




如果我係澳門都食到呢個咁有水準既早餐就好喇~(毛寶3伯同堂家姐已經早過我地搭機番香港~)




食飽番酒店攞行李check out~再分兩架的士去機場~我地班機係T2....我超想參觀下T3..因為好似有個室內公園好想去看看...但時間不夠~我其實鐘意呢塊板多過d電子顯示板~好經典!d聲好好聽~




tiger都係自助check in~部機變裝聖誕版kitty~幾可愛~





再埋counter drop off....過埋海關就衝去lounge啦~今次入左Sats Premier Lounge....過海關後轉左...有條自動扶手梯上航空公司貴賓室的~有Priority Pass可入~





有得沖涼~讚~(但我唔使啦~短程機~)




仲有按摩椅~又幾利害喎~




呢個Lounge幾大但都好多人..好辛苦先搵到個位坐~去攞野食~




有個位自助整叻沙~又幾搞笑喎~





都唔錯丫~




好喇~走喇~拜拜~





飛左好一陣子都係咁厚雲~




飛多一陣之後...好靚呀!!好似地毯咁~




又完左一個旅程~同大家講聲拜拜~(毛寶爹娘都好合作~哈哈~)





總結:
1.使費:2,304.5hkd(機票)+1,872hkd(4晚酒店)+90mop(保險)+4,100hkd(食買玩加gardens by the bay入場)=8,363.5hkd~
2.新加坡真係無咩景點...可能我唔識搵~又或者我已經去第4次~
3.d野食係一級讚!!!!!!!!!胡椒蟹真係好味到過份!!
4.但係暫時都唔會再去新加坡~~~~~因為真係堅熱~~但又一定會為左胡椒蟹再去喎~~~~~~~~
~The End~
~多謝收看~



哈哈....呢篇真係好似太短....欺騙大家感情咁....講d無聊野俾大家知~之前Mr.某晚夜深開fb live....我又走左去睇...仲狂留言叫佢地唱我最鐘意哥首歌.....我以為無人知...點知俾某位公子cap左我圖....wakakakka...仲係公子whatsapp谷度笑我~笑啦笑啦~反正我個心係仕燊bb度~好啦.....其實前晚個演唱會係幾好睇既~新歌真係唔係好熟.....一唱舊歌整個人high起來.....雖然都係無唱我最鐘意既"未來在字宙盡頭".....但其他舊歌都係好正......我超俾面呀...除左頭兩首外....第三首布志綸話想企起身咪企囉哥刻起..我企到完場架!!.......但我想講近排supper超少活動...我連過香港睇佢地都無機會......好掛住仕燊bb<3有成個月無見喇..掛屎人喇!









預告...
為免大家太掛住我..
我想講...其實我呢個禮拜有點忙忙的..
所以好有可能......
(剛才有個忠粉以為我今日又偷懶腥whatsapp投訴我~)



2018/07/02的開心事:
雖然很多野做...但今日d客都幾友善..
咁樣我已經要還神~



報時:距離與毛寶慶生泰國食揼嘆之旅2018仲有---87日~
報時:距離天團蘇格蘭高地之旅2018仲有---103日~

27 則留言:

  1. 忠粉睇得好緊😂😂😂
    我好欣賞你呢個粉絲,就算個口飛左去第個男人度,其實個心都係緊緊鎖係樹生北鼻度!真係甜c人嘅姐😆😆😆😆😆

    回覆刪除
    回覆
    1. 仲係一個大肚既忠粉XXD
      當然..我依家係鐘意仕燊BB嘛!梗係忠心不二啦!!!

      刪除
  2. 一起身頭爆痛!!!痛到我標眼水,見小T成日都係咁,是壓力性頭痛?

    回覆刪除
  3. 跑跑跑....跑走晒D煩惱
    新加坡已經被你完到盡~~哈哈

    回覆刪除
    回覆
    1. 哈哈~跑步可以聽歌所以好開心!
      可能有好野我唔知je~~但野食真係一流囉!

      刪除
  4. ☾*。♦好友🌜瞓覺呢☁。゚๑🌛★
    🌟開心萬事得╠╣aΡpy週二✨
    ╭~╮⊹
    ╰╭╯
     O
     ¤ ☆
     º∧_∧°o💤
     ( ・ω・ )
     |⊃/(___¨**
    /└-(____/✬°¨
    ☘•ೋஜგഐ✾۩۞۩❉

    回覆刪除
    回覆
    1. 開心開心~~星期一呢個工作日已過~

      刪除
  5. 個早餐又真係幾正喎.....
    第時如果去澳洲紐西蘭又或者南非果啲都可以選擇去星洲轉機,咁咪可以順道去食胡椒蟹囉^0^

    回覆刪除
    回覆
    1. 好味呀~~我依家諗番都覺得佢d蛋好好味~~
      咦!!!!!!!!!!!!!!!你呢個好提議喎!!!!咪唔使特登去囉!!!!

      刪除
  6. 闖到啲咁無理嘅客真係好慘

    回覆刪除
    回覆
    1. 算啦~呢個起碼係現場發過脾氣知佢嬲...有d唔出聲就咁寫投訴信先r爆頭唔知佢係邊個~

      刪除
  7. 唔知係咪錯覺...支飲管好似好巨型...
    新加坡景點唔算多,所以有今日旅遊業叫搞得好成功~~
    你真係隔一、兩分鐘就留一次言?

    回覆刪除
    回覆
    1. 哈哈~應該係影相錯覺~
      其實都ok呀新加坡~不過可能我未發現到d新野去je~
      係呀~~~~~~係咪仲要笑人呀~~~~~~~~~~~~~~XXD~~

      刪除
  8. 服務性行業就係咁,我地睇錢份上,挨到放假去旅行就開心啦,當佢唱歌!<講就咁講😆
    好似秘魯cola,你呢次新加坡都好似出現咗第二次🤣
    港女講,係追Supper前係追Mr. ,太花心了🙄

    回覆刪除
    回覆
    1. 我都知...但有時覺得....做咩好地地要為難一個服務人員....d野又唔係我諗出黎既~~係呀...佢鬧我哥時我都係當佢唱歌架咋~~~~~當然唔可以講粗口鬧我同埋話我屋企人哥d就點都無得忍既!
      係咩係咩~~~
      你問下港女邊個係Soler~~~~~~

      刪除
    2. 港女話不是Supper的鐵粉或Fans,只是認識他們支持佢地咋😆

      刪除
    3. 哈哈~~~~~~又俾佢兜到~~~~~~~~~~~
      你叫supper睇到情何以堪~~~~

      刪除
  9. 我都係唔太鍾意去星洲, 因為實在太熱, WAFFLE早餐好邢惡下.

    回覆刪除
  10. 未去過星州,多謝分享.

    回覆刪除
  11. 下個旅遊blog輪到邊度呢?

    回覆刪除
  12. 好耐冇黎了, 原來你準備去SCOTLAND....上次我都冇去晒...有机會同有錢就再去過, 哈哈!

    回覆刪除